updated on:2018-03-14 03:38 PM
രാഹുലിന്റെ ജനാശീര്‍വാദ യാത്ര 20 നും 21 നും

www.utharadesam.com 2018-03-14 03:38 PM,
മംഗളൂരു: എ.ഐ.സി.സി. അധ്യക്ഷന്‍ രാഹുല്‍ ഗാന്ധി ഈ മാസം 20 നും 21 നും കര്‍ണാടകത്തില്‍ ജനാശീര്‍വാദ യാത്ര നടത്തും. 20ന് ഉഡുപ്പി, ദക്ഷിണ കന്നഡ ജില്ലകളിലും 21 ന് ചിക്കമംഗളൂരു, ഹാസന്‍ ജില്ലകളിലുമാണ് പരിപാടി. റോഡ് ഷോ അടക്കം വിവിധ പരിപാടികള്‍ നടക്കുമെന്ന് എ.ഐ.സി.സി. സെക്രട്ടറി പി.സി. വിഷ്ണുനാഥ് അറിയിച്ചു. 20 ന് രാവിലെ വിമാന മാര്‍ഗം മംഗളൂരുവിലെത്തുന്ന രാഹുല്‍ ഗാന്ധി ഹെലികോപ്ടറില്‍ ഉഡുപ്പി കാപ്പുവിലെത്തി സേവാദള്‍ പ്രവര്‍ത്തക കണ്‍വെന്‍ഷനില്‍ പങ്കെടുക്കും. തുടര്‍ന്ന് പടുബിദ്രി, മുല്‍ക്കി, സൂറത്കല്‍ എന്നിവിടങ്ങളില്‍ റോഡ് ഷോ നടത്തും. വൈകിട്ട് നാലിന് മംഗളൂരു ജ്യോതി സര്‍ക്കിളില്‍ നിന്ന മെഗാ റോഡ് ഷോ ആരംഭിക്കും. 4.30ന് നെഹ്‌റു മൈതാനിയില്‍ റോഡ് ഷോ സമാപനത്തെ തുടര്‍ന്ന് പൊതു യോഗത്തില്‍ പ്രസംഗിക്കും. 21ന് രാവിലെ രാഹുല്‍ ഗാന്ധി ശൃംഗേരി ക്ഷേത്രം സന്ദര്‍ശിക്കും. തുടര്‍ന്ന് ശൃംഗേരി, ചിക്കമംഗളൂരു, ഹാസന്‍ എന്നിവിടങ്ങളില്‍ റോഡ് ഷോകളിലും പങ്കെടുക്കും. ദേശീയ-സംസ്ഥാന നേതാക്കളും പരിപാടികളില്‍ പങ്കെടുക്കും. പാര്‍ട്ടി അധ്യക്ഷന്റെ പ്രചാരണ പരിപാടി വിജയിപ്പിക്കുന്നതിനായി ഉഡുപ്പിയിലും മംഗളൂരുവിലും മുതിര്‍ന്ന കോണ്‍ഗ്രസ് നേതാക്കളുടെ യോഗം നടന്നു. വിഷ്ണുനാഥിന് പുറമെ മന്ത്രി ബി. രാമാനാഥ റൈ, ഐവാന്‍ ഡിസൂസ, എം.എല്‍.സി., ബി. മൊയ്തീന്‍ ബാവ എം.എല്‍.എ, ഡി.സി.സി. പ്രസിഡണ്ട് ഹരീഷ് കുമാര്‍ തുടങ്ങിയവര്‍ സംബന്ധിച്ചു.



Recent News
  ഒരാഴ്ചയായിട്ടും സോളോ റൈഡര്‍ സന്ദീപിനെ കണ്ടെത്താനായില്ല

  അംബരീഷ് അന്തരിച്ചു

  കര്‍ണാടക ഹൈക്കോടതി റിട്ട. ജഡ്ജി എ.എം ഫാറൂഖ് അന്തരിച്ചു

  കുമ്പളയില്‍ നിന്ന് കാണാതായ സ്‌കൂള്‍ വിദ്യാര്‍ത്ഥിയെ മംഗലാപുരത്ത് കണ്ടെത്തി

  ബെല്ലാരിയില്‍ റെഡ്ഡി സഹോദരന്മാരുടെ വാഴ്ചക്ക് അന്ത്യം; ഉഗ്രപ്പ നേടിയത് 4,78,230 വോട്ടുകള്‍

  കോട്ടേക്കാര്‍ അബ്ദുല്ല ഹാജി അന്തരിച്ചു

  കര്‍ണാടക പുത്തൂരില്‍ വീടിന് മുകളില്‍ മതിലിടിഞ്ഞ് വീണ് രണ്ടുപേര്‍ മരിച്ചു

  പി.എ. എഞ്ചിനീയറിംഗ് കോളേജിന് മികച്ച ഗവേഷണ സൗകര്യങ്ങള്‍ക്കുള്ള അംഗീകാരം

  യു.ടി ഖാദര്‍ വീണ്ടും കര്‍ണാടക മന്ത്രി

  കര്‍ണാടക ഹൈക്കോടതി ജഡ്ജി ജസ്റ്റിസ് മുഹമ്മദ് നവാസ് കാസര്‍കോടിന്റെ മരുമകന്‍

  കര്‍ണാടക കോണ്‍ഗ്രസ് എം.എല്‍.എ വാഹനാപകടത്തില്‍ മരിച്ചു

  എം.എല്‍.എമാരെ എത്തിച്ചു; വിശ്വാസ വോട്ടില്‍ ചര്‍ച്ച തുടങ്ങി

  മംഗളൂരുവില്‍ മലയാളിയടക്കം രണ്ട് പേരുടെ രക്തസാമ്പിളുകള്‍ പരിശോധനക്കയച്ചു

  സര്‍ക്കാര്‍ ഉണ്ടാക്കുവാന്‍ സാധിക്കുമെന്ന് കോണ്‍ഗ്രസ്സ് നേതാവ് സിദ്ധരാമയ്യ

  ദക്ഷിണ കര്‍ണാടകയില്‍ കോണ്‍ഗ്രസിന് വിനയായത് പാര്‍ട്ടിക്കുള്ളിലെ പടലപ്പിണക്കങ്ങള്‍