updated on:2019-01-10 06:23 PM
ജില്ലാ ക്രിക്കറ്റ് അസോസിയേഷന്‍: പ്രസിഡണ്ട് തിരഞ്ഞെടുപ്പിനെതിരെയുള്ള ഹര്‍ജി തള്ളി

www.utharadesam.com 2019-01-10 06:23 PM,
കാസര്‍കോട്: ജില്ലാ ക്രിക്കറ്റ് അസോസിയേഷന്റെ പുതിയ പ്രസിഡണ്ടിന്റെ തിരഞ്ഞെടുപ്പിനെതിരെ മുന്‍ പ്രസിഡണ്ട് നല്‍കിയ ഹര്‍ജി പ്രിന്‍സിപ്പല്‍ മുന്‍സിഫ് കോടതി തള്ളി. 2018 ഒക്‌ടോബര്‍ 11 ന് നടന്ന ജില്ലാ ക്രിക്കറ്റ് അസോസിയേഷന്‍ എക്‌സിക്യൂട്ടീവ് യോഗത്തില്‍ പുതിയ പ്രസിഡണ്ടായി എന്‍.എ. അബ്ദുല്‍ ഖാദറിനെ തിരഞ്ഞെടുത്തത് അസോസിയേഷന്റെ ബൈലോക്ക് വിരുദ്ധമാണെന്ന് ആരോപിച്ചാണ് മുന്‍ പ്രസിഡണ്ടും കെ.സി.എ. അംഗവുമായിരുന്ന ഹാരിസ് ചൂരി പ്രിന്‍സിപ്പല്‍ മുന്‍സിഫ് കോടതിയെ സമീപിച്ചത്. 2016 ജൂണില്‍ പ്രസിഡണ്ടായി തിരഞ്ഞെടുക്കപ്പെട്ട തന്നെ കാരണം കാണിക്കല്‍ നോട്ടീസ് നല്‍കാതെ അസോസിയേഷന്റെ പ്രാഥമികാംഗത്വത്തില്‍ നിന്ന് കെ.സി.എ. പുറത്താക്കിയ നടപടിയെയും ഹാരിസ് ചൂരി ചോദ്യം ചെയ്തിരുന്നു. കെ.സി.എ. സെക്രട്ടറി അഡ്വ. ശ്രീജിത് വി. നായര്‍, ജില്ലാ ക്രിക്കറ്റ് അസോ. സെക്ര. ടി.എച്ച്. മുഹമ്മദ് നൗഫല്‍, എന്‍.എ. അബ്ദുല്‍ ഖാദര്‍ എന്നിവരെ എതിര്‍ കക്ഷികളാക്കിയാണ് ഹര്‍ജി സമര്‍പ്പിച്ചത്. ബേള വില്ലേജിലെ മുണ്ടോട് കെ.സി.എ.യുടെ സ്റ്റേഡിയത്തിലെ പിച്ച് നിര്‍മ്മാണവുമായി ബന്ധപ്പെട്ട കണക്കുകളില്‍ ക്രമക്കേട് കണ്ടെത്തിയതിനെ തുടര്‍ന്നാണ് നിരവധി തവണ വിശദീകരണം ചോദിച്ച് അതിന്റെ ചുമതലയുണ്ടായിരുന്ന ഹാരിസിന് കത്തയച്ചിരുന്നുവെങ്കിലും കണക്കുകള്‍ ബോധിപ്പിച്ചില്ലെന്ന് കെ.സി.എ ഹോണററി സെക്രട്ടറി ശ്രീജിത് വി. നായര്‍ കോടതിയെ അറിയിച്ചു. വ്യക്തതയുള്ള കണക്കുകളുമായി കെ.സി.എ സമിതിക്ക് മുമ്പാകെ നേരിട്ട് ഹാജരാവണമെന്ന നിര്‍ദ്ദേശവും അവഗണിച്ചു. ഹാരിസ് ചൂരിക്കെതിരെ നടപടിയെടുത്തത് കെ. സി.എ ഭരണഘടനാ പ്രകാരമാണെന്നും ശ്രീജിത് വി. നായര്‍ കോടതിയെ അറിയിച്ചു.



Recent News
  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു