updated on:2018-07-07 06:56 PM
നഗരത്തിലെ തണല്‍ മരങ്ങളില്‍ പലതും അപകടഭീഷണി ഉയര്‍ത്തുന്നു

www.utharadesam.com 2018-07-07 06:56 PM,
കാസര്‍കോട്: നഗരത്തിലെ തണല്‍മരങ്ങളില്‍ പലതും അപകടനിലയിലായതോടെ വാഹന - കാല്‍നടയാത്രക്കാര്‍ ഭീതിയിലായി. കാസര്‍കോട് താലൂക്ക് ഓഫീസ് പറമ്പിലെ വലിയ തണല്‍ മരം, പഴയ ബസ് സ്റ്റാന്റിന് സമീപത്തെ തണല്‍മരം എന്നിവ ഏത് നിമിഷവും നിലംപൊത്താമെന്ന രീതിയിലാണ് നില്‍പ്. നഗരത്തിലെ മറ്റു തണല്‍മരങ്ങളുടെ ശിഖിരങ്ങള്‍ വളര്‍ന്ന് വാഹനങ്ങള്‍ക്ക് തടസമാവുന്നതിന് പുറമേ വൈദ്യുതികമ്പികളില്‍ തട്ടി വൈദ്യുതി വിതരണം മുടങ്ങുകയും ചെയ്യുന്നു. താലൂക്ക് ഓഫീസിന് മുന്‍വശത്തെ വലിയ ആല്‍മരത്തിന് 50 വര്‍ഷത്തിലേറേ പഴക്കമുണ്ട്. ഇതിന് സമീപത്താണ് ഓട്ടോ - ടാക്‌സികളുടെ സ്റ്റാന്റുകള്‍. വില്ലേജ് ഓഫീസ്, സബ് ജയില്‍, നാര്‍കോട്ടിക് സെല്‍ ഓഫീസ്, സബ്ട്രഷറി, രജിസ്ട്രാര്‍ ഓഫീസ് എന്നിവ ഇവിടെയാണ് പ്രവര്‍ത്തിക്കുന്നത്. ദിവസേന വിവിധ ആവശ്യങ്ങള്‍ക്കായി നിരവധി പേര്‍ ഇവിടെ എത്തുന്നു. പഴക്കമേറിയ ആല്‍മരത്തിന്റെ ശിഖിരങ്ങള്‍ കാറ്റിന് അടര്‍ന്ന് വീണ് വാഹനങ്ങള്‍ക്ക് കേടുപറ്റുന്നത് പതിവാണ്. മരം അല്‍പം ചരിഞ് അപകടനിലയിലായതായി പരിസരവാസികള്‍ പറയുന്നു. ഇവിടെയുള്ള മറ്റൊരു ആല്‍മരത്തിന്റെ ഒരു ഭാഗം കഴിഞ്ഞ കാലവര്‍ഷത്തില്‍ പൊളിഞ് വീണിരുന്നു. പുലര്‍ച്ചെയായതിനാല്‍ അപകട സാധ്യത ഒഴിവാകുകയായിരുന്നു. നഗരത്തിലെ തിരക്കേറിയ മറ്റു സ്ഥലങ്ങളിലുമുള്ള തണല്‍ മരങ്ങളില്‍ ചിലത് അപകട സാധ്യത വര്‍ധിപ്പിക്കുന്നു. ശിഖിരങ്ങള്‍ മുറിച്ച് മാറ്റിയാല്‍ തന്നെ ഇപ്പോഴുള്ള അപകട സാധ്യത കുറയ്ക്കാനാവും. എന്നാല്‍ മരം മുറിച്ച് നീക്കിയാല്‍ പരിസ്ഥിതി സ്‌നേഹികള്‍ രംഗത്തുവരുമെന്നതിനാല്‍ അധികൃതര്‍ ഇതില്‍ നിന്നും പിന്തിരിയുകയാണ്. ഇതിന് പുറമേ ഹൈവേകളിലുമുള്ള തണല്‍ മരങ്ങളും വാഹനയാത്രക്ക് ഭീഷണിയാവുന്നുണ്ട്. കറന്തക്കാട് മുതല്‍ തലപ്പാടിവരേയും പുതിയ ബസ്സ്റ്റാന്റ് മുതല്‍ ആറങ്ങാടി വരെയുള്ള ദേശീയ പാതയിലുള്ള വലിയ മരങ്ങളും അപകട സാധ്യത വര്‍ധിപ്പിക്കുന്നു. പല മരങ്ങളുടെയും ശിഖരങ്ങള്‍ റോഡിലേക്കാണ് തളളി നില്‍ക്കുന്നത്. ഇത് മുറിച്ച് നീക്കേണ്ടത് പൊതുമരാമത്ത് റോഡ്‌സ് വിഭാഗമാണ്. സാധാരണ മഴക്കാലം തുടങ്ങുന്നതിന് മുമ്പ് വാഹനയാത്രക്കാര്‍ക്ക് ഭീഷണിയായിട്ടുള്ള ഇത്തരം മരങ്ങളുടെ ശിഖിരങ്ങള്‍ മുറിച്ച് നിക്കുകയാണ് പതിവ്. പക്ഷേ ഇപ്രാവശ്യം അധികൃതര്‍ മുറിച്ച് നീക്കിയിട്ടില്ല.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം