updated on:2017-07-03 01:42 PM
നാലാം ഏകദിനത്തിൽ ഇന്ത്യയ്ക്ക് 11 റൺസ് തോൽവി

www.utharadesam.com 2017-07-03 01:42 PM,
ആന്റിഗ്വ: രണ്ടു തോൽവികളിലെ ആദ്യപാഠം വെസ്റ്റ് ഇൻഡീസ് ഇത്തവണ തിരുത്തി. ടോസ് നേടിയ അവർ ബാറ്റിങ് തിരഞ്ഞെടുത്തു. ബാറ്റിങ് ദുഷ്കരമായ പിച്ചിൽ നേടിയ 189 റൺസ് പോലും ഇന്ത്യൻ ബാറ്റ്സ്മാർക്ക് അപ്രാപ്യമായപ്പോൾ നാലാം ഏകദിനത്തിൽ വിൻഡീസിന്റെ ജയം 11 റൺസിന്. സ്കോർ: വെസ്റ്റ് ഇൻഡീസ്–50 ഓവറിൽ ഒൻപതിന് 189. ഇന്ത്യ–49.4 ഓവറിൽ 178നു പുറത്ത്. അഞ്ചു വിക്കറ്റെടുത്ത ക്യാപ്റ്റൻ ജേസൺ ഹോൾഡറാണ് വിൻഡീസിന്റെ വിജയശിൽപി. അജിങ്ക്യ രഹാനെയും (91 പന്തിൽ 60) എം.എസ് ധോണിയും (114 പന്തിൽ 54) അർധ സെഞ്ചുറി നേടിയെങ്കിലും റൺനിരക്കിന്റെ സമ്മർദ്ദത്തിലായത് അവസാനം ഇന്ത്യയ്ക്കു തിരിച്ചടിയായി.
നേരത്തെ മൂന്നു വിക്കറ്റ് വീതം വീഴ്ത്തിയ ഹാർദ്ദിക് പാണ്ഡ്യയും ഉമേഷ് യാദവും രണ്ടു വിക്കറ്റ് വീഴ്ത്തിയ കുൽദീപ് യാദവുമാണ് വിൻഡീസിനെ ചെറിയ സ്കോറിലൊതുക്കിയത്. ഗാലറിയിൽ ആളില്ലാതെയും ഇടയ്ക്കു മഴ പെയ്തും നിറംകെട്ടു പോയ പരമ്പരയിലെ നാലാം മൽസരത്തിലും നിലവാരം അതു പോലെ തന്നെ. ഷമിയുടെ ആദ്യ ഓവറിൽ ഫോറടിച്ചു തുടങ്ങിയെങ്കിലും പിന്നീട് വിൻഡീസിന്റെ റൺനിരക്ക് മൂന്നിലും താഴെയായി. നാല് ഓവർ പൂർത്തിയാകുമ്പോൾ ടെസ്റ്റ് മൽസരം പോലെ ഏഴു റൺസ് മാത്രമാണ് അവരുടെ സ്കോർ ബോർഡിലുണ്ടായിരുന്നത്. ഷമി എറിഞ്ഞ മൂന്നാം ഓവറും ഉമേഷിന്റെ നാലാം ഓവറും മെയ്ഡനായിരുന്നു. 15 ഓവർ പൂർത്തിയാകുമ്പോഴും വിൻഡീസ് അൻപതു കടന്നില്ല.
18–ാം ഓവറിൽ പാണ്ഡ്യയുടെ പന്തിൽ ജാദവിനു പിടി കൊടുത്ത് കൈൽ ഹോപ്പ് പുറത്തായതോടെ ഇന്ത്യൻ ബോളർമാർ പിടി മുറുക്കി. മൂന്ന് ഓവറുകൾക്കു ശേഷം എവിൻ ലൂയിസിനെ കുൽദീപ് യാദവും വീഴ്ത്തി. ക്യാപ്റ്റൻ കോഹ്‌ലിക്കു ക്യാച്ച്. 35 റൺസെടുക്കാൻ ലൂയിസ് എടുത്തത് 60 പന്തുകൾ. സ്ട്രൈക്ക് റേറ്റ് 58.33 മാത്രം. ഹോപ്പിന്റെ ബാറ്റിങും സമാനം– 63 പന്തിൽ 35. മൂന്നാം വിക്കറ്റിൽ ഒത്തു ചേർന്ന റോസ്റ്റൻ ചേസും (34 പന്തിൽ 24) ഷായ് ഹോപ്പുമാണ് (39 പന്തിൽ 25) പിന്നീട് വിൻഡീസ് ഇന്നിങ്സിനെ മുന്നോട്ടു കൊണ്ടു പോയത്.



Recent News
  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു