updated on:2017-04-28 01:19 PM
ഗുജറാത്തിന് 7 വിക്കറ്റ് ജയം; ടൈയ്ക്കു മൂന്നു വിക്കറ്റ്

www.utharadesam.com 2017-04-28 01:19 PM,
ബെംഗളൂരു: കൊൽക്കത്തയ്ക്കെതിരെ 49 റൺസിനു പുറത്തായി നാണക്കേടിലായ റോയൽ ചാലഞ്ചേഴ്സ് ബാംഗ്ലൂർ ഗുജറാത്ത് ലയൺസിനെതിരെയും പൊരുതാതെ കീഴടങ്ങി. 20 ഓവറിൽ പത്തു വിക്കറ്റിന് ബാംഗ്ലൂർ കുറിച്ച 134 റൺസ് 13.5 ഓവറിൽ വെറും മൂന്നു വിക്കറ്റ് നഷ്ടത്തിൽ ഗുജറാത്ത് മറികടന്നു. 34 പന്തിൽ 72 റൺസെടുത്ത ആരോൺ ഫിഞ്ചാണ് ഗുജറാത്തിന്റെ വിജയശിൽപി. ക്യാപ്റ്റൻ സുരേഷ് റെയ്ന (30 പന്തിൽ 34) മികച്ച കൂട്ടായി.

ടോസ് നേടി ബാംഗ്ലൂരിനെ ബാറ്റിങിനു വിളിച്ച ഗുജറാത്ത് ക്യാപ്റ്റൻ സുരേഷ് റെയ്നയ്ക്ക് നാലാം ഓവറിൽ കോഹ്‌ലി മടങ്ങിയതു മുതൽ സന്തോഷമൊഴിഞ്ഞ നേരമുണ്ടായിരുന്നില്ല. പത്തു റൺസെടുത്ത കോഹ്‌ലിയെ മലയാളി താരം ബേസിൽ തമ്പിയാണ് പുറത്താക്കിയത്. ആരോൺ ഫിഞ്ചിനു ക്യാച്ച്. അഞ്ചാം ഓവറിലെ അടുത്തടുത്ത പന്തുകളിൽ ഗെയ്‌ലിനെയും (എട്ട്) ട്രാവിസ് ഹെഡിനെയും (പൂജ്യം) മടക്കി ടൈ ഐപിഎലിലെ രണ്ടാം ഹാട്രികിനു വക്കിലെത്തി.

അതോടെ ബാംഗ്ലൂരിന്റെ റൺറേറ്റും കുറഞ്ഞു. പത്താം ഓവറിൽ അഞ്ചാമനായി ഡിവില്ലിയേഴ്സും പുറത്താകുമ്പോൾ സ്കോർ ബോർഡിലുണ്ടായിരുന്നത് 60 റൺസ് മാത്രം. 31 റൺസെടുത്ത കേദാർ ജാദവും 32 റൺസെടുത്ത പവൻ നേഗിയുമാണ് നൂറിനു താഴെ പുറത്താവുക എന്ന നാണക്കേടിൽ നിന്ന് അവരെ രക്ഷിച്ചത്. അനികേത് ചൗധരി 15 റൺസുമായി പുറത്താകാതെ നിന്നു.ഗുജറാത്തിനും വേണ്ടി ആന്ദ്രെ ടൈ 12 റൺസ് മാത്രം വഴങ്ങി മൂന്നു വിക്കറ്റ് വീഴ്ത്തി. രവീന്ദ്ര ജ‍ഡേജ രണ്ടു വിക്കറ്റ് നേടി.



Recent News
  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം