updated on:2015-09-17 02:04 PM
ബംഗളൂരു റെയില്‍വേ സ്റ്റേഷന്‍ ഇനി സങ്കൊള്ളി രായണ്ണ സ്റ്റേഷന്‍

www.utharadesam.com 2015-09-17 02:04 PM,
ബംഗളൂരു: ബെംഗളൂരു മെജസ്റ്റിക്കിലെ പ്രധാന റെയില്‍വേ സ്റ്റേഷന്‍ ഇനി സ്വാതന്ത്ര്യസമര സേനാനിയായ ക്രാന്തീവര സങ്കൊള്ളി രായണ്ണയുടെ പേരില്‍ അറിയപ്പെടും.ഇത് സംബന്ധിച്ച് ചൊവ്വാഴ്ച വിജ്ഞാപനമിറങ്ങി. ബുധനാഴ്ച പേരുമാറ്റം നിലവില്‍ വന്നു.
റെയില്‍വേ സ്റ്റേഷന് കര്‍ണാടകത്തിലെ ചരിത്ര പുരുഷന്‍മാരില്‍ പ്രധാനിയായ സങ്കൊള്ളി രായണ്ണയുടെ പേരു നല്‍കാനുള്ള കര്‍ണാടക സര്‍ക്കാറിന്റെ നിര്‍ദേശം കഴിഞ്ഞ ഏപ്രിലില്‍ കേന്ദ്രസര്‍ക്കാര്‍ അംഗീകരിച്ചിരുന്നു. ബംഗളൂരു വിമാനത്താവളത്തിന് നഗരത്തിന്റെ ശില്‍പ്പിയായ കെംപെഗൗഡയുടെ പേര് നല്‍കിയതിനു പിന്നാലെയാണ് ദക്ഷിണേന്ത്യയിലെ പ്രമുഖ റെയില്‍വേ സ്റ്റേഷന്റെയും പേരുമാറ്റം. നേരത്തേ ബംഗളൂരുവും മൈസൂരുവടക്കമുള്ള കര്‍ണാടകത്തിലെ 12 നഗരങ്ങളുടെ പേരുകളും മാറ്റിയിരുന്നു.
ബലഗാവി ആസ്ഥാനമായ കിത്തൂര്‍ രാജവംശത്തിലെ രാജ്ഞിയായിരുന്ന റാണി ചെന്നമ്മയുടെ പടത്തലവനായിരുന്നു സങ്കൊള്ളി രായണ്ണ. 32ാം വയസ്സില്‍ ബ്രിട്ടീഷുകാരുമായി പടവെട്ടി മരിച്ച രായണ്ണയുടെ പേര് റെയില്‍വേ സ്റ്റേഷന് നല്‍കണമെന്ന ആവശ്യത്തിന് പതിറ്റാണ്ടുകളുടെ പഴക്കമുണ്ട്. 2013 നവംബറിലാണ് കര്‍ണാടക സര്‍ക്കാര്‍ ഇതു സംബന്ധിച്ച നിര്‍ദേശം കേന്ദ്രത്തിന്റെ അംഗീകാരത്തിനായി സമര്‍പ്പിച്ചത്. വിജ്ഞാപനമിറങ്ങിയതിന്റെ അടിസ്ഥാനത്തില്‍ തങ്ങളുടെ രേഖകളിലും വെബ്‌സൈറ്റുകളിലും പുതിയ പേര് രേഖപ്പെടുത്താന്‍ റെയില്‍വേ നടപടികള്‍ തുടങ്ങിയിട്ടുണ്ട്. ദക്ഷിണപശ്ചിമ റെയില്‍വേയുടെ കീഴിലാണ് ബംഗളൂരു സ്റ്റേഷന്‍. നേരത്തേ വിവിധ സംഘടനകളുടെ ആവശ്യപ്രകാരം സങ്കൊള്ളി രായണ്ണയുടെ പ്രതിമ റെയില്‍വേ സ്റ്റേഷന് സമീപം സ്ഥാപിച്ചിരുന്നു.



Recent News
  കുമ്പളയില്‍ നിന്ന് കാണാതായ സ്‌കൂള്‍ വിദ്യാര്‍ത്ഥിയെ മംഗലാപുരത്ത് കണ്ടെത്തി

  ബെല്ലാരിയില്‍ റെഡ്ഡി സഹോദരന്മാരുടെ വാഴ്ചക്ക് അന്ത്യം; ഉഗ്രപ്പ നേടിയത് 4,78,230 വോട്ടുകള്‍

  കോട്ടേക്കാര്‍ അബ്ദുല്ല ഹാജി അന്തരിച്ചു

  കര്‍ണാടക പുത്തൂരില്‍ വീടിന് മുകളില്‍ മതിലിടിഞ്ഞ് വീണ് രണ്ടുപേര്‍ മരിച്ചു

  പി.എ. എഞ്ചിനീയറിംഗ് കോളേജിന് മികച്ച ഗവേഷണ സൗകര്യങ്ങള്‍ക്കുള്ള അംഗീകാരം

  യു.ടി ഖാദര്‍ വീണ്ടും കര്‍ണാടക മന്ത്രി

  കര്‍ണാടക ഹൈക്കോടതി ജഡ്ജി ജസ്റ്റിസ് മുഹമ്മദ് നവാസ് കാസര്‍കോടിന്റെ മരുമകന്‍

  കര്‍ണാടക കോണ്‍ഗ്രസ് എം.എല്‍.എ വാഹനാപകടത്തില്‍ മരിച്ചു

  എം.എല്‍.എമാരെ എത്തിച്ചു; വിശ്വാസ വോട്ടില്‍ ചര്‍ച്ച തുടങ്ങി

  മംഗളൂരുവില്‍ മലയാളിയടക്കം രണ്ട് പേരുടെ രക്തസാമ്പിളുകള്‍ പരിശോധനക്കയച്ചു

  സര്‍ക്കാര്‍ ഉണ്ടാക്കുവാന്‍ സാധിക്കുമെന്ന് കോണ്‍ഗ്രസ്സ് നേതാവ് സിദ്ധരാമയ്യ

  ദക്ഷിണ കര്‍ണാടകയില്‍ കോണ്‍ഗ്രസിന് വിനയായത് പാര്‍ട്ടിക്കുള്ളിലെ പടലപ്പിണക്കങ്ങള്‍

  ദക്ഷിണ കര്‍ണാടകയിലും ബി.ജെ.പി. ആധിപത്യം; കോണ്‍ഗ്രസിന്റെ മാനം കാത്തത് യു.ടി. ഖാദര്‍

  ചാമുണ്ഡേശ്വരിയില്‍ തോറ്റു; ബദാമിയില്‍ കരകയറി

  കര്‍ണാടകയും ബി.ജെ.പി. തൂത്തൂവാരി