updated on:2017-08-10 03:27 PM
ശ്രീശാന്ത്: ബോർഡിന് കെസിഎ കത്തയച്ചു

www.utharadesam.com 2017-08-10 03:27 PM,
കൊച്ചി: വിലക്കു നീക്കിയ ഹൈക്കോടതി വിധിയുടെ പശ്ചാത്തലത്തിൽ ശ്രീശാന്തിനു കളിയിലേക്കു മടങ്ങിവരാൻ അവസരമൊരുക്കുന്ന കാര്യത്തിൽ ബിസിസിഐ നിലപാട് തേടി കേരള ക്രിക്കറ്റ് അസോസിയേഷൻ (കെസിഎ). ഇക്കാര്യത്തിൽ അനുകൂല നിലപാട് തേടി ശ്രീശാന്തും ബിസിസിഐ ഭരണ സമിതിക്കു കത്തയച്ചു. കളിയിലേക്കു സജീവമായി മടങ്ങിവരാനുള്ള താൽപര്യം ശ്രീശാന്ത് കെസിഎയെ അറിയിച്ചെന്നും ഇതിനെ പിന്തുണയ്ക്കുന്നതായും കെസിഎ സെക്രട്ടറി ജയേഷ് ജോർജ് സുപ്രീം കോടതി നിയമിച്ച ബിസിസിഐ ഭരണ സമിതി ചെയർമാൻ വിനോദ് റായിക്ക് അയച്ച കത്തിൽ ചൂണ്ടിക്കാട്ടുന്നു.
ആഭ്യന്തര സീസണു മുന്നോടിയായുള്ള പരിശീലന ക്യാംപിലും സിലക്‌ഷൻ ട്രയൽസിലുമെല്ലാം ശ്രീശാന്തിനെ പങ്കെടുപ്പിക്കണമെങ്കിൽ ബിസിസിഐ അനുമതി ആവശ്യമാണ്. അതിനാൽ എത്രയും വേഗം ഈ വിഷയത്തിലുള്ള തീരുമാനവും നിർദേശവും അറിയിക്കണമെന്നാണ് കത്തിലെ ആവശ്യം. ബിസിസിഐ ആക്ടിങ് പ്രസിഡന്റ്, ആക്ടിങ് സെക്രട്ടറി, സിഇഒ എന്നിവർക്കും ബിസിസിഐ കത്തിന്റെ പകർപ്പ് അയച്ചിട്ടുണ്ട്. ഭരണ സമിതി അധ്യക്ഷൻ, ആക്ടിങ് സെക്രട്ടറി എന്നിവർക്കാണു ശ്രീശാന്തും കളിക്കാൻ അനുവദിക്കണമെന്നഭ്യർഥിച്ചു കത്തയച്ചിരിക്കുന്നത്.
വിലക്കു നീക്കിയ കേരള ഹൈക്കോടതി വിധി പഠിച്ച് നിയമവിദഗ്ധരുമായി ആലോചിച്ച ശേഷം തീരുമാനം എടുക്കുമെന്നാണു ബിസിസിഐ നിലപാട്. ഹൈക്കോടതി വിധിക്കെതിരെ അപ്പീൽ പോകാൻ ബിസിസിഐ തീരുമാനിച്ചാൽ ശ്രീശാന്തിന്റെ മടങ്ങിവരവ് ഇനിയും നീളും. മുൻപ് ഡൽഹി പട്യാല ഹൗസ് കോടതി ശ്രീശാന്തിനെ കുറ്റവിമുക്തനാക്കിയപ്പോഴും സ്കോട്ടിഷ് ലീഗിൽ കളിക്കാൻ ശ്രീശാന്തിന് ബിസിസിഐ എൻഒസി നിഷേധിച്ചപ്പോഴും ശ്രീശാന്തിനെ കളിക്കാൻ അനുവദിക്കണമെന്നപേക്ഷിച്ച് കെസിഎ ബിസിസിഐക്കു കത്തയച്ചിരുന്നു. രണ്ടു തവണയും പക്ഷേ, ബിസിസിഐ അപേക്ഷ തള്ളുകയായിരുന്നു.



Recent News
  ലോകകപ്പ് ഫുട്‌ബോള്‍ കിരീടം: ആഹ്ലാദത്തില്‍ മുങ്ങിക്കുളിച്ച് ഫ്രാന്‍സ്

  കത്തിക്കയറാന്‍ ക്രൊയേഷ്യ, വിപ്ലവ വീര്യത്തോടെ ഫ്രഞ്ച് പട; കിരീട പോരാട്ടം ഇന്ന്

  കെ.എല്‍-14 ജേഴ്‌സിയുമായി അബ്ദുല്ലക്കുഞ്ഞി ലോകകപ്പ് ഫൈനല്‍ സ്റ്റേഡിയത്തില്‍

  ഇംഗ്ലണ്ടിനെ ഞെട്ടിച്ച് ക്രൊയേഷ്യ ഫൈനലില്‍

  ലോകകപ്പ്: ആദ്യ സെമി ഇന്ന്

  പെനാല്‍ട്ടിയില്‍ ആതിഥേയര്‍ വീണു; സെമിയില്‍ ക്രൊയേഷ്യ ഇംഗ്ലണ്ടിന്റെ എതിരാളികള്‍

  കണ്ണീരായി ബ്രസീലും; ബെല്‍ജിയം സെമിയില്‍

  വിദ്യാനഗര്‍ ബ്ലാസ്റ്റേഴ്‌സ് അക്കാദമിയിലെ മൂന്ന് കുട്ടികള്‍ മംഗളൂരു എഫ്.സി അണ്ടര്‍-13 ഐ ലീഗിലേക്ക്

  പെനാല്‍റ്റി ഷൂട്ടൗട്ടില്‍ കൊളംബിയയെ തകര്‍ത്ത് ഇംഗ്ലണ്ട് ക്വാര്‍ട്ടറില്‍

  പിറകില്‍ നിന്ന് കുതിച്ചെത്തി ബെല്‍ജിയം ജപ്പാനെ തകര്‍ത്തു (3-2)

  വീണ്ടും ഷൂട്ടൗട്ട്; ഡെന്‍മാര്‍ക്കിനെ തകര്‍ത്ത് ക്രൊയേഷ്യ ക്വാര്‍ട്ടറില്‍

  ഇന്ന് അര്‍ജന്റീനയും ഫ്രാന്‍സും നേര്‍ക്കുനേര്‍; പോര്‍ച്ചുഗല്‍ ഉറുഗ്വയ്‌ക്കെതിരെ

  ഇംഗ്ലണ്ടിനെ വീഴ്ത്തി ബെല്‍ജിയം ഗ്രൂപ്പ് ചാമ്പ്യന്‍മാര്‍

  ബ്രസീലിന് രണ്ട് ഗോള്‍ ജയം; സമനിലയോടെ സ്വിസ് പട പ്രീ ക്വാര്‍ട്ടറില്‍

  മെസ്സി ഗോളടിച്ച് നയിച്ചു; അര്‍ജന്റീന പ്രീക്വാര്‍ട്ടറില്‍