updated on:2017-10-21 04:57 PM
മത്സ്യസമ്പത്തിന്റെ കുറവ്; വറുതി മാറാതെ മൊഗ്രാലിലെ ചവിട്ടുവല മത്സ്യത്തൊഴിലാളികള്‍

www.utharadesam.com 2017-10-21 04:57 PM,
മൊഗ്രാല്‍: മത്സ്യലഭ്യതയുടെ കുറവ് കാരണം മൊഗ്രാലിലെ പരമ്പരാഗത ചവിട്ടുവല മത്സ്യത്തൊഴിലാളികള്‍ക്ക് വറുതി തന്നെ. കടല്‍ക്ഷോഭവും കാലവര്‍ഷവുമൊക്കെ പതിയെ പിന്‍വലിഞ്ഞിട്ടും കടലില്‍ മത്സ്യസമ്പത്തിന്റെ കുറവ് തൊഴിലാളികളെ ദുരിതത്തിലാക്കുന്നു. മത്സ്യചാകര തന്നെ ലഭ്യമാവേണ്ട സമയവും സാഹചര്യവുമൊക്കെ ഒത്തുവന്നിട്ട് പോലും കാര്യമായ മത്സ്യം കിട്ടാത്തതാണ് നൂറുകണക്കിന് ചവിട്ടുവല മത്സ്യതൊഴിലാളികളെ വറുതിയിലാക്കുന്നത്.
തീരക്കടലില്‍ അര്‍ദ്ധവലയം സൃഷ്ടിച്ചാണ് മൊഗ്രാലിലെ ചവിട്ടുവല മത്സ്യത്തൊഴിലാളികളുടെ മത്സ്യബന്ധനം. തൊഴിലാളികള്‍ വലയുടെ ഒരറ്റം പിടിച്ചു കരയില്‍ നില്‍ക്കുമ്പോള്‍ തോണിയില്‍ 200 മുതല്‍ 300 മീറ്റര്‍ ദൂരത്തില്‍ കടലില്‍ വല വിതറിക്കൊണ്ട് വലയുടെ മറ്റേ അറ്റം നൂറുമീറ്റര്‍ ദൂരത്തില്‍ തൊഴിലാളികള്‍ നല്‍കും. പിന്നീട് ഇരു ഭാഗത്തു നിന്നുമായി കരയില്‍ നിന്നു വലവലിക്കുന്ന സമ്പ്രദായമാണ് ചവിട്ടുവല എന്ന പേരില്‍ അറിയപ്പെടുന്നത്.
മൊഗ്രാലിലെ ചവിട്ടുവല മത്സ്യബന്ധനത്തിന് 75 വര്‍ഷത്തെ പഴക്കമുണ്ട്. ഒരു കാലത്ത് മൊഗ്രാലിന്റെ പ്രധാന സാമ്പത്തിക സ്രോതസ്സായിരുന്നു ചവിട്ടുവല. 1960-70 കാലഘട്ടത്തില്‍ ആയിരക്കണക്കിന് കുടുംബങ്ങളുടെ പ്രധാന ഉപജീവന മാര്‍ഗമായിരുന്നു ഈ തൊഴില്‍ മേഖല. രാത്രിയും പകലെന്നുമില്ലാതെയുള്ള മത്സ്യബന്ധനമായിരുന്നു പഴയ കാലത്ത്. അത്രക്കും കടലില്‍ മത്സ്യസമ്പത്തുണ്ടായിരുന്നു. ഇപ്പോള്‍ ആഴക്കടലിലും കരയില്‍പോലും ബോട്ടുകള്‍ക്കും വിദേശ കമ്പനികള്‍ക്കുമൊക്കെ മത്സ്യബന്ധനത്തിന്ന് അനുമതി നല്‍കിയത് മത്സ്യസമ്പത്തിന്റെ ഇടിവിനു കാരണമായതായി തൊഴിലാളികള്‍ പറയുന്നു.
മൊഗ്രാലില്‍ നിന്നു അന്യമായിക്കൊണ്ടിരിക്കുന്ന ഈ തൊഴില്‍ മേഖലയില്‍ ഇപ്പോള്‍ ആളെ കിട്ടാത്ത അവസ്ഥയുണ്ട്. മൊഗ്രാലില്‍ ഇപ്പോള്‍ 3 സംഘങ്ങളിലായി 200 ഓളം പേര്‍ മാത്രമാണ് ചവിട്ടുവലയില്‍ ജോലി ചെയ്യുന്നത്.



Recent News
  എന്‍ഡോസള്‍ഫാന്‍: താന്‍ എന്നും ദുരിതബാധിതര്‍ക്കൊപ്പം: പ്രസ്താവന വളച്ചൊടിച്ച് മുതലെടുപ്പിന് ശ്രമം -ജില്ലാ കലക്ടര്‍

  കൊറഗ വിഭാഗത്തിലെ ആദ്യ എം.ഫില്‍കാരി ബീഡി തെറുക്കുകയാണ്

  കാസര്‍കോടിന്റെ പൊരിവെയിലത്ത് കുറേ നാള്‍ എം.ജെ രാധാകൃഷ്ണന്‍ ഉണ്ടായിരുന്നു

  ചേരിപ്പാടി സ്‌കൂളിലേക്ക് സ്‌നേഹ സമ്മാനവുമായി ജര്‍മ്മന്‍ ദമ്പതികളെത്തി

  കുക്കു എന്ന് വിളിക്കുമ്പോള്‍ പറന്നുവന്ന് ബഷീറിന്റെ കൈകളിലിരിക്കും ഈ കറുത്ത കുയില്‍

  ദേശീയപാതയോരങ്ങളില്‍ വ്യാപകമായി മാലിന്യം തള്ളുന്നു; അധികാരികള്‍ മൗനത്തില്‍

  ഒടുവില്‍ നഗരസഭ കനിഞ്ഞു; കെ.പി.ആര്‍.റാവു റോഡിന് ശാപമോക്ഷമാവുന്നു

  രണ്ടുപതിറ്റാണ്ടോളമായി കാത്തിരിപ്പ്; മൊഗ്രാല്‍ കാടിയംകുളം കുടിവെള്ള പദ്ധതി യാഥാര്‍ത്ഥ്യമായില്ല

  ബേക്കല്‍ ജംഗ്ഷനില്‍ വെള്ളം കെട്ടികിടക്കുന്നത് ദുരിതമാകുന്നു

  ബഷീര്‍ നിറഞ്ഞ് ഇമ്മിണി ബല്യ രണ്ട് ക്ലാസ് മുറികള്‍

  മഴപ്പൊലിമ നാടിന്റെ ഉത്സവമായി

  സന്ധ്യമയങ്ങിയാല്‍ കെ.എസ്.ആര്‍.ടി.സി. ബസുകള്‍ കുമ്പള സ്റ്റാന്റില്‍ കയറുന്നില്ല; യാത്രക്കാര്‍ വലയുന്നു

  മാലിന്യപ്രശ്‌നം: ചെര്‍ക്കള ടൗണ്‍ കന്നുകാലികളും തെരുവ് നായ്ക്കളും കയ്യടക്കി

  മഴ കുറയുന്നു; പുതച്ചുറങ്ങാന്‍ ആര്‍ക്കും കമ്പിളി വേണ്ട

  അന്ധനായ നാരായണന് പെന്‍ഷന്‍ നിഷേധിച്ച് അധികാരികളുടെ ക്രൂര വിനോദം; എന്‍ഡോസള്‍ഫാന്‍ ഇരയായിട്ടും ആനുകൂല്യങ്ങളില്ല