updated on:2018-07-31 06:21 PM
ജപ്പാനിലെ ജയിലില്‍ കഴിയുന്ന മകനെയോര്‍ത്ത് മനസ്സ് നീറിയ കുമാരേട്ടന്‍ മരണത്തിന് കീഴടങ്ങി

www.utharadesam.com 2018-07-31 06:21 PM,
കാഞ്ഞങ്ങാട്: ചെയ്യാത്ത കുറ്റത്തിന് ജപ്പാനിലെ ടോക്കിയോ ജയിലില്‍ തടവ് ശിക്ഷ അനുഭവിക്കുന്ന മകനെ ഓര്‍ത്ത് കരയാന്‍ ലക്ഷ്മി അമ്മയ്‌ക്കൊപ്പം ഇനി കുമാരേട്ടനില്ല. മകനെയോര്‍ത്ത് മനസ് നീറി തളര്‍ന്നു പോയ കുമാരേട്ടന്‍ ഒടുവില്‍ മരണത്തിന് കീഴടങ്ങി. നീലേശ്വരം അടുക്കത്ത് പറമ്പിലെ വി.കുമാരേട്ടന്‍ (74) കഴിഞ്ഞ ദിവസമാണ് മരണത്തിന് കീഴടങ്ങിയത്.
ജപ്പാന്‍ ജയിലില്‍ തടവില്‍ കഴിയുന്ന ഇളയമകന്‍ മഹേന്ദ്രന്‍ തിരിച്ചു വരുന്നതും കാത്ത് വീടിന്റെ ഉമ്മറത്ത് ഭാര്യ ലക്ഷ്മിക്കൊപ്പം കഴിഞ്ഞ പത്ത് വര്‍ഷമായി കണ്ണീരുമായി കാത്തിരിക്കുകയായിരുന്നു ഈ പിതാവ്. ജപ്പാന്‍ ജയിലില്‍ കഴിയുന്ന ഇളയ മകനെ കണ്ണടയും മുമ്പ് കാണുന്നതിനായി ഉള്ളതെല്ലാം വിറ്റുപെറുക്കി നടത്തിയ ശ്രമവും പരാജയപ്പെട്ട് വീട്ടില്‍ നിരാശനായി കിടപ്പിലായ കുമാരന്‍ ആഗ്രഹം സാധിക്കാതെ മരണത്തിനു കീഴടങ്ങുകയായിരുന്നു. പ്രയാധിക്യത്താലും കടുത്ത മാനസിക വിഷമത്താലും തളര്‍ന്നു പോയ കുമാരേട്ടന്റെ ഏറ്റവും വലിയ ആഗ്രഹമായിരുന്നു മരിക്കുന്നതിന് മുമ്പ് മകന്‍ മഹേന്ദ്രനെ കാണണമെന്നത്. ഈ കാത്തിരിപ്പിന് രോഗിയായ ഭാര്യ ലക്ഷ്മിയും കൂട്ടുണ്ടായിരുന്നു. കുമാരേട്ടന്റെയും ലക്ഷ്മിയമ്മയുടെയും മൂന്ന് ആണ്‍മക്കളില്‍ ഇളയവനാണ് മഹേന്ദ്രന്‍. മഹേന്ദ്രന്‍ നടത്തിയിരുന്ന ഹോട്ടലിലേക്ക് താല്‍ക്കാലിക വിസയില്‍ എത്തിയ തിരുവനന്തപുരം സ്വദേശികള്‍ തമ്മിലുള്ള പ്രശ്‌നം പരിഹരിക്കാന്‍ ഇടപെട്ടതിനെ തുടര്‍ന്നുണ്ടായ പ്രശ്‌നങ്ങളുമായി ബന്ധപ്പെട്ടാണ് ജയിലിലായത്.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം