updated on:2015-10-03 01:17 PM
19 കാരിയെ മാനഭംഗപ്പെടുത്തി കൊലചെയ്ത കേസില്‍ പ്രതി പിടിയില്‍

www.utharadesam.com 2015-10-03 01:17 PM,
കുന്താപുരം: കുന്താപുരത്തു പത്തൊന്‍പതുകാരിയെ മാനഭംഗപ്പെടുത്തി കൊല ചെയ്ത കേസില്‍ പ്രതി അറസ്റ്റിലായി. കാരിക്കൊഡ്‌ലുവിലെ ഗോവിന്ദ നായിക്കിന്റെ മകള്‍ സുചിത്ര നായിക് ആണു വ്യാഴാഴ്ച കൊല്ലപ്പെട്ടത്. സംഭവത്തിലെ പ്രതി മണികണ്ഠനെ പരാതി ലഭിച്ചു മണിക്കൂറുകള്‍ക്കകം പൊലീസ് അറസ്റ്റു ചെയ്തു. കുന്താപുരത്തു സ്വകാര്യസ്ഥാപനത്തില്‍ ജോലിചെയ്യുന്ന പെണ്‍കുട്ടി വ്യാഴാഴ്ച വൈകിട്ട് ജോലി കഴിഞ്ഞു വീട്ടില്‍ തിരിച്ചെത്തിയില്ല. വീട്ടുകാര്‍ മൊബൈല്‍ ഫോണില്‍ വിളിച്ചെങ്കിലും ഫോണ്‍ അറ്റന്‍ഡു ചെയ്തതുമില്ല.
തുടര്‍ന്നു നടത്തിയ തിരച്ചിലില്‍ സമീപത്തെ വനമേഖലയില്‍ ചാക്കില്‍ കെട്ടി ഉപേക്ഷിച്ച നിലയില്‍ മൃതദേഹം കണ്ടെത്തുകയായിരുന്നു. മൃതദേഹത്തില്‍ മുറിവുകളും ഉണ്ടായിരുന്നു. മാനഭംഗപ്പെടുത്തിയ ശേഷം മൂര്‍ച്ചയുള്ള ആയുധം കൊണ്ടു കൊലപ്പെടുത്തുകയായിരുന്നെന്ന് ഇതോടെ വ്യക്തമായി. തുടര്‍ന്നു രക്ഷിതാക്കള്‍ നല്‍കിയ പരാതിയില്‍ പൊലീസ് നടത്തിയ അന്വേഷണത്തിലാണു പ്രതി പിടിയിലായത്. പരാതി ലഭിച്ച പൊലീസ് പെണ്‍കുട്ടിയുടെ ഫോണില്‍ വിളിച്ചെങ്കിലും അറ്റന്‍ഡു ചെയ്തില്ല. ഇതോടെ സൈബര്‍ സെല്ലിന്റെ സഹായത്തോടെ ഫോണ്‍ എവിടെയാണെന്നു കണ്ടെത്തി ഇതു കൈവശമുണ്ടായിരുന്ന യുവാവിനെ കസ്റ്റഡിയിലെടുത്തു. ചോദ്യം ചെയ്യലില്‍ ഇയാള്‍ കുറ്റം സമ്മതിക്കുകയായിരുന്നു.



Recent News
  സഅദിയ്യ ഗോള്‍ഡന്‍ ജൂബിലി സമ്മേളനം ഡിസംബറില്‍

  കെ.എസ്. ഫക്രുദ്ദീന്‍ ഐ.എന്‍.എല്‍. അഖിലേന്ത്യാ വൈസ് പ്രസിഡണ്ട്

  മിത്തബയല്‍ ജബ്ബാര്‍ മുസ്‌ലിയാരുടെ മയ്യത്ത് ഖബറടക്കി

  മിത്തബയല്‍ അബ്ദുല്‍ ജബ്ബാര്‍ മുസ്‌ലിയാര്‍ അന്തരിച്ചു

  ഒരാഴ്ചയായിട്ടും സോളോ റൈഡര്‍ സന്ദീപിനെ കണ്ടെത്താനായില്ല

  അംബരീഷ് അന്തരിച്ചു

  കര്‍ണാടക ഹൈക്കോടതി റിട്ട. ജഡ്ജി എ.എം ഫാറൂഖ് അന്തരിച്ചു

  കുമ്പളയില്‍ നിന്ന് കാണാതായ സ്‌കൂള്‍ വിദ്യാര്‍ത്ഥിയെ മംഗലാപുരത്ത് കണ്ടെത്തി

  ബെല്ലാരിയില്‍ റെഡ്ഡി സഹോദരന്മാരുടെ വാഴ്ചക്ക് അന്ത്യം; ഉഗ്രപ്പ നേടിയത് 4,78,230 വോട്ടുകള്‍

  കോട്ടേക്കാര്‍ അബ്ദുല്ല ഹാജി അന്തരിച്ചു

  കര്‍ണാടക പുത്തൂരില്‍ വീടിന് മുകളില്‍ മതിലിടിഞ്ഞ് വീണ് രണ്ടുപേര്‍ മരിച്ചു

  പി.എ. എഞ്ചിനീയറിംഗ് കോളേജിന് മികച്ച ഗവേഷണ സൗകര്യങ്ങള്‍ക്കുള്ള അംഗീകാരം

  യു.ടി ഖാദര്‍ വീണ്ടും കര്‍ണാടക മന്ത്രി

  കര്‍ണാടക ഹൈക്കോടതി ജഡ്ജി ജസ്റ്റിസ് മുഹമ്മദ് നവാസ് കാസര്‍കോടിന്റെ മരുമകന്‍

  കര്‍ണാടക കോണ്‍ഗ്രസ് എം.എല്‍.എ വാഹനാപകടത്തില്‍ മരിച്ചു