updated on:2017-06-24 03:19 PM
കോലിക്കെതിരെ ആഞ്ഞടിച്ച് മുന്‍ ഇന്ത്യന്‍താരം എറാപ്പള്ളി പ്രസന്ന

www.utharadesam.com 2017-06-24 03:19 PM,
ദില്ലി: സ്പിന്‍ ഇതിഹാസം അനില്‍ കുംബ്ലെയെ കോച്ചിന്റെ സ്ഥാനത്തുനിന്നും പുറത്താക്കിയ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോലിക്കെതിരെ ആഞ്ഞടിച്ച് മുന്‍ ഇന്ത്യന്‍താരം എറാപ്പള്ളി പ്രസന്ന. സ്വയം വലിയവനെന്നും നേതാവെന്നും കോലിക്ക് തോന്നിയാല്‍ ഇന്ത്യന്‍ ടീമിന് കോച്ചിന്റെ ആവശ്യമേയില്ലെന്ന് അദ്ദേഹം പരിഹസിച്ചു. കുംബ്ലെയും കോലിയും തമ്മിലുണ്ടായ പ്രശ്‌നങ്ങളെക്കുറിച്ച് സംസാരിക്കുകയായിരുന്നു എഴുപത്തിയേഴുകാരനായ മുന്‍ സ്പിന്നിര്‍. ക്യാപ്റ്റന്‍ തന്നെ നേതാവായാല്‍ എന്തിനാണ് ഇന്ത്യയ്ക്ക് ഒര കോച്ച്. ഇന്ത്യയ്ക്ക് ബാറ്റിങ്, ഫീല്‍ഡിങ് കോച്ചിന്റെയും ആവശ്യമില്ലെന്നും സഞ്ജയ് ബംഗാറിനെയും ആര്‍ ശ്രീധറിനെയും സൂചിപ്പിച്ച് പ്രസന്ന പറഞ്ഞു. ഇന്ത്യയ്ക്ക് വേണമെങ്കില്‍ ഒരു ഫിസിക്കല്‍ ട്രെയിനര്‍ മതിയാകും. ബാക്കിയെല്ലാം ക്യാപ്റ്റന്‍ നോക്കിക്കൊള്ളുമെന്ന് പറഞ്ഞ അദ്ദേഹം കോലിയുടെ ക്യാപ്റ്റന്‍സിയിലും സംശയം പ്രകടിപ്പിച്ചു. വിരാട് കോലി മികച്ച കളിക്കാനാണെന്നതില്‍ തര്‍ക്കമില്ല. എന്നാല്‍, കോലി നല്ല ക്യാപ്റ്റനാണെന്ന് തനിക്ക് തോന്നുന്നില്ലെന്നും അദ്ദേഹം വ്യക്തമാക്കി. അടുത്ത ലോകകപ്പ് വരെ ധോണിയും യുവരാജും ടീമിലുണ്ടാകുമെന്ന് കാര്യത്തില്‍ സംശയമുണ്ട്. അപ്പോഴേക്കും അവര്‍ക്ക് പ്രായം 38 ആകും. ധോണിയെ ഒരു വിക്കറ്റ് കീപ്പര്‍ എന്ന നിലയില്‍ എടുത്താലും യുവരാജ് ഒരു ഫീല്‍ഡര്‍ മാത്രമാകുമോ എന്നാണ് സംശയം. യുവ കളിക്കാര്‍ക്ക് അവസരം നല്‍കേണ്ടുന്ന സമയമാണിത്. താരതമ്യേന ചെറിയ ടീമായ വെസ്റ്റിന്‍ഡീസിനെതിരെ കളിക്കാനിറങ്ങുമ്പോള്‍ ഇന്ത്യ യുവ താരങ്ങള്‍ക്ക് കൂടുതല്‍ അവസരം നല്‍കണമായിരുന്നെന്നും പ്രസന്ന സൂചിപ്പിച്ചു.



Recent News
  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു