updated on:2018-07-11 06:22 PM
ജില്ലയില്‍ കുട്ടികളുടെ കേസുകളുടെ ചുമതല ഒന്നാം ക്ലാസ്സ് മജിസ്‌ട്രേട്ടിന്; പ്രത്യേക ന്യായാധിപനില്ലാത്തത് ജോലി ഭാരം കൂട്ടുന്നു

www.utharadesam.com 2018-07-11 06:22 PM,
കാസര്‍കോട്: ജില്ലയില്‍ കുട്ടികളുടെ കേസുകള്‍ കൈകാര്യം ചെയ്യാന്‍ പ്രത്യേക ന്യായാധിപനില്ലാത്തത് ഇത്തരം കേസുകളിലെ നിയമവ്യവഹാരങ്ങളെ പ്രതിസന്ധിയിലാഴ്ത്തുന്നു.
പ്രായപൂര്‍ത്തിയാകാത്തവര്‍ പ്രതികളായ കേസുകള്‍ പരിഗണനക്കെടുക്കുന്നത് ജുവനൈല്‍ കോടതിയാണ്. കാസര്‍കോട് ജില്ലയില്‍ പരവനടുക്കത്താണ് ജുവനൈല്‍ കോടതിയുള്ളത്. ശിക്ഷിക്കപ്പെടുന്ന കുട്ടിക്കുറ്റവാളികളെ ജുവനൈല്‍ ഹോമില്‍ പാര്‍പ്പിക്കുന്നു. കേരളത്തിലെ ഒട്ടുമിക്ക ജില്ലകളിലും ജുവനൈല്‍ കോടതികള്‍ക്ക് വേണ്ടിമാത്രം ന്യായാധിപന്‍മാരുണ്ട്.
കുട്ടികളുമായി ബന്ധപ്പെട്ട കേസുകളില്‍ വിചാരണയും മറ്റ് നടപടിക്രമങ്ങളും വേഗത്തില്‍ പൂര്‍ത്തിയാക്കുന്നതിന് ഇത് ഏറെ പ്രയോജനപ്പെടുകയും ചെയ്യുന്നു.
എന്നാല്‍ കാസര്‍കോട് ജില്ലയില്‍ ജുവനൈല്‍ കോടതിക്ക് മാത്രമായി ഒരു ന്യായാധിപനില്ല.
കാസര്‍കോട് ജുഡീഷ്യല്‍ ഒന്നാം ക്ലാസ് മജിസ്‌ട്രേട്ട് (ഒന്ന്) കോടതിക്കാണ് ഇപ്പോള്‍ ജുവനൈല്‍ കോടതിയിലെ കേസുകളുടെയും ചുമതലയുള്ളത്. മുമ്പ് കാസര്‍കോട് ചീഫ് ജുഡീഷ്യല്‍ മജിസ്‌ട്രേട്ടിനായിരുന്നു ചുമതല. അടുത്തിടെയാണ് ഒന്നാം ക്ലാസ് മജിസ്‌ട്രേട്ടിനെ ഉത്തരവാദിത്വം ഏല്‍പ്പിച്ചത്.
ചെറുതും വലുതുമായ ആയിരക്കണക്കിന് കേസുകള്‍ പരിഗണിക്കുന്നതുകൊണ്ട് ജില്ലയില്‍ ഏറ്റവുമധികം തിരക്കുള്ള കോടതിയാണ് കാസര്‍കോട് ജുഡീഷ്യല്‍ ഒന്നാം ക്ലാസ് മജിസ്‌ട്രേട്ട് (ഒന്ന്) കോടതി.
അക്രമം, വാഹനാപകടം, പൊതുസ്ഥലത്തെ മദ്യപാനം, പ്രായപൂര്‍ത്തിയാകാത്തവര്‍ക്ക് വാഹനമോടിക്കാന്‍ നല്‍കുന്ന സംഭവങ്ങള്‍ തുടങ്ങി സമൂഹത്തില്‍ നടക്കുന്ന ഗൗരവമേറിയതും അല്ലാത്തതുമായ കുറ്റകൃത്യങ്ങളുമായി ബന്ധപ്പെട്ട് ദിവസവും കേസുകളുടെ കൂമ്പാരം തന്നെ ഈ കോടതിയിലുണ്ട്. അക്കാരണത്താല്‍ തന്നെ ജോലിഭാരം കാരണം ഏറ്റവുമധികം ബുദ്ധിമുട്ടനുഭവിക്കുന്ന ജീവനക്കാരുള്ളതും ഒന്നാം ക്ലാസ് കോടതിയിലാണ്. കേസ് ഫയലുകളുടെ പെരുപ്പം കാരണം മജിസ്‌ട്രേട്ടിനും നിന്നു തിരിയാന്‍ സമയമില്ലാത്ത അവസ്ഥയാണ്. ഇതിനിടയിലാണ് ജുവനൈല്‍ കോടതിയുടെ ഉത്തരവാദിത്വവും നിറവേറ്റേണ്ടത്.
ജില്ലയില്‍ സമുദായിക സംഘര്‍ഷം, വാഹനമോഷണം, മറ്റ് കവര്‍ച്ചകള്‍, അക്രമങ്ങള്‍, മണല്‍ക്കടത്ത് തുടങ്ങി വിവിധ കേസുകളില്‍ പ്രതികളാകുന്ന കുട്ടികളുടെ എണ്ണം സമീപകാലത്തായി വര്‍ധിച്ചിട്ടുണ്ട്. ഈ സാഹചര്യത്തില്‍ ഇത്തരം കേസുകളിലെല്ലാം വേഗത്തില്‍ തീര്‍പ്പുണ്ടാക്കുന്നതിന് ജുവനൈല്‍ കോടതിയുടെ പ്രവര്‍ത്തനം കൂടുതല്‍ കാര്യക്ഷമമാകണമെന്നും ഇതിനായി മറ്റ് ചുമതലകളില്ലാത്ത മജിസ്‌ട്രേട്ടിന്റെയും ജീവനക്കാരുടെയും സേവനങ്ങള്‍ അനിവാര്യമാണെന്നും നിയമ വിദഗ്ധര്‍ അഭിപ്രായപ്പെടുന്നു.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം