updated on:2017-03-29 01:50 PM
പരിക്ക്; വിരാട് കോലിക്ക് ഐപിഎല്‍ മത്സരങ്ങള്‍ നഷ്ടമാകും

www.utharadesam.com 2017-03-29 01:50 PM,
ദില്ലി: ഓസ്‌ട്രേലിയയ്‌ക്കെതിരായ മൂന്നാം ടെസ്റ്റ് മത്സരത്തിനിടെ ചുമലിന് പരിക്കേറ്റ ഇന്ത്യന്‍ ക്യാപ്റ്റന്‍ വിരാട് കോലിക്ക് അടുത്തയാഴ്ച ആരംഭിക്കുന്ന ഐപിഎല്ലിലെ ആദ്യ മത്സരങ്ങള്‍ നഷ്ടമാകും. കോലി തന്നെയാണ് ഇക്കാര്യം അറിയിച്ചത്. ഷോള്‍ഡര്‍ പരിക്ക് ഭേദമാകാന്‍ ആഴ്ചകള്‍ വേണ്ടിവന്നേക്കുമെന്ന് കോലി മാധ്യമങ്ങളോട് പറഞ്ഞു. ഏപ്രില്‍ അഞ്ചിനാണ് ഐപിഎല്‍ ആരംഭിക്കുന്നത്. അന്നേദിവസം തന്നെ കോലിയുടെ ബെംഗളുരു റോയല്‍ ചാലഞ്ചേഴ്‌സ് സണ്‍ റൈസേഴ്‌സ് ഹൈദരാബാദുമായി ഏറ്റമുട്ടും. എന്നാല്‍, ഉദ്ഘാടനമത്സരം ഉള്‍പ്പെടെ ആദ്യത്തെ മൂന്നു മത്സരങ്ങളെങ്കിലും കോലിക്ക് പരിക്കുമൂലം നഷ്ടമായേക്കുമെന്നാണ് റിപ്പോര്‍ട്ട്. ഏപ്രില്‍ 8, 10, തീയതികളിലും ബെംഗളുരുവിന് മത്സരമുണ്ട്. നൂറുശതമാനവും ശാരീരികക്ഷമത വീണ്ടെടുക്കാന്‍ സമയമെടുക്കും. ഫിസിയോയുടെ നിരീക്ഷണത്തിലാണ്. അടുത്തദിവസം തന്നെ തന്റെ തീരുമാനം അറിയാമെന്നും കോലി പറഞ്ഞു. പരിക്കേറ്റിരുന്നതിനാല്‍ നാലാം ടെസ്റ്റില്‍ കോലി കളിച്ചിരുന്നില്ല. ഇതാദ്യമായാണ് പരിക്കുമൂലം കോലി ടെസ്റ്റില്‍ നിന്നും മാറി നില്‍ക്കുന്നത്. മറ്റുള്ളവര്‍ക്ക് നല്‍കുന്ന ചികിത്സതന്നെയാണ് തനിക്കും നല്‍കുന്നത്. പ്രത്യേക ചികിത്സ തനിക്കുമാത്രമായില്ലെന്ന് കോലി കഴിഞ്ഞദിവസം പറഞ്ഞിരുന്നു. അതേസമയം, ഐപിഎല്ലില്‍ കളിക്കുന്നതിനുവേണ്ടിയാണ് കോലി നിര്‍ണായകമായ നാലാം ടെസ്റ്റില്‍ വിട്ടുനില്‍ക്കുന്നതെന്ന് ഓസീസ് മുന്‍ താരവും ഗുജറാത്ത് ലയണ്‍സിന്റെ കോച്ചുമായ ബ്രാഡ് ഹോഡ്ജ് വിമര്‍ശിച്ചിരുന്നു.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍