updated on:2017-03-20 02:25 PM
ഗോവയിൽ കേരളത്തിന് വീണ്ടും ‘സന്തോഷം’; മിസോറാമിനെ തകർത്ത് സെമിയിൽ

www.utharadesam.com 2017-03-20 02:25 PM,
വാസ്കോ∙ സന്തോഷ് ട്രോഫി ഫുട്ബോളിന്റെ ഫൈനൽ റൗണ്ടിൽ കേരളത്തിന്റെ ചുണക്കുട്ടൻമാർ മുന്നേറ്റം തുടരുന്നു. ഇന്ത്യൻ ഫുട്ബോളിലെ വടക്കുകിഴക്കൻ ശക്തികളായ മിസോറാമിനെ ഒന്നിനെതിരെ നാലു ഗോളുകൾക്ക് തോൽപ്പിച്ച് കേരളം സെമി ഉറപ്പിച്ചു. കേരളത്തിനായി അസ്ഹറുദ്ദീൻ ഇരട്ടഗോൾ നേടി. കളിയുടെ അവസാന മിനിറ്റുകളിലായിരുന്നു അസ്ഹറുദ്ദീന്റെ ഗോൾ നേട്ടം. ജോബി ജസ്റ്റിൻ (6–ാം മിനിറ്റ്), സീസൺ (9–ാം മിനിറ്റ്) എന്നിവരാണ് കേരളത്തിനായി ഗോളുകൾ നേടിയ മറ്റുള്ളവർ. ആദ്യ പകുതിയിൽ കേരളം 2–0ന് മുന്നിലായിരുന്നു.

മൂന്നു വർഷം മുൻപ് സിലിഗുരിയിലെ കാഞ്ചൻജംഗ സ്റ്റേഡിയത്തിൽ മിസോറാമിനോട് 3–1ന് തോറ്റതിനും കേരളം പകരംവീട്ടി. ഇതോടെ മൂന്നു മൽസരങ്ങളിൽനിന്ന് ഏഴു പോയിന്റുമായി കേരളം ഗ്രൂപ്പിൽ ഒന്നാമതെത്തി. രണ്ടു വിജയവും ഒരു സമനിലയും ഉൾപ്പെടെയാണ് കേരളം ഏഴു പോയിന്റ് സ്വന്തമാക്കിയത്. ഗ്രൂപ്പിലെ മുമ്പൻമാരായിരുന്ന പഞ്ചാബ് ഇന്നു നടന്ന രണ്ടാം മൽസരത്തിൽ മഹാരാഷ്ട്രയോട് 1–0 ത്തിനു തോറ്റതും കേരളത്തെ ഒന്നാമതെത്താൻ സഹായിച്ചു. ഇതോടെ നാലു മൽസരങ്ങളിൽനിന്ന് പഞ്ചാബിനുള്ളത് അഞ്ചു പോയിന്റാണ്. കേരളത്തോട് തോറ്റ മിസോറാമാകട്ടെ, മൂന്നു കളികളിൽനിന്ന് നാലു പോയിന്റുമായി മൂന്നാം സ്ഥാനത്താണ്.

ശക്തരായ റെയിൽവേസിനെ രണ്ടിനെതിരെ നാലു ഗോളുകൾക്ക് തകർത്തുകൊണ്ടാണ് ഇത്തവണ കേരളം സന്തോഷ് ട്രോഫി ഫൈനൽ റൗണ്ടിലെ പോരാട്ടത്തിന് തുടക്കം കുറിച്ചത്. ഹാട്രിക്കുമായി തിളങ്ങിയ ജോബി ജസ്റ്റിന്റെ മികവിലായിരുന്നു കേരളത്തിന്റെ വിജയം. നാലാം ഗോൾ ക്യാപ്റ്റൻ ഉസ്മാന്റെ വകയായിരുന്നു. രണ്ടാം മൽസരത്തിൽ പഞ്ചാബിനെതിരെ അവസാന നിമിഷം വരെ രണ്ടു ഗോളുകൾക്ക് പിന്നിട്ടുനിന്നശേഷം, ആറു മിനിറ്റിനിടെ രണ്ടു ഗോളുകൾ തിരിച്ചടിച്ച് വിജയത്തോളം പോന്നൊരു സമനില സ്വന്തമാക്കാനും കേരളത്തിനായി. ഇതിന് പിന്നാലെയാണ് മിസോറാമിനെതിരെയുള്ള ഉജ്വല വിജയം.



Recent News
  ബീറ്റണ്‍ മില്‍കേര്‍സ് ഇന്‍ഡോര്‍ വോളീ ലീഗ് നാളെ തുടങ്ങും

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു

  ജില്ലാ ലീഗ് ക്രിക്കറ്റ്; സ്‌പോര്‍ട്ടിങ് ചട്ടഞ്ചാല്‍ ജേതാക്കള്‍

  അലി മിന്നിത്തിളങ്ങി; ഡിഫറന്റ്‌ലി ഏബിള്‍ഡ് ദേശീയ ക്രിക്കറ്റില്‍ കേരളത്തിന് തിളക്കമാര്‍ന്ന ജയം

  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും

  ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി

  ജില്ലാ ക്രിക്കറ്റ് അസോസിയേഷന്‍: പ്രസിഡണ്ട് തിരഞ്ഞെടുപ്പിനെതിരെയുള്ള ഹര്‍ജി തള്ളി

  'ടെസ്റ്റ്: ഇന്ത്യക്ക് ചരിത്രവിജയം

  ശക്തരായ പഞ്ചാബിനെതിരെ അസ്ഹറുദ്ദീന് സെഞ്ച്വറി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  അണ്ടര്‍-14 ജില്ലാ ക്രിക്കറ്റ് ടീമിനെ തുഷാര്‍ ബി.കെ നയിക്കും