updated on:2017-07-31 03:22 PM
രോഹിത് ശര്‍മയ്ക്ക് മറുപടിയുമായി പാക് ബൗളര്‍ മുഹമ്മദ് ആമിര്‍

www.utharadesam.com 2017-07-31 03:22 PM,
ദുബായ്: പാക്കിസ്ഥാന്‍ ബൗളര്‍ മുഹമ്മദ് ആമിറിന്റെ ബൗളിങ്ങിനെക്കുറിച്ച് ഇന്ത്യന്‍ ഓപ്പണര്‍ രോഹിത് ശര്‍മ നാളുകള്‍ക്കു മുന്‍പ് നടത്തിയ പരാമര്‍ശത്തിന് ആമിര്‍ മറുപടി പറഞ്ഞു. സ്‌കൈ സ്‌പോര്‍ട്‌സിന് നല്‍കിയ അഭിമുഖത്തിലാണ് ആമിര്‍ രോഹിത്തിന് മറുപടി നല്‍കിയത്. 2016 ഏഷ്യാ കപ്പ് മാച്ചിന് ശേഷമായിരുന്നു രോഹിത്തിന്റെ പരാമര്‍ശം.
ആമിറിനെ അനാവശ്യമായി പുകഴ്ത്തി മികച്ച ബൗളറാക്കുന്നതിനോട് യോജിപ്പില്ലെന്ന് രോഹിത് അന്നു പറഞ്ഞിരുന്നു. ആമിര്‍ അത്ര മികച്ച ബൗളറാണെന്ന് താന്‍ കരുതുന്നില്ല. സാമാന്യം നല്ല രീതിയില്‍ പന്തെറിയുന്നുണ്ട്. എന്നാല്‍ വസിം അക്രവുമായി താതരമ്യം ചെയ്യുന്നതിനോട് യോജിപ്പില്ല. ഒരു സാധാരണ ബൗളര്‍ മാത്രമാണ് ആമിര്‍. പാക്കിസ്ഥാന് അഞ്ച് ബൗളര്‍മാരുണ്ട്. അതിലൊരാള്‍ മാത്രമാണ് ആമിറെന്നും രോഹിത് പറഞ്ഞു. എന്നാല്‍, ഇത്തരം വാക്കുകള്‍ താന്‍ മുഖവിലയ്‌ക്കെടുക്കുന്നില്ലെന്നാണ് ആമിറിന്റെ മറുപടി. ആളുകള്‍ തന്നെക്കുറിച്ച് എന്താണ് പറയുന്നതെന്ന് ശ്രദ്ധിക്കാറില്ല. എന്റെ പ്രകടനം മെച്ചപ്പെടുത്താന്‍ മാത്രമാണ് ശ്രമം. ആളുകള്‍ പറയുന്നത് കേട്ട് ചിന്തിച്ചാല്‍ പ്രകടനത്തെ അത് ബാധിക്കും. അത്തരം സമ്മര്‍ദ്ദം ഒഴിവാക്കി പ്രകടനത്തിലാണ് ശ്രദ്ധയെന്നും ആമിര്‍ വ്യക്തമാക്കി. എല്ലാവര്‍ക്കും അവരവരുടേതായ അഭിപ്രായമുണ്ടാകും. അത് വ്യക്തിപരമാണ്. രോഹിത്തിന്റെ അഭിപ്രായത്തെക്കുറിച്ചും താന്‍ അങ്ങിനെയാണ് കാണുന്നത്. ഒരുപക്ഷെ രോഹിത്തിന്റെ അഭിപ്രായം ഇപ്പോള്‍ മാറിയിരിക്കാം. അത് എന്ത് തന്നെയായാലും രോഹിത്തിനെ ഒരു സാധാരണ ബാറ്റ്‌സ്മാന്‍ എന്ന് താനൊരിക്കലും വിളിക്കില്ലെന്നും ആമര്‍ പറഞ്ഞു.



Recent News
  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു

  ജില്ലാ ലീഗ് ക്രിക്കറ്റ്; സ്‌പോര്‍ട്ടിങ് ചട്ടഞ്ചാല്‍ ജേതാക്കള്‍

  അലി മിന്നിത്തിളങ്ങി; ഡിഫറന്റ്‌ലി ഏബിള്‍ഡ് ദേശീയ ക്രിക്കറ്റില്‍ കേരളത്തിന് തിളക്കമാര്‍ന്ന ജയം

  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും

  ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി

  ജില്ലാ ക്രിക്കറ്റ് അസോസിയേഷന്‍: പ്രസിഡണ്ട് തിരഞ്ഞെടുപ്പിനെതിരെയുള്ള ഹര്‍ജി തള്ളി

  'ടെസ്റ്റ്: ഇന്ത്യക്ക് ചരിത്രവിജയം

  ശക്തരായ പഞ്ചാബിനെതിരെ അസ്ഹറുദ്ദീന് സെഞ്ച്വറി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  അണ്ടര്‍-14 ജില്ലാ ക്രിക്കറ്റ് ടീമിനെ തുഷാര്‍ ബി.കെ നയിക്കും

  ഏഷ്യന്‍ ബോഡി ബില്‍ഡിംഗ് ചാമ്പ്യന്‍ഷിപ്പില്‍ ഷെരീഫ് കരിപ്പൊടിക്ക് നേട്ടം