updated on:2017-07-01 02:02 PM
വെസ്റ്റ് ഇൻഡീസിനെതിരെ ഇന്ത്യയ്ക്കു 93 റൺസ് ജയം

www.utharadesam.com 2017-07-01 02:02 PM,
ആന്റിഗ്വ : അർധ സെഞ്ചുറി നേടി പുറത്താകാതെനിന്ന മുൻ ക്യാപ്റ്റൻ എം.എസ് ധോണിയുടെയും (78) ഫോം തുടർന്ന ഓപ്പണർ അജിങ്ക്യ രഹാനെയുടെയും (72) മികവിൽ വെസ്റ്റ് ഇൻഡീസിനെതിരായ മൂന്നാം ഏകദിനത്തിൽ ഇന്ത്യയ്ക്കു 93 റൺസിന്റെ ഗംഭീര വിജയം. ഇന്ത്യ കുറിച്ച 251 റൺസിനെതിരെ ബാറ്റിങ്ങിനിറങ്ങിയ വിൻഡീസ് 38.1 ഓവറിൽ 158 റൺസിന് എല്ലാവരും പുറത്തായി. ജേസൻ മുഹമ്മദ് (40), റോമാൻ പവൽ (30), ഷായ് ഹോപ് (24) എന്നിവർക്കു മാത്രമേ വിൻഡീസ് നിരയിൽ ഭേദപ്പെട്ട ബാറ്റിങ് നടത്താനായുള്ളു. മൂന്നു വിക്കറ്റ് വീതം വീഴ്ത്തിയ കുൽദീപ് യാദവും ആർ.അശ്വിനും ചേർന്നാണ് ആതിഥേയ ബാറ്റിങ്ങിനെ കീറിമുറിച്ചത്. ഹാർദിക് പാണ്ഡ്യ രണ്ടു വിക്കറ്റെടുത്തു. ധോണിയാണ് മാൻ ഓഫ് ദ് മാച്ച്. ഇതോടെ അ‍ഞ്ചു മൽസര പരമ്പരയിൽ ഇന്ത്യയ്ക്ക് 2–0ന്റെ ലീഡായി. ഒരു മൽസരം മഴയിൽ നഷ്ടപ്പെട്ടിരുന്നു. സ്കോർ: ഇന്ത്യ– 50 ഓവറിൽ നാലിന് 251. വിൻഡീസ്– 38.1 ഓവറിൽ 158.

ടോസ് നഷ്ടപ്പെട്ട് ബാറ്റിങിനിറങ്ങിയ ഇന്ത്യയുടെ തുടക്കം മെല്ലെയായിരുന്നു. മൂന്നാം ഓവറിലെ നാലാം പന്തിൽ ശിഖർ ധവാൻ തേഡ്മാനിൽ ചേസിന്റെ കയ്യിലൊതുങ്ങി. ഇടയ്ക്കിടെയുള്ള ബൗണ്ടറികളിലൂടെ രഹാനെ സ്കോർ നിരക്ക് താഴാതെ കാത്തപ്പോൾ വിരാട് കോഹ്‌ലി പിന്തുണ നൽകി. പത്താം ഓവറിൽ ഹോൾഡറിന്റെ പന്തിൽ കോഹ്‌ലിസ്ലിപ്പിൽ കൈൽ ഹോപ്പിന്റെ കയ്യിലെത്തി.

20 ഓവറിൽ രണ്ടിന് 74 എന്ന നിലയിലായിരുന്നു ഇന്ത്യ. 27–ാം ഓവറിൽ ടീം സ്കോർ നൂറു കടന്നതോടെ യുവരാജ് (55 പന്തിൽ 39) പുറത്തായി. രഹാനെയും പോയതോടെ കേദാർ ജാദവും ധോണിയും ഒത്തുചേർന്നാണ് ഇന്ത്യയുടെ റൺറേറ്റ് ഉയർത്തിയത്. അപരാജിതമായ അഞ്ചാം വിക്കറ്റിൽ ധോണിയും ജാദവും ചേർന്ന് 81 റൺസ് കൂട്ടിച്ചേർത്തു. ധോണി പന്തിൽ നാലു ഫോറും ഒരു സിക്സും അടിച്ചു. ജാദവ് നാലു ഫോറും ഒരു സിക്സും അടക്കം 26 പന്തിൽ 40 റൺസെടുത്തതോടെ ഇന്ത്യ 250 കടന്നു.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍