updated on:2017-07-13 02:08 PM
വനിതാ ക്രിക്കറ്റ് ലോകകപ്പില്‍ ഇന്ത്യയ്ക്ക് തുടര്‍ച്ചയായ രണ്ടാം തോല്‍വി

www.utharadesam.com 2017-07-13 02:08 PM,
ലണ്ടൻ: വനിതാ ക്രിക്കറ്റ് ലോകകപ്പില്‍ ഇന്ത്യയ്ക്ക് തുടര്‍ച്ചയായ രണ്ടാം തോല്‍വി. ഓസ്ട്രേലിയയോട് 8 വിക്കറ്റിനാണ് ഇന്ത്യന്‍ വനിതകള്‍ തോറ്റത്. അന്താരാഷ്ട്ര ഏകദിന ക്രിക്കറ്റില്‍ ഏറ്റവും കൂടുതല്‍ റണ്‍സെടുക്കുന്ന വനിതാ താരം എന്ന റെക്കോര്‍ഡ് ക്യാപ്റ്റന്‍ മിതാലി രാജ് സ്വന്തമാക്കിയ കളിയിലാണ് ഇന്ത്യ തോറ്റത് എന്നതും ശ്രദ്ധയേം. സ്കോര്‍ ഇന്ത്യ 7 വിക്കറ്റിന് 226. ഓസ്ട്രേലിയ 45.1 ഓവറില്‍ 2 വിക്കറ്റിന് 227. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യയ്ക്ക് തുടക്കത്തിലേ ഗ്ലാമര്‍ താരം സ്മൃതി മന്ദാനയെ നഷ്ടപ്പെട്ടു. എന്നാല്‍ സെഞ്ചുറി നേടിയ പൂനം റൗത്തും ക്യാപ്റ്റന്‍ മിതാലി രാജും ചേര്‍ന്ന് ഇന്ത്യയെ മുന്നോട്ട് നയിച്ചു. 69 റണ്‍സെടുത്ത മിതാലി ഏകദിനത്തില്‍ 6000 റണ്‍സും സ്വന്തമാക്കി. ഈ നേട്ടം കൈവരിക്കുന്ന ലോകത്തെ ആദ്യതാരമാണ് ഇന്ത്യന്‍ ക്യാപ്റ്റന്‍. എന്നാല്‍ അവസാന ഓവറുകളില്‍ തുടരെ വിക്കറ്റ് നഷ്ടമായ ഇന്ത്യയ്ക്ക് 7 വിക്കറ്റിന് 226 വരെ എത്താനേ കഴിഞ്ഞുള്ളൂ. മറുപടി ബാറ്റിംഗില്‍ ആദ്യ പത്തോവറില്‍ 34 റണ്‍സ് മാത്രം വിട്ടുകൊടുത്ത് ഇന്ത്യ കളി പിടിക്കും എന്ന് തോന്നിപ്പിച്ചതാണ് എന്നാല്‍ അര്‍ധസെഞ്ചുറി നേടിയ പെറി, ലാനിങ് എന്നിവരുടെ മികവില്‍ ഓസ്ട്രേലിയ അനായാസം വിജയത്തിലെത്തി. ജയത്തോടെ ഓസ്ട്രേലിയ സെമിഫൈനലില്‍ കടന്നു. ഇന്ത്യയ്ക്കാകട്ടെ സെമി ഫൈനലില്‍ കടക്കണമെങ്കില്‍ അടുത്ത കളി ജയിച്ചേ തീരൂ എന്നതാണ് സ്ഥിതി.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍