updated on:2018-11-25 06:38 PM
അംബരീഷ് അന്തരിച്ചു

www.utharadesam.com 2018-11-25 06:38 PM,
ബംഗളൂരു : പ്രമുഖ കന്നട ചലച്ചിത്ര താരവും മുന്‍ കേന്ദ്ര, സംസ്ഥാന മന്ത്രിയുമായിരുന്ന അംബരീഷ് (66) അന്തരിച്ചു. ബംഗളൂരുവിലെ സ്വകാര്യ ആസ്പത്രിയിലായിരുന്നു അന്ത്യം. വൃക്കസംബന്ധമായ അസുഖത്തിനു ചികിത്സയിലായിരിക്കെ, ഹൃദയാഘാതത്തെ തുടര്‍ന്നായിരുന്നു മരണം. പ്രശസ്ത നടി സുമലതയാണ് ഭാര്യ.
മണ്ഡ്യയിലെ മദ്ദൂര്‍ ദൊഡ്ഡരസിനക്കെരെയില്‍ 1952 മേയ് 29നു ജനിച്ച അംബരീഷ് എണ്‍പതുകളിലെ ജനപ്രിയ നായകനായിരുന്നു. സിനിമയില്‍ പ്രതിനായകനായി ആദ്യകാലങ്ങളില്‍ തിളങ്ങിയ അദ്ദേഹം പിന്നീട് നായകനായി വളരുകയായിരുന്നു. 250ലേറെ ചലച്ചിത്രങ്ങളില്‍ അഭിനയിച്ചിട്ടുണ്ട്. മലയാള സിനിമയിലും അദ്ദേഹം വേഷമിട്ടിരുന്നു. ശ്രീകുമാരന്‍ തമ്പി സംവിധാനം ചെയ്ത 'ഗാനം' എന്ന ചിത്രത്തില്‍ നായകനായി. രക്തവര്‍ണത്തിലുള്ള കണ്ണുകള്‍ ഉള്ള അംബരീഷ് അനശ്വരമാക്കിയ വില്ലന്‍ കഥാപാത്രങ്ങളും രോഷാകുലനായ നായക വേഷങ്ങളും ഏറെയാണ്. 'നാഗരാജാവ്' എന്ന സിനിമയില്‍ ചെറിയൊരു വേഷത്തിലാണ് അരങ്ങേറ്റം. 1980ല്‍ 'അന്ത' എന്ന സിനിമയില്‍ നായകനായി. 1998-99 കാലയളവില്‍ ലോക്‌സഭയില്‍ ജനതാദള്‍ (എസ്) എം.പിയായി രാഷ്ട്രീയത്തില്‍ കാലെടുത്തുവെച്ച അംബരീഷ് പിന്നീട് കോണ്‍ഗ്രസില്‍ ചേര്‍ന്നു. 2 തവണ കൂടി അദ്ദേഹം മണ്ഡ്യയില്‍ നിന്ന് ലോക്‌സഭയിലെത്തി. മന്‍മോഹന്‍ സിങ് സര്‍ക്കാരില്‍ സഹമന്ത്രിയായിരുന്നു.



Recent News
  ഒരാഴ്ചയായിട്ടും സോളോ റൈഡര്‍ സന്ദീപിനെ കണ്ടെത്താനായില്ല

  കര്‍ണാടക ഹൈക്കോടതി റിട്ട. ജഡ്ജി എ.എം ഫാറൂഖ് അന്തരിച്ചു

  കുമ്പളയില്‍ നിന്ന് കാണാതായ സ്‌കൂള്‍ വിദ്യാര്‍ത്ഥിയെ മംഗലാപുരത്ത് കണ്ടെത്തി

  ബെല്ലാരിയില്‍ റെഡ്ഡി സഹോദരന്മാരുടെ വാഴ്ചക്ക് അന്ത്യം; ഉഗ്രപ്പ നേടിയത് 4,78,230 വോട്ടുകള്‍

  കോട്ടേക്കാര്‍ അബ്ദുല്ല ഹാജി അന്തരിച്ചു

  കര്‍ണാടക പുത്തൂരില്‍ വീടിന് മുകളില്‍ മതിലിടിഞ്ഞ് വീണ് രണ്ടുപേര്‍ മരിച്ചു

  പി.എ. എഞ്ചിനീയറിംഗ് കോളേജിന് മികച്ച ഗവേഷണ സൗകര്യങ്ങള്‍ക്കുള്ള അംഗീകാരം

  യു.ടി ഖാദര്‍ വീണ്ടും കര്‍ണാടക മന്ത്രി

  കര്‍ണാടക ഹൈക്കോടതി ജഡ്ജി ജസ്റ്റിസ് മുഹമ്മദ് നവാസ് കാസര്‍കോടിന്റെ മരുമകന്‍

  കര്‍ണാടക കോണ്‍ഗ്രസ് എം.എല്‍.എ വാഹനാപകടത്തില്‍ മരിച്ചു

  എം.എല്‍.എമാരെ എത്തിച്ചു; വിശ്വാസ വോട്ടില്‍ ചര്‍ച്ച തുടങ്ങി

  മംഗളൂരുവില്‍ മലയാളിയടക്കം രണ്ട് പേരുടെ രക്തസാമ്പിളുകള്‍ പരിശോധനക്കയച്ചു

  സര്‍ക്കാര്‍ ഉണ്ടാക്കുവാന്‍ സാധിക്കുമെന്ന് കോണ്‍ഗ്രസ്സ് നേതാവ് സിദ്ധരാമയ്യ

  ദക്ഷിണ കര്‍ണാടകയില്‍ കോണ്‍ഗ്രസിന് വിനയായത് പാര്‍ട്ടിക്കുള്ളിലെ പടലപ്പിണക്കങ്ങള്‍

  ദക്ഷിണ കര്‍ണാടകയിലും ബി.ജെ.പി. ആധിപത്യം; കോണ്‍ഗ്രസിന്റെ മാനം കാത്തത് യു.ടി. ഖാദര്‍