updated on:2017-10-15 03:41 PM
‘യോ യോ ടെസ്റ്റി’ൽ തോറ്റു; യുവരാജ് സിങ്ങിന്റെ ക്രിക്കറ്റ് ഭാവിക്കുമേൽ ആശങ്ക

www.utharadesam.com 2017-10-15 03:41 PM,
മുംബൈ∙ കായികക്ഷമത പരിശോധിക്കുന്നതിനുള്ള‘യോ യോ ടെസ്റ്റി’ൽ പരാജയപ്പെട്ട വെറ്ററൻ താരം യുവരാജ് സിങ്ങിന്റെ ക്രിക്കറ്റ് ഭാവിക്കുമേൽ ആശങ്കയുടെ കരിനിഴൽ. കായികക്ഷമത തെളിയിക്കുന്നതിൽ പരാജയപ്പെട്ടതിനെ തുടർന്ന് ഓസ്ട്രേലിയയ്ക്കെതിരായ പരമ്പരയിൽനിന്നും യുവരാജ് പുറത്തായിരുന്നു. ഇതിനു പിന്നാലെയാണ് ‘യോ യോ ടെസ്റ്റി’ൽ യുവരാജ് വീണ്ടും പരാജയപ്പെട്ടത്. അതേസമയം, യുവരാജിനൊപ്പം ടെസ്റ്റിൽ പങ്കെടുത്ത ചേതേശ്വർ പൂജാര യോഗ്യത നേടുകയും ചെയ്തു.
ഫിറ്റ്‌നസ് ഇല്ലാത്ത കളിക്കാരെ പുറത്തിരുത്താനുള്ള ക്യാപ്റ്റന്‍ വിരാട് കോഹ്‌ലിയുടെയും പരിശീലകൻ രവി ശാസ്ത്രിയുടേയും ചീഫ് സെലക്ടർ എം.എസ്‌.കെ. പ്രസാദിന്റേയും തീരുമാനമാണ് യുവരാജിന്റെ ക്രിക്കറ്റ് ഭാവി തുലാസിലാക്കുന്നത്. മുൻകാല നേട്ടങ്ങളോ സംഭാവനകളോ മാത്രമല്ല, ശാരീരിക ക്ഷമതയും ടീം തിരഞ്ഞെടുപ്പിലെ മാനദണ്ഡമാണെന്ന കാര്യത്തിൽ ഒറ്റക്കെട്ടാണ് മൂവരും. ഇക്കാര്യത്തിൽ യാതൊരുവിധ വിട്ടുവീഴ്ചയ്ക്കും ഇവർ തയാറുമല്ല.
കായികക്ഷമത പരിശോധിക്കുന്നതിനായി ടീമുകൾ നടത്തിവരുന്ന ഏറ്റവും പുതിയ പരിശോധനാ രീതിയാണ് ‘യോ യോ ടെസ്റ്റ്’. നിശ്ചിത സമയത്തിനുള്ളിൽ രണ്ട് വരികളിലായി വച്ചിരിക്കുന്ന കോണുകൾക്കിടയിലൂടെ ഓടിയെത്തുന്നതാണ് പരിശോധനാ രീതി. ഓടിയെത്താനെടുത്ത സമയത്തിന്റെ അടിസ്ഥാനത്തിൽ താരങ്ങള്‍ക്കു പോയിന്റ് നല്‍കും. കുറഞ്ഞത് 19.5 പോയിന്റെങ്കിലും നേടണമെന്നാണ് ചട്ടം. ഓടിയെത്താൻ വൈകുന്നവർ പുറത്താകുമെന്ന് സാരം. വെസ്റ്റ് ഇന്‍ഡീസിനെതിരായ പരമ്പരയ്ക്കു ശേഷം യുവരാജിന് ടീമിലേക്ക് മടങ്ങിയെത്താൻ ഇനിയും സാധിച്ചിട്ടില്ല.
നേരത്തെ, ശ്രീലങ്കയ്ക്കെതിരായ ഏകദിന ട്വന്റി20 പരമ്പരയ്ക്കുള്ള ഇന്ത്യൻ ടീമിൽ യുവരാജിന്റെയും സുരേഷ് റെയ്നയുടെയും വഴിതടഞ്ഞത് ഫിറ്റ്നസ് പരിശോധനയിലെ പരാജയമായിരുന്നു. ഇന്ത്യൻ ടീം തിരഞ്ഞെടുപ്പിന്റെ ഭാഗമായി ദേശീയ ക്രിക്കറ്റ് അക്കാദമിയിൽ നടത്തുന്ന ‘യോ യോ എൻഡുറൻസ്’ പരിശോധനയിൽ 19.5 പോയിന്റായിരുന്നു യോഗ്യതാ മാർക്ക്. യുവരാജിനു നേടാനായത് 16 പോയിന്റുമാത്രം. സുരേഷ് റെയ്നയും യോഗ്യതാ മാർക്ക് കടന്നില്ല.
ടീം സെലക്ഷനിൽ ഫിറ്റ്നസ് പ്രധാന ഘടകമാക്കണമെന്ന ക്യാപ്റ്റൻ വിരാട് കോഹ്‍ലിയുടെയും പരിശീലകൻ രവിശാസ്ത്രിയുടെയും നിലപാട് ഇരുവർക്കും തിരിച്ചടിയാകുകയായിരുന്നു. 21 പോയിന്റു നേടിയ ക്യാപ്റ്റൻ വിരാട് കോഹ്‍ലിയായിരുന്നു ഫിറ്റ്നസ് പരിശോധനയിലും ഇന്ത്യൻ നിരയിലെ കേമൻ. ‘യോ യോ പരിശോധന’യിൽ ഭൂരിഭാഗം ഓസീസ് താരങ്ങളും 21 പോയിന്റ് നേടുമ്പോൾ ഇന്ത്യയിൽ കോഹ്‍ലിയും രവീന്ദ്ര ജഡേജയും മനീഷ് പാണ്ഡയും മാത്രമേ ഈ നിലവാരത്തിലെത്തുന്നുള്ളൂ.



Recent News
  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും

  ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി

  ജില്ലാ ക്രിക്കറ്റ് അസോസിയേഷന്‍: പ്രസിഡണ്ട് തിരഞ്ഞെടുപ്പിനെതിരെയുള്ള ഹര്‍ജി തള്ളി

  'ടെസ്റ്റ്: ഇന്ത്യക്ക് ചരിത്രവിജയം

  ശക്തരായ പഞ്ചാബിനെതിരെ അസ്ഹറുദ്ദീന് സെഞ്ച്വറി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  അണ്ടര്‍-14 ജില്ലാ ക്രിക്കറ്റ് ടീമിനെ തുഷാര്‍ ബി.കെ നയിക്കും

  ഏഷ്യന്‍ ബോഡി ബില്‍ഡിംഗ് ചാമ്പ്യന്‍ഷിപ്പില്‍ ഷെരീഫ് കരിപ്പൊടിക്ക് നേട്ടം

  ആറാമത് ടിഫ ട്രോഫി ഫുട്‌ബോളില്‍ ചെന്നൈ എഫ്.സി ജേതാക്കള്‍

  പ്രണയം വെളിപ്പെടുത്തി മലയാളി ക്രിക്കറ്റ് താരം സഞ്ജു സാംസണ്‍

  ഏഷ്യന്‍ ഗെയിംസ് ബാഡ്മിന്റണ്‍ പുരുഷ വിഭാഗം ; കിഡംബി ശ്രീകാന്ത് പുറത്ത്

  ലോകകപ്പ് ഫുട്‌ബോള്‍ കിരീടം: ആഹ്ലാദത്തില്‍ മുങ്ങിക്കുളിച്ച് ഫ്രാന്‍സ്

  കത്തിക്കയറാന്‍ ക്രൊയേഷ്യ, വിപ്ലവ വീര്യത്തോടെ ഫ്രഞ്ച് പട; കിരീട പോരാട്ടം ഇന്ന്