updated on:2017-07-05 02:36 PM
'ജയിച്ചില്ല'!! ജോകോവിച്ചും ഫെഡററും മുന്നേറി!!

www.utharadesam.com 2017-07-05 02:36 PM,
ലണ്ടന്‍: സൂപ്പര്‍ താരങ്ങളായ നൊവാക് ജോക്കോവിച്ചും റോജര്‍ ഫെഡററും വിംബിള്‍ഡണ്‍ ഗ്രാന്റ്സ്ലാം ടെന്നീസ് ടൂര്‍ണമെന്റിന്റെ രണ്ടാംറൗണ്ടില്‍ കടന്നു. എന്നാല്‍ ആദ്യറൗണ്ടില്‍ 'ജയിക്കാതെയാണ്' ഇരുവരും അടുത്ത റൗണ്ടില്‍ ഇടംപിടിച്ചത്. ഇരുവരുടെയും എതിരാളികള്‍ പരിക്കുമൂലം പിന്‍മാറുകയായിരുന്നു. മറ്റു മല്‍സരങ്ങളില്‍ നിലവിലെ റണ്ണറപ്പായ കനേഡിയന്‍ താരം മിലോസ് റവോനിക്ക്, അര്‍ജന്റീനയുടെ യുവാന്‍ മാര്‍ട്ടിന്‍ ഡെല്‍പോട്രോ, ഓസ്ട്രിയയുടെ ഡൊമിനിക് തിയെം, ചെക് റിപബ്ലിക്കിന്റെ തോമസ് ബെര്‍ഡിച്ച് എന്നിവര്‍ ജയത്തോടെ തുടങ്ങി. വനിതാ സിംഗിള്‍സില്‍ ഒന്നാം സീഡായ ജര്‍മനിയുടെ ആഞ്ചലിക് കെര്‍ബര്‍, മൂന്നാം സീഡായ ചെക് റിപബ്ലിക്കിന്റെ കരോലിന പ്ലിസ്‌ക്കോവ, ഒമ്പതാം സീഡായ പോളണ്ടിന്റെ അഗ്‌നിയേസ്‌ക റഡ്‌വാന്‍സ്‌ക എന്നിവരും ആദ്യറൗണ്ട് മല്‍സരങ്ങളില്‍ ജയം നേടി. പുരുഷ സിംഗിള്‍സില്‍ സ്ലൊവാക്യയുടെ മാര്‍ട്ടിന്‍ ക്ലിസാനെതിരേയാണ് ജോകോവിച്ച് ജയം നേടിയത്. മല്‍സത്തില്‍ ജോകോവിച്ച് 6-3, 2-0ന് മുന്നിട്ടുനില്‍ക്കവെ ക്ലിസാന്‍ പരിക്കേറ്റു പിന്‍മാറുന്നതായി അറിയിക്കുകയായിരുന്നു. ഉക്രെയ്‌നിന്റെ അലെക്‌സാണ്ടര്‍ ഡൊല്‍ഗോപൊലോവിനെതിരേ സമാനമായിരുന്നു ഫെഡററുടെയും വിജയം. ഫെഡറര്‍ 6-3, 3-0ന് മുന്നില്‍നില്‍ക്കെയാണ് പരിക്കുമൂലം ഡൊല്‍ഗാപൊലോവ് പിന്‍മാറിയത്. അധികം അധ്വാനിക്കാതെ തന്നെ രണ്ടാംറൗണ്ടില്‍ കടക്കാനായെങ്കിലും മല്‍സരശേഷം ജോകോവിച്ചും ഫെഡററും നിരാശ പ്രകടിപ്പിച്ചു. ആദ്യറൗണ്ട് കളിക്കുമ്പോള്‍ കോര്‍ട്ടില്‍ പരിശീലനം നടത്തുന്നതുപോലെയാണ് തോന്നിയതെന്നു ജോകോവിച്ച് പറഞ്ഞു. ഇത്തരം സന്ദര്‍ഭങ്ങളില്‍ നിയമത്തില്‍ ഭേദഗതി വരുത്താന്‍ ഫെഡറേഷന്‍ ആലോചിക്കണമെന്ന് ഫെഡറര്‍ ആവശ്യപ്പെട്ടു.



Recent News
  ബീറ്റണ്‍ മില്‍കേര്‍സ് ഇന്‍ഡോര്‍ വോളീ ലീഗ് നാളെ തുടങ്ങും

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു

  ജില്ലാ ലീഗ് ക്രിക്കറ്റ്; സ്‌പോര്‍ട്ടിങ് ചട്ടഞ്ചാല്‍ ജേതാക്കള്‍

  അലി മിന്നിത്തിളങ്ങി; ഡിഫറന്റ്‌ലി ഏബിള്‍ഡ് ദേശീയ ക്രിക്കറ്റില്‍ കേരളത്തിന് തിളക്കമാര്‍ന്ന ജയം

  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും

  ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി

  ജില്ലാ ക്രിക്കറ്റ് അസോസിയേഷന്‍: പ്രസിഡണ്ട് തിരഞ്ഞെടുപ്പിനെതിരെയുള്ള ഹര്‍ജി തള്ളി

  'ടെസ്റ്റ്: ഇന്ത്യക്ക് ചരിത്രവിജയം

  ശക്തരായ പഞ്ചാബിനെതിരെ അസ്ഹറുദ്ദീന് സെഞ്ച്വറി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  അണ്ടര്‍-14 ജില്ലാ ക്രിക്കറ്റ് ടീമിനെ തുഷാര്‍ ബി.കെ നയിക്കും