updated on:2017-06-11 02:22 PM
ചാംപ്യൻസ് ട്രോഫി: ഇംഗ്ലണ്ടിനു വിജയം

www.utharadesam.com 2017-06-11 02:22 PM,
ബർമിങാം: ചാംപ്യൻസ് ട്രോഫിയിലെ നിർണായക മൽസരത്തിൽ ഇംഗ്ലണ്ടിനോടു തോറ്റ് ഓസ്ട്രേലിയ പുറത്ത്. മഴ വീണ്ടും രസം കൊല്ലിയായ കളിയിൽ ഡക്ക്‌വർത്ത്–ലൂയിസ് നിയമപ്രകാരം 40 റൺസിനായിരുന്നു ഇംഗ്ലണ്ടിന്റെ ജയം. സ്കോർ: ഓസ്ട്രേലിയ–50 ഓവറിൽ ഒൻപതിന് 277.
ഇംഗ്ലണ്ട്–40.2 ഓവറിൽ നാലിന് 240. 201 റൺസായിരുന്നു കണക്കുകൂട്ടൽ പ്രകാരം ഇംഗ്ലണ്ടിന്റെ വിജയലക്ഷ്യം. ഇതോടെ ഗ്രൂപ്പ് എയിൽ നിന്ന് ബംഗ്ലദേശും സെമിയിലെത്തി. ഇംഗ്ലണ്ട് നേരത്തെ സെമിയിലെത്തിയിരുന്നു. സെഞ്ചുറി നേടിയ ബെൻ സ്റ്റോക്സും (102*) ക്യാപ്റ്റൻ ഒയിൻ മോർഗനും (87) ചേർന്ന കൂട്ടുകെട്ടാണ് ഇംഗ്ലണ്ടിനെ വിജയത്തിലെത്തിച്ചത്.
നാലാം വിക്കറ്റിൽ 159 റൺസാണ് ഇരുവരും കൂട്ടിച്ചേർത്തത്. മോർഗൻ പുറത്തായ ശേഷം ജോസ് ബട്‌ലറെ കൂട്ടു പിടിച്ച് സ്റ്റോക്സ് ഇന്നിങ്സ് മുന്നോട്ടു കൊണ്ടു പോയി. 40.2 ഓവറായപ്പോഴേക്കും വീണ്ടും മഴയെത്തുകയായിരുന്നു.
നേരത്തെ, ടോസ് നഷ്ടപ്പെട്ട് ബാറ്റിങിനിറങ്ങിയ ഓസ്ട്രേലിയയ്ക്ക് ട്രാവിസ് ഹെഡിന്റെ (71) അർധ സെഞ്ചുറിയാണ് തുണയായത്. എട്ടാം ഓവറിൽ ഓപ്പണർ ഡേവിഡ് വാർണറെ (21) നഷ്ടമായതിനു ശേഷം ഒരുമിച്ച ആരോൺ ഫിഞ്ചും (68) ക്യാപ്റ്റൻ സ്റ്റീവ് സ്മിത്തും (56) ഇന്നിങ്സ് താളത്തിലാക്കി.
അനായാസം സ്ട്രൈക്ക് റൊട്ടേറ്റ് ചെയ്തും ഇടയ്ക്കു ബൗണ്ടറികൾ നേടിയും ഇരുവരും 18 ഓവറിൽ ടീമിനെ നൂറു കടത്തി. 47 പന്തിൽ എട്ടു ഫോറടിച്ച ഫിഞ്ച് പുറത്തായ ശേഷം വന്ന മോയ്സസ് ഹെൻറിക്വെസ് (17) നന്നായി തുടങ്ങിയെങ്കിലും പെട്ടെന്നു മടങ്ങി.
31–ാം ഓവറിൽ പ്ലങ്കറ്റിനെ ബൗണ്ടറി കടത്തി സ്മിത്ത് അർധ സെഞ്ചുറിയിലെത്തി. അടുത്ത ഓവറിൽ വുഡിന്റെ പന്തിൽ പ്ലങ്കറ്റ് ഓസീസ് ക്യാപ്റ്റനെ മിഡോഫിൽ പിടികൂടി. ഗ്ലെൻ മാക്സ്‌വെൽ (20) ഹെഡിനു ചെറിയ പിന്തുണ നൽകിയെങ്കിലും വുഡിന്റെ പന്തിൽ ജേസൺ റോയ് പിടിച്ചു പുറത്തായി.
അതോടെ ഓസ്ട്രേലിയ തകർച്ച നേരിട്ടു. ഹെഡ് ഒരറ്റത്ത് ഉറച്ചു നിന്നെങ്കിലും മാത്യു വെയ്ഡ് (രണ്ട്), മിച്ചൽ സ്റ്റാർക്ക് (പൂജ്യം), പാറ്റ് കമ്മിൻസ് (നാല്), ആദം സാംപ (പൂജ്യം) എന്നിവരെല്ലാം വന്നപോലെ മടങ്ങി. 33 റൺസ് വഴങ്ങിയാണ് വുഡ് നാലു വിക്കറ്റ് വീഴ്ത്തിയത്. ആദിൽ റാഷിദ് 41 റൺസ് വഴങ്ങി നാലു വിക്കറ്റ് വീഴ്ത്തി.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍