updated on:2018-04-10 02:19 PM
രാജസ്ഥാന്റെ തുടക്കം തോല്‍വിയോടെ; ഹൈദരാബാദിന് ഒമ്പത് വിക്കറ്റ് വിജയം

www.utharadesam.com 2018-04-10 02:19 PM,
ഹൈദരാബാദ്: രണ്ട് വര്‍ഷത്തെ ഇടവേളയ്ക്ക് ശേഷം ഐ.പി.എല്ലിലേക്ക് തിരിച്ചെത്തിയ രാജസ്ഥാന്‍ റോയല്‍സിന് തോല്‍വിയോടെ തുടക്കം. മുന്‍ ചാമ്പ്യന്‍മാരായ സണ്‍റൈസേഴ്സ് ഹൈദരാബാദ് ഒമ്പത് വിക്കറ്റിനാണ് രാജസ്ഥാന്‍ റോയല്‍സിനെ തറപറ്റിച്ചത്. രാജസ്ഥാന്‍ റോയല്‍സ് ഉയര്‍ത്തിയ 126 റണ്‍സെന്ന വിജയലക്ഷ്യം 25 പന്തുകള്‍ ബാക്കി നില്‍ക്കെ സണ്‍റൈസേഴ്‌സ് മറികടന്നു. സണ്‍റൈസേഴ്‌സിനു വേണ്ടി ഓപ്പണര്‍ ശിഖര്‍ ധവാന്‍ അര്‍ധ സെഞ്ചുറി നേടി.
ടോസ് സ്വന്തമാക്കിയ സണ്‍റൈസേഴ്‌സ് രാജസ്ഥാനെ ബാറ്റിങ്ങിനു വിടുകയായിരുന്നു. എന്നാല്‍ മലയാളി താരം സഞ്ജു വി. സാംസണു മാത്രമാണ് രാജസ്ഥാന്‍ നിരയില്‍ തിളങ്ങാനായത്. 42 പന്തുകള്‍ നേരിട്ട സഞ്ജു 49 റണ്‍സെടുത്ത് പുറത്തായി. അജിന്‍ക്യ രഹാനെ (13), രാഹുല്‍ ത്രിപദി (17), ശ്രേയസ് ഗോപാല്‍ (18) എന്നിവരൊഴികെ മറ്റാര്‍ക്കും രാജസ്ഥാന്‍ നിരയില്‍ രണ്ടക്കം കടക്കാന്‍ പോലും കഴിഞ്ഞില്ല. ഹൈദരാബാദിനായി ഷാക്കിബ് അല്‍ ഹസന്‍, സിദ്ധാര്‍ഥ് കൗള്‍ എന്നിവര്‍ രണ്ടു വിക്കറ്റു വീതവും ഭുവനേശ്വര്‍ കുമാര്‍, സ്റ്റാന്‍ലേക്ക്, റാഷിദ് ഖാന്‍ എന്നിവര്‍ ഓരോ വിക്കറ്റും നേടി. മറുപടി ബാറ്റിംഗില്‍ വൃദ്ധിമാന്‍ സാഹയെ (5) തുടക്കത്തിലെ നഷ്ടമായതൊഴിച്ചാല്‍ മറ്റ് തിരച്ചടികളൊന്നും ഹൈദരാബാദിനുണ്ടായില്ല. ഓപ്പണര്‍ ശിഖര്‍ ധവാന്‍ 77 റണ്‍സുമായി പുറത്താകാതെ ടീമിനെ വിജയത്തിലേക്കു നയിക്കുകയായിരുന്നു. ക്യാപ്റ്റന്‍ കെയ്ന്‍ വില്യംസണ്‍ 36 റണ്‍സുമായി ധവാനു മികച്ച പിന്തുണയേകി.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍