updated on:2018-08-01 06:38 PM
ജന്മനാ മലദ്വാരമില്ല; ദുരിതം പേറി നാലു വയസുകാരി

www.utharadesam.com 2018-08-01 06:38 PM,
കാഞ്ഞങ്ങാട്: ജന്മനാ മലദ്വാരമില്ലാത്ത നാല് വയസുകാരി ദുരിതം പേറുകയാണ്. ചോയ്യങ്കോട് താമസിക്കുന്ന പ്രദീപ് - ബീന ദമ്പതികളുടെ മകള്‍ ദിയ മോള്‍ ആണ് ദുരിതമനുഭവിക്കുന്നത്. വേദന കൊണ്ട് പുളയുന്ന ദിയ കാരുണ്യമതികളുടെ സഹായം തേടുകയാണ്. ഒരു ശസ്ത്രക്രിയ നടത്തി വയറില്‍ ചെറിയൊരു ദ്വാര മുണ്ടാക്കി അതില്‍ കൂടിയാണ് ഇപ്പോള്‍ മലമൂത്ര വിസര്‍ജ്ജനം നടത്തുന്നത്. വിദഗ്ദ ഡോക്ടര്‍മാരെ സമീപിച്ചപ്പോള്‍ മൂന്ന് ഓപ്പറേഷന്‍ വേണ്ടി വരുമെന്നാണ് അറിയിച്ചത്. അമൃത ഹോസ്പിറ്റലില്‍ ആണ് കുട്ടിയെ ശസ്ത്രക്രിയ ചെയ്യാന്‍ വേണ്ടി തീരുമാനിച്ചിട്ടുള്ളത്. ഭാരിച്ച ചെലവ് വരുന്ന ഈ ഓപ്പറേഷനുകള്‍ക്കുള്ള തുക കണ്ടെത്തുക എന്നത് തികച്ചും നിര്‍ധനരായ കുടുംബത്തിന് ഒരിക്കലും താങ്ങാന്‍ പറ്റില്ല. റബ്ബര്‍ ടാപ്പിങ് തൊഴിലാളിയായ അച്ഛന്‍ പ്രദീപിന് മറ്റു വരുമാന മാര്‍ഗ്ഗമൊന്നുമില്ല. സ്വന്തമായി വീട് പോലുമില്ലാത്ത ഈ കുടുംബം അടുത്ത കാലത്താണ് ചെറുപുഴ യിലെ ചപ്പാരിപ്പടവില്‍ നിന്ന് ചോയ്യങ്കോട്ടേക്ക് താമസം വന്നത്. കുട്ടിയുടെ അമ്മയും രക്ത സംബന്ധമായ രോഗത്താല്‍ ദുരിതം അനുഭവിക്കുകയാണ്. രണ്ട് പേരുടെയും ചികിത്സ നടത്താന്‍ കഴിയാതെ വിഷമിക്കുന്ന ഈ കുടുംബത്തിന്റെ നിസ്സഹായവസ്ഥ സമൂഹമാധ്യമങ്ങളും പഞ്ചായത്തും ശ്രദ്ധയില്‍ പെടുത്തി ചികിത്സാ സഹായ കമ്മിറ്റി രൂപീകരിച്ചിട്ടുണ്ട്. പഞ്ചായത്ത് പ്രസിഡണ്ട് എ.വിധുബാല ചെയര്‍പേഴ്‌സണായും സി.വി ഗോപകുമാര്‍ കണ്‍വീനറായും കെ.പി നാരായണന്‍ രക്ഷാധികാരിയായും കാലിച്ചാമരം വിജയാ ബാങ്കില്‍ ചെയര്‍മാന്റെയും കണ്‍വീനറുടെയും കുട്ടിയുടെ അച്ഛന്റെയും പേരില്‍ ജോയിന്റ് അക്കൗണ്ട് തുടങ്ങിയിട്ടുണ്ട്. ഫോണ്‍ 9496049672. അഇ ചീ 2064010 11002758, കഎടഇ ഢകഖആ 000 2064, വിജയാ ബാങ്ക് കാലിച്ചാമരം.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം