updated on:2018-04-02 03:01 PM
14 വർഷത്തിനു ശേഷം സന്തോഷ് ട്രോഫി കേരളത്തിലേക്ക്

www.utharadesam.com 2018-04-02 03:01 PM,
കൊല്‍ക്കത്ത: പതിനാല് വര്‍ഷത്തിന് ശേഷം കേരളം സന്തോഷ് ട്രോഫിയില്‍ മുത്തമിട്ടു. കേരളത്തിന്റെ ചുണക്കുട്ടികള്‍ പോസ്റ്റിലേക്കു തൊടുത്ത ഓരോ ഷോട്ടിനും അതേ കരുത്തില്‍ ബംഗാള്‍പ്പടയുടെ തിരിച്ചടി. പെനാല്‍റ്റി ഷൂട്ടൗട്ടിലേക്ക് നീണ്ട കലാശപ്പോരാട്ടത്തില്‍ ബംഗാളിനെ 4-2നു തറപറ്റിച്ചാണ് കേരളം കിരീടത്തില്‍ മുത്തമിട്ടത്. നിശ്ചിതസമയത്ത് രണ്ടുഗോള്‍ വീതം നേടി സമനിലയില്‍ പിരിഞ്ഞ മത്സരത്തില്‍ പെനാല്‍റ്റി ഷൂട്ടൗട്ടില്‍ തുടരെ രണ്ടു തകര്‍പ്പന്‍ സേവുകളുമായി ഗോള്‍കീപ്പര്‍ മിഥുന്‍ വി യാണ് കേരളത്തിന്റെ റിയല്‍ ഹീറോയായി മാറിയത്. പന്തടക്കത്തിലും കളി മികവിലും ബംഗാള്‍ മുന്നിട്ടു നിന്നെങ്കിലും ആദ്യപകുതിയില്‍ ഗോള്‍ നേടാന്‍ അവര്‍ക്കായില്ല. എന്നാല്‍ ലഭിച്ച അവസരം കൃത്യമായി വിനിയോഗിച്ച കേരളം 19ാം മിനിറ്റില്‍ ലീഡെടുത്തു. എം.എസ്.ജിതിനാണ് കേരളത്തിനായി ആദ്യ ഗോള്‍ നേടിയത്. ആദ്യ പകുതിയില്‍ ലീഡ് വഴങ്ങിയതോടെ ബംഗാള്‍ കൂടുതല്‍ സമ്മര്‍ദ്ദത്തിലായി. സെറ്റ്പീസുകള്‍ ലക്ഷ്യത്തിലെത്തിക്കുന്നതിലും പരാജയപ്പെട്ടു. എന്നാല്‍ രണ്ടാം പകുതിയില്‍ 67ാം മിനിറ്റില്‍ ജിതന്‍ മുര്‍മു ബംഗാളിനായി ഗോള്‍ മടക്കി.കളി തീരാന്‍ നിമിഷങ്ങള്‍ മാത്രം ബാക്കി നില്‍ക്കെ തിര്‍തങ്കര്‍ സര്‍ക്കാര്‍ നേടിയ സുന്ദരമായ ഗോളിലൂടെ ബംഗാള്‍ കളി ഷൂട്ടൗട്ടിലെത്തിച്ചു. ഒടുവില്‍ ആന്റി ക്ലൈമാക്സില്‍ പതിമൂന്നുവര്‍ഷം അകന്നു നിന്ന സന്തോഷ് ട്രോഫി കിരീടം കേരളത്തിന്റെ ഷോക്കേസിലെത്തി.പതിനാല് വര്‍ഷത്തിന് ശേഷം സന്തോഷ് ട്രോഫി കേരളത്തിലെത്തിക്കാനുള്ള ജീവന്മരണപോരാട്ടത്തില്‍ രാഹുല്‍ വി രാജുവും തറപറ്റിച്ചത് 32 തവണ ചാമ്പ്യന്‍ പട്ടം കരസ്ഥമാക്കിയ ബംഗാളിനെ. എതിര്‍ പോസ്റ്റില്‍ എണ്ണംപറഞ്ഞ പതിനെട്ട് ഗോള്‍ നിക്ഷേപിച്ച് മൂന്നുഗോള്‍ മാത്രം വഴങ്ങിയാണ് കേരളം കിരീടത്തിലേക്കെത്തിയത്.ബംഗാളിനെ സന്തോഷ് ട്രോഫി ഫൈനലില്‍ ഒരിക്കല്‍ പോലും കേരളത്തിന് തോല്‍പ്പിക്കാന്‍ സാധിച്ചിട്ടില്ലെന്ന ചരിത്രമാണ് ഇതോടെ പഴങ്കഥയായത്. ഗുവാഹത്തിയിലും 1994ല്‍ കട്ടക്കിലുമാണ് ഇതിനു മുന്‍പു സന്തോഷ് ട്രോഫിയില്‍ കേരളം ബംഗാള്‍ ഫൈനല്‍ നടന്നത്. രണ്ടു ഫൈനലുകളിലും കേരളം പരാജയപ്പെട്ടു. രണ്ടു മത്സരങ്ങളുടേയും വിധി നിര്‍ണയിച്ചതു ടൈ ബ്രേക്കറിലായിരുന്നു. കേരളത്തിന്റെ സന്തോഷ് ട്രോഫി ഹാട്രിക് എന്ന സ്വപ്നത്തിനും തടയിട്ടതു ബംഗാളാണ്. 92, 93 വര്‍ഷത്തെ സന്തോഷ് ട്രോഫി സ്വന്തമാക്കി ഹാട്രിക് സ്വപ്നവുമായി കട്ടക്കിലെത്തിയ കേരളത്തിന്റെ കിരീട മോഹങ്ങള്‍ തകര്‍ത്തതു ബംഗാളാണ്. ആ കണക്കെല്ലാം സാള്‍ട്ട് ലേക്കില്‍ പറഞ്ഞുതീര്‍ത്താണു കേരളം മടങ്ങുന്നത്.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍