updated on:2018-07-08 06:16 PM
ബഷീറിന്റെ വീട്ടിലെ അടുപ്പ് പുകയാന്‍ മഴ കനിയണം

www.utharadesam.com 2018-07-08 06:16 PM,
കാസര്‍കോട്: മഴ കനത്തതോടെ ബഷീറിന്റെ മുഖത്ത് സന്തോഷം. ഇനി മഴ തീരുന്നതോടെ വേവലാതിക്ക് തല്‍ക്കാലം സലാം. പഴയ കുടകള്‍ നന്നാക്കി നല്‍കുന്ന തിരക്കിലാണ് നെല്ലിക്കുന്ന് സ്വദേശി ബഷീര്‍. എം.ജി. റോഡിലെ മുസ്ലീം ലീഗ് ഓഫീസിന് സമീപത്തെ കടയുടെ സമീപത്താണ് ബഷീറിന്റെ ജീവിതം മുന്നോട്ട് പോകാനുള്ള തട്ടകം. ഇന്നോ ഇന്നലെയോ തുടങ്ങിയതല്ല കുട നന്നാക്കാനുള്ള ഈ യജ്ഞം. ഉപ്പ മുഹമ്മദില്‍ നിന്നും കിട്ടിയ കൈതൊഴിലാണ് ഇത്. 50 വര്‍ഷത്തിലധികം കുട നന്നാക്കിയിരുന്ന നെല്ലിക്കുന്ന് സ്വദേശി മുഹമ്മദ് ബഷീറിന്റെ ഉപ്പ പരേതനായ മുഹമ്മദിനെ പഴമക്കാര്‍ക്കൊക്കെ നല്ല സുപരിചിതനായിരുന്നു. ആദ്യകാലത്ത് ഫുട്പാത്തിന് സമീപം ചെറിയൊരു പെട്ടി കടയിലായിരുന്നു ഉപ്പ കുട നന്നാക്കിയിരുന്നത്. അന്നത്തെ നഗരത്തിന്റെ ഹൃദയഭാഗമായിരുന്നു ഇവിടം. നഗരം വികസിച്ചതോടെ പെട്ടി കടയ്ക്ക് താഴ് വീണു. പിന്നെ ഈ ഫുട്പാത്തിന് സമീപം-ബഷീര്‍ പറഞ്ഞു.
അന്നൊക്കെ ഒരു കുട വാങ്ങിയാല്‍ ജീവിതകാലം വരേ മതി. അത്രയ്ക്ക് ഉറപ്പും ബലവുമുള്ള കുടകളായിരുന്നു. സ്റ്റീലിന്റെയും മരത്തിന്റെയും പിടികളുള്ള കുടകളെന്ന് ബഷീര്‍ ഓര്‍ത്തെടുക്കുന്നു. വീട്ടിലെ പ്രാരാബ്ധങ്ങള്‍ കണ്ട് വളര്‍ന്ന ബഷീര്‍ ഉപ്പയെ സഹായിക്കാന്‍ പഠിത്തം ഉപേക്ഷിച്ച് ഈ കൈത്തൊഴിലില്‍ ഇറങ്ങുകയായിരുന്നു. ഉപ്പയുടെ കാലശേഷം അദ്ദേഹം പകര്‍ന്ന് നല്‍കിയ തൊഴില്‍ പ്രായം 52 ലെത്തിയിട്ടും തുടരുകയാണ്. നാല് മാസത്തോളം പണിയുണ്ടാകും. പിന്നെ കൂലി പണിക്കിറങ്ങും-കുട നന്നാക്കുന്നതിനിടയില്‍ ബഷീര്‍ പറഞ്ഞു. കാലം മാറിയതോടെ ജോലിയും കുറഞ്ഞു വന്നു. എന്നാലും ഉപ്പ പഠിപ്പിച്ച് തന്ന ഈ തൊഴില്‍ ഉപേക്ഷിക്കാന്‍ ബഷീറിന് മനസ് വരുന്നില്ല.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം