updated on:2018-07-15 06:27 PM
അവഗണനയുടെ മഴനനഞ്ഞ് മുളിയാര്‍ വില്ലേജ് ഓഫീസ്

www.utharadesam.com 2018-07-15 06:27 PM,
ബോവിക്കാനം: മഴപെയ്താല്‍ ചോര്‍ന്നൊലിച്ച് അടിസ്ഥാന സൗകര്യമില്ലാതെ വീര്‍പ്പുമുട്ടുകയാണ് മുളിയാര്‍ വില്ലേജ് ഓഫീസ്. സ്ലാബിന് മുകളില്‍ വിള്ളല്‍ വീണതിനാല്‍ മഴവെള്ളം മുഴുവന്‍ ഓഫീസിനുള്ളിലേക്ക് ഒഴുകിയിറങ്ങുകയാണ്.
കാലപ്പഴക്കത്താല്‍ കോണ്‍ക്രീറ്റ് കെട്ടിടത്തില്‍ ചോര്‍ച്ചയില്ലാത്ത ഭാഗങ്ങള്‍ കുറവാണ്.
വില്ലേജ് ഓഫീസില്‍ വരുന്ന അപേക്ഷകളും വിലപ്പെട്ട റിക്കാര്‍ഡുകളും സൂക്ഷിക്കാന്‍ അലമാരകളോ മറ്റു സൗകര്യങ്ങളോ ഇവിടെയില്ല. സ്റ്റോര്‍ മുറിയിലെ സിമന്റ് തട്ടുകളിലും മറ്റുമായി ഇതെല്ലാം കൂട്ടിയിട്ടിരിക്കുകയാണ്. ഓഫീസിന്റെ ചുമരുകള്‍ക്കിടയിലൂടെ വെള്ളം ഒലിച്ചിറങ്ങി വിലപ്പെട്ട റിക്കാര്‍ഡുകള്‍ നശിച്ചുപോകുന്ന അവസ്ഥയാണ്.
ഇവിടെയുള്ള ജീവനക്കാര്‍ക്കും വില്ലേജില്‍ സര്‍ട്ടിഫിക്കറ്റ് വാങ്ങാനും മറ്റ് പല സേവനങ്ങള്‍ക്കുമായെത്തുന്ന ജനങ്ങള്‍ക്കും പ്രാഥമിക ആവശ്യം നിറവേറ്റാനുള്ള സൗകര്യമില്ല.
കമ്പ്യൂട്ടര്‍വല്‍ക്കരണം എല്ലാ സര്‍ക്കാര്‍ ഓഫീസിലും വന്നതുപോലെ ഇവിടെയും ഉണ്ടെങ്കിലും വൈദ്യുതി നിലച്ചാല്‍ മറ്റു ബദല്‍ സംവിധാനം ഇല്ലാത്തതിനാല്‍ ഇവിടത്തെ കമ്പ്യൂട്ടര്‍ സിസ്റ്റം പ്രവര്‍ത്തിക്കുന്നില്ലെന്ന് ഓഫീസില്‍ എത്തുന്നവര്‍ പരാതിപ്പെടുന്നു. ഇതുകാരണം വിവിധ ആവശ്യങ്ങള്‍ക്കായി എത്തുന്നവര്‍ മണിക്കൂറുകളോളം കാത്തുനില്‍ക്കേണ്ടിവരുന്നു.
സ്‌കൂള്‍ തുറന്നതോടെ ജാതി, വരുമാന സര്‍ട്ടിഫിക്കറ്റിനും മറ്റു സര്‍ട്ടിഫിക്കറ്റുകള്‍ക്കുമായി ദിവസേന നൂറുകണക്കിന് ആളുകളാണ് ഇവിടെയെത്തുന്നത്. ഇവര്‍ക്ക് ഇരിക്കാനുള്ള സൗകര്യം പോലുമില്ല.
ഇവിടത്തെ ജീവനക്കാര്‍ക്ക് സ്വസ്ഥമായി ഇരുന്ന് ജോലി ചെയ്യുവാനുള്ള അടിസ്ഥാന സൗകര്യമില്ലെന്ന പരാതി വര്‍ഷങ്ങള്‍ക്കു മുമ്പ് ഉയര്‍ന്നതാണ്.
സ്ഥിരമായി വില്ലേജ് ഓഫീസര്‍ ഇവിടെ ജോലിക്ക് നില്‍ക്കാറില്ല. വില്ലേജ് ഓഫീസറായി ഇവിടെ എത്തുന്ന ഉദ്യോഗസ്ഥന്‍ ആറുമാസത്തിനകം മറ്റേതെങ്കിലും വില്ലേജിലേക്ക് സ്ഥലം മാറ്റം വാങ്ങി പോവുകയാണ് പതിവ്.
ഇതുമൂലം സര്‍ട്ടിഫിക്കറ്റുകള്‍ ആളുകള്‍ക്ക് ലഭിക്കാന്‍ കാലതാമസം വരുന്നതായി പരാതിയുണ്ട്.
വില്ലേജ് ഓഫീസിലെ ജനലുകള്‍ പലതും പൊട്ടിയ നിലയിലാണ് കെട്ടിടത്തിന് ചുറ്റുമതില്‍ പോലും ഇല്ല. യാതൊരു സുരക്ഷിതത്വവും ഇല്ലാതെയാണ് വില്ലേജ് ഓഫീസ് പ്രവര്‍ത്തിക്കുന്നത്. അതിനുപുറമെ ചെര്‍ക്കള - ജാല്‍സൂര്‍ സംസ്ഥാന പാതയില്‍ നിന്നും വില്ലേജ് ഓഫീസിലേക്കുള്ള റോഡിലൂടെ മഴവെള്ളമൊഴുകി വലിയ കുഴികള്‍ രൂപപ്പെട്ടതിനാല്‍ ഇതുവഴി നടന്നുപോകാന്‍ പോലും കഴിയാത്ത സ്ഥിതിയാണ്.



Recent News
  പാലത്തിന് കൈവരിയില്ല; അപകടം പതിയിരിക്കുന്നു

  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം