updated on:2018-03-17 04:33 PM
സി.എം. അബ്ദുല്ല മൗലവിയുടെ മരണം: ദക്ഷിണ കന്നഡ ജില്ലയിലും പ്രതിഷേധമിരമ്പി

www.utharadesam.com 2018-03-17 04:33 PM,
മംഗളുരു: പ്രമുഖ മതപണ്ഡിതനും സമസ്ത സീനിയര്‍ ഉപാധ്യക്ഷനുമായിരുന്ന സി.എം. അബ്ദുല്ല മൗലവിയുടെ മരണത്തിന് പിന്നിലുള്ളവരെ നിയമത്തിന് മുന്നില്‍ കൊണ്ട് വരണമെന്നാവശ്യപ്പെട്ട് മംഗളൂരുവില്‍ വെള്ളിയാഴ്ച നടന്ന മാര്‍ച്ചില്‍ പ്രതിഷേധമിരമ്പി. രണ്ടായിരത്തോളം വരുന്ന ആളുകളാണ് പ്രഖ്യാപന സമരത്തില്‍ പങ്കെടുത്തത്.
എസ്.കെ.എസ്.എസ്.എഫ്. ദക്ഷിണ കന്നഡ ജില്ലാ കമ്മിറ്റി, ഖാസി സംയുക്ത സമര സമിതി എന്നിവയുടെ നേതൃത്വത്തിലാണ് മംഗളൂരു ഡി.സി. ഓഫീസ് മാര്‍ച്ചും മൂന്നാംഘട്ട സമര പ്രഖ്യാപനവും നടത്തിയത്.
കേസില്‍ സി.ബി.ഐ അന്വേഷണം ഊര്‍ജിതമാക്കുന്നതിന് വേണ്ടിയുള്ള നടപടികള്‍ സ്വീകരിക്കണമെന്നും കേസില്‍ നീതി നടപ്പിലാക്കി കിട്ടണമെന്നും ആവശ്യപ്പെട്ട് ഡെപ്യൂട്ടി കമ്മീഷണര്‍ മുഖേന പ്രധാനമന്ത്രിക്കും കര്‍ണാടക, കേരള സംസ്ഥാന മുഖ്യമന്ത്രിമാര്‍ക്കും ഇരുസമിതി ഭാരവാഹികളും ചേര്‍ന്ന് സംയുക്ത നിവേദനം നല്‍കി.
മൂന്നാംഘട്ട സമരത്തിന്റെ ഭാഗമായി പ്രധാനമന്ത്രിക്ക് അയക്കുന്ന കാല്‍ ലക്ഷം ഇ-മെയില്‍ സന്ദേശത്തിന്റെ ഉദ്ഘാടനവും നടന്നു.
കീഴൂര്‍-മംഗളൂരു, സംയുക്ത ജമാഅത്ത് ദക്ഷിണ കന്നഡ ജില്ലാ ഖാസി ത്വാഖ അഹമ്മദ് അല്‍ അസ്ഹരി ഉദ്ഘാടനം ചെയ്തു. എസ്.കെ.എസ്.എസ്.എഫ്. ദക്ഷിണ കന്നഡ ജില്ലാ പ്രസിഡണ്ട് ഖാസിം ദാരിമി അധ്യക്ഷത വഹിച്ചു. ഇസ്മയില്‍ യമാനി, ബാഷ തങ്ങള്‍, ഹാജി ഹനീഫ്, സിദ്ധീഖ് ബണ്ട്വാള്‍, ഹമീദ് കുണിയ, കെ. മുഹമ്മദ് കുഞ്ഞി, ഹാജി റിയാസ്, അബ്ദുല്‍ ഖാദര്‍ സഅദി, സഈദ് ചേരൂര്‍ തുടങ്ങിയവര്‍ സംസാരിച്ചു.



Recent News
  ഒരാഴ്ചയായിട്ടും സോളോ റൈഡര്‍ സന്ദീപിനെ കണ്ടെത്താനായില്ല

  അംബരീഷ് അന്തരിച്ചു

  കര്‍ണാടക ഹൈക്കോടതി റിട്ട. ജഡ്ജി എ.എം ഫാറൂഖ് അന്തരിച്ചു

  കുമ്പളയില്‍ നിന്ന് കാണാതായ സ്‌കൂള്‍ വിദ്യാര്‍ത്ഥിയെ മംഗലാപുരത്ത് കണ്ടെത്തി

  ബെല്ലാരിയില്‍ റെഡ്ഡി സഹോദരന്മാരുടെ വാഴ്ചക്ക് അന്ത്യം; ഉഗ്രപ്പ നേടിയത് 4,78,230 വോട്ടുകള്‍

  കോട്ടേക്കാര്‍ അബ്ദുല്ല ഹാജി അന്തരിച്ചു

  കര്‍ണാടക പുത്തൂരില്‍ വീടിന് മുകളില്‍ മതിലിടിഞ്ഞ് വീണ് രണ്ടുപേര്‍ മരിച്ചു

  പി.എ. എഞ്ചിനീയറിംഗ് കോളേജിന് മികച്ച ഗവേഷണ സൗകര്യങ്ങള്‍ക്കുള്ള അംഗീകാരം

  യു.ടി ഖാദര്‍ വീണ്ടും കര്‍ണാടക മന്ത്രി

  കര്‍ണാടക ഹൈക്കോടതി ജഡ്ജി ജസ്റ്റിസ് മുഹമ്മദ് നവാസ് കാസര്‍കോടിന്റെ മരുമകന്‍

  കര്‍ണാടക കോണ്‍ഗ്രസ് എം.എല്‍.എ വാഹനാപകടത്തില്‍ മരിച്ചു

  എം.എല്‍.എമാരെ എത്തിച്ചു; വിശ്വാസ വോട്ടില്‍ ചര്‍ച്ച തുടങ്ങി

  മംഗളൂരുവില്‍ മലയാളിയടക്കം രണ്ട് പേരുടെ രക്തസാമ്പിളുകള്‍ പരിശോധനക്കയച്ചു

  സര്‍ക്കാര്‍ ഉണ്ടാക്കുവാന്‍ സാധിക്കുമെന്ന് കോണ്‍ഗ്രസ്സ് നേതാവ് സിദ്ധരാമയ്യ

  ദക്ഷിണ കര്‍ണാടകയില്‍ കോണ്‍ഗ്രസിന് വിനയായത് പാര്‍ട്ടിക്കുള്ളിലെ പടലപ്പിണക്കങ്ങള്‍