updated on:2018-05-15 08:29 PM
ദക്ഷിണ കര്‍ണാടകയിലും ബി.ജെ.പി. ആധിപത്യം; കോണ്‍ഗ്രസിന്റെ മാനം കാത്തത് യു.ടി. ഖാദര്‍

www.utharadesam.com 2018-05-15 08:29 PM,
മംഗളൂരു: ദക്ഷിണ കര്‍ണാടകയിലെ എട്ട് മണ്ഡലങ്ങളില്‍ ഏഴിടങ്ങളിലും 2013 ല്‍ വെന്നിക്കൊടിപാറിച്ച കോണ്‍ഗ്രസിന് ഈ തിരഞ്ഞെടുപ്പില്‍ അടിപതറിയപ്പോള്‍ ആശ്വാസജയമേകിയത് യു.ടി.ഖാദറിന്റെ നാലാമത് വിജയം. മാംഗ്ലൂര്‍ എന്ന് 2008ല്‍ പുനര്‍ നാമകരണം ചെയ്യപ്പെട്ട പഴയ ഉള്ളാള്‍ നിയമസഭാ മണ്ഡലത്തിലാണ് ഖാദര്‍ തന്റെ ജൈത്രയാത്ര തുടരുന്നത്. കഴിഞ്ഞ മന്ത്രിസഭയില്‍ ആദ്യം ആരോഗ്യം- കുടുംബക്ഷേമ വകുപ്പും പിന്നീട് ഭക്ഷ്യ വിതരണ വകുപ്പം കൈകാര്യം ചെയ്ത ഖാദര്‍ 1999 മുതല്‍ തുടരുന്ന വിജയ ഗാഥ ആവര്‍ത്തിക്കുകയായിരുന്നു. 99ലും 2004 ലും ഖാദറിന്റെ പിതാവ് യു.ടി. ഫരീദായിരുന്നു ഇവിടെ നിന്ന് ജയിച്ചത്. അദ്ദേഹത്തിന്റെ മരണത്തെ തുടര്‍ന്ന് ഖാദര്‍ സ്ഥാനാര്‍ത്ഥിയാവുകയും എളുപ്പം ജനപിന്തുണ നേടുകയുമായിരുന്നു. ബി.ജെ.പി.യുടെ സന്തോഷ് റായ് ബൊളിയാറായിരുന്നു തൊട്ടടുത്ത എതിര്‍ സ്ഥാനാര്‍ത്ഥി. മുന്‍ മേയര്‍ കെ. അഷ്‌റഫ് കോണ്‍ഗ്രസ് വിട്ട് ജെ.ഡി.എസ് കുപ്പായത്തില്‍ മത്സരിച്ചെങ്കിലും സാന്നിധ്യം അറിയിക്കാനായില്ല. മലയാളി വേരുകളുള്ള യു.ടി. ഖാദര്‍ കാസര്‍കോടുമായി അടുത്ത ബന്ധം പുലര്‍ത്തുന്ന നേതാവാണ്. പ്രശസ്തമായ മുണ്ടോള്‍ കുടുംബത്തില്‍ നിന്നാണ് വിവാഹം കഴിച്ചത്. മകള്‍ അടുക്കത്ത്ബയല്‍ മജ്‌ലിസുല്‍ ഹിഫുളുല്‍ ഖുര്‍ആന്‍ കോളേജില്‍ ഖുര്‍ആന്‍ പഠനം നടത്തിയിരുന്നു. അതേസമയം ബണ്ട്വാള്‍ മണ്ഡലത്തില്‍ എട്ടാം തവണ ജനവിധി തേടിയ ജില്ലയുടെ ചുമതലയുള്ള മന്ത്രി ബി. രമാനാഥറൈയുടെ പരാജയം കോണ്‍ഗ്രസിന് കനത്ത ആഘാതമായി.



Recent News
  പിഞ്ചുകുട്ടി മുങ്ങി മരിച്ചത് അമ്മയുടെ ആത്മഹത്യാ ശ്രമത്തിനിടയില്‍

  ബംഗളൂരുവില്‍ അപാര്‍ട്ട്‌മെന്റ് കെട്ടിടം തകര്‍ന്ന് 5 മരണം

  മംഗളൂരുവില്‍ വിമാനം ടാക്‌സിവേ തെന്നി മാറിയ സംഭവം: വിമാന സര്‍വീസുകള്‍ വൈകി

  ബംഗളൂരുവില്‍ മയക്കുമരുന്നുമായി ഉപ്പള സ്വദേശികളുള്‍പ്പെടെ 3 പേര്‍ പിടിയില്‍

  ഗിരീഷ് കര്‍ണാട് അന്തരിച്ചു

  യേനപ്പോയ യൂണിവേഴ്‌സിറ്റി അക്കാദമിക് എക്‌സലന്‍സ് അവാര്‍ഡ് ദഖീറത്ത് സ്‌കൂളിന്

  യുവതിയെ വെട്ടിനുറുക്കി ശരീരഭാഗങ്ങള്‍ ഉപേക്ഷിച്ച കേസില്‍ ദമ്പതികള്‍ അറസ്റ്റില്‍

  സംവിധായകന്‍ കെ.ജി. രാജശേഖരന്‍ അന്തരിച്ചു

  മൈക്ക് ഉപയോഗിച്ച് വോട്ട് ചോദിച്ചു; നടന്‍ പ്രകാശ് രാജിനെതിരെ കേസ്

  സഅദിയ്യ ഗോള്‍ഡന്‍ ജൂബിലി സമ്മേളനം ഡിസംബറില്‍

  കെ.എസ്. ഫക്രുദ്ദീന്‍ ഐ.എന്‍.എല്‍. അഖിലേന്ത്യാ വൈസ് പ്രസിഡണ്ട്

  മിത്തബയല്‍ ജബ്ബാര്‍ മുസ്‌ലിയാരുടെ മയ്യത്ത് ഖബറടക്കി

  മിത്തബയല്‍ അബ്ദുല്‍ ജബ്ബാര്‍ മുസ്‌ലിയാര്‍ അന്തരിച്ചു

  ഒരാഴ്ചയായിട്ടും സോളോ റൈഡര്‍ സന്ദീപിനെ കണ്ടെത്താനായില്ല

  അംബരീഷ് അന്തരിച്ചു