updated on:2018-08-04 08:18 PM
ഭവന നിര്‍മ്മാണത്തിനുള്ള അപേക്ഷ സമര്‍പ്പിച്ച് വര്‍ഷങ്ങളായി; കനിവ് തേടി കുടുംബം

www.utharadesam.com 2018-08-04 08:18 PM,
അഡൂര്‍: ഭവന നിര്‍മ്മാണത്തിനുള്ള ധനസഹായത്തിന് അപേക്ഷകള്‍ സമര്‍പ്പിച്ചിട്ട് വര്‍ഷങ്ങളുടെ കാത്തിരിപ്പ് തുടരുകയാണ് ഒരു നിര്‍ധന കുടുംബം. ദേലംപാടി പഞ്ചായത്തിലെ പാണ്ടി വയലിലെ ഗോപാല കൃഷ്ണനും ഭാര്യ ശ്യാമളയും രണ്ടു കുട്ടികളുമാണ് വീടെന്ന സ്വപ്‌നം യാഥാര്‍ത്ഥ്യമാക്കാന്‍ അധികൃതരുടെ കനിവിന് കാത്തിരിക്കുന്നത്. ഗോപാല കൃഷ്ണന്‍ അസുഖം മൂലം ജോലി ചെയ്യാന്‍ കഴിയാത്ത അവസ്ഥയിലാണ്. ഭാര്യയും രണ്ടു മക്കളുമടങ്ങുന്ന കുടുംബം സാമ്പത്തികമായി വളരെ പ്രയാസമുള്ളവരാണ്.
ഭവന നിര്‍മ്മാണത്തിന് സംസ്ഥാന സര്‍ക്കാര്‍ പ്രഖ്യാപിച്ച മാനദണ്ഡങ്ങള്‍ പ്രകാരം പത്ത് സെന്റ് സ്ഥലവും സ്വന്തം റേഷന്‍ കാര്‍ഡും അസ്പറ്റോസ് ഷീറ്റ് പാകിയതും ഏത് സമയവും നിലംപൊത്താവുന്ന തരത്തിലുള്ള ചെറിയ ഷെഡ്ഡില്‍ താമസിക്കുന്ന കുടുംബത്തിന് അര്‍ഹതയുണ്ടെങ്കിലും താമസിക്കുന്ന ഷെഡ്ഡിന്റെ ചുമര്‍ ചെങ്കല്ല് കൊണ്ട് പണിതതാണെന്ന കാരണം പറഞ്ഞ് പഞ്ചായത്ത് അധികൃതര്‍ അപേക്ഷ തള്ളി കളയുകയാണുണ്ടായതെന്നാണ് ഗോപാല കൃഷ്ണന്റെ പരാതി.
കൂലി വേല ചെയ്ത് ജീവിതം നയിക്കുന്ന കുടുംബത്തിലെ അത്താണിയായിരുന്ന ഗോപാല കൃഷ്ണന് വര്‍ഷങ്ങള്‍ക്ക് മുമ്പ് ജോലി സ്ഥലത്ത് വീണു നടുവിന് ക്ഷതമെറ്റതിനാല്‍ കഠിനമായ അധ്വാനംചെയ്യാനാകത്തെ കുടുംബം തീര്‍ത്തും ദുരിതകയത്തിലാണ്. വരും നാളുകളില്‍ സംഭവിക്കാനിരിക്കുന്ന ദുരന്തം മുന്നില്‍ കണ്ടുകൊണ്ട് അര്‍ഹരായ ഗുണഭോക്താക്കള്‍ക്ക് അനുകൂല്യങ്ങള്‍ നല്‍കാന്‍ അധികൃതര്‍ തയ്യാറാവണമെന്ന ആവശ്യം ശക്തമാണ്. അതേ സമയം ദേലംപാടി പഞ്ചായത്തില്‍ ഏറ്റവും കൂടുതല്‍ പട്ടിക ജാതി -വര്‍ഗ്ഗ വിഭാഗങ്ങള്‍ വസിക്കുന്ന പഞ്ചായത്ത് ആയത്‌കൊണ്ടു തന്നെ ലൈഫ് ഭവന പദ്ധതിയില്‍ പെടുത്തി ഭവന നിര്‍മ്മാണത്തിന് ധനസഹായം നല്‍കാന്‍ കഴിയാതെ വരുന്നവര്‍ക്ക് പി.എം.എ.വൈ പദ്ധതിയില്‍ ഉള്‍പെടുത്തി ധന സഹായം നല്‍കാറാണ് പതിവ്.
എന്നാല്‍ ജനറല്‍ വിഭാഗത്തില്‍ ഭവന നിര്‍മ്മാണത്തിനുള്ള ഫണ്ട് കുറവായതാണ് അര്‍ഹതയുണ്ടായിട്ടും ചിലര്‍ക്ക് നധസഹായം നല്‍കാന്‍ കാല താമസം വരുന്നതെന്ന് വില്ലേജ് എക്സ്റ്റന്‍ഷന്‍ ഓഫീസര്‍ അനിഷ് പറഞ്ഞു. അതേ സമയം എസ്.സി/ എസ്.ടി വിഭാഗക്കാര്‍ക്ക് ആനുകൂല്യങ്ങള്‍ നല്‍കുന്നുവെന്ന് പറയുമ്പോഴും വാര്‍ഡില്‍ പട്ടിക ജാതി വിഭാഗത്തില്‍പ്പെട്ട വികലാംഗയും വിധവയുമായ ഗിരിജക്കും പട്ടിക വര്‍ഗ്ഗ മറാഠി വിഭാഗത്തില്‍പെട്ട സീതക്കും ഭവന നിര്‍മ്മാണത്തിനുള്ള ധനസഹായം അനുവദിക്കാന്‍ പഞ്ചായത്ത് ഭരണ സമിതി തയ്യാറായില്ലെന്ന് പരാതിയുണ്ട്.
മാത്രവുമല്ല പഞ്ചായത്ത് ഭരണ സമിതിയെ അനുകൂലിക്കുന്ന രാഷ്ട്രീയ പാര്‍ട്ടിക്കാരെ തിരഞ്ഞ് പിടിച്ച് ആനുകൂല്യങ്ങള്‍ നല്‍കുകയും മറ്റുള്ളവരെ തഴയുന്നതായും ആരോണമുണ്ട്.



Recent News
  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു