updated on:2018-08-06 06:39 PM
ഗതാഗതനിയന്ത്രണമില്ല; ബദിയടുക്ക ടൗണില്‍ അപകടം പതിയിരിക്കുന്നു

www.utharadesam.com 2018-08-06 06:39 PM,
ബദിയടുക്ക: നഗരത്തില്‍ ട്രാഫിക് പൊലീസ് സംവിധാനം പേരിന് മാത്രം. മഴക്കാലമായതോടെ ബദിയടുക്ക ടൗണില്‍ ഗതാഗതം നിയന്ത്രിക്കാന്‍ യാതൊരു സംവിധാനവും ഇല്ലാത്തസ്ഥിതിയാണ്. കുട്ടികള്‍ സ്‌കൂളിലേക്ക് പോകുന്ന സമയമായ രാവിലെ ഒമ്പത് മുതല്‍ പത്തുവരെയും വൈകിട്ട് നാല് മുതല്‍ അഞ്ചുമണിവരെ പോലും ഗതാഗതം നിയന്ത്രിക്കാന്‍ ഒരു പൊലീസുകാരനെ ഇവിടെ നിയമിച്ചിട്ടില്ല. നേരത്തെ ഗതാഗത നിയന്ത്രണത്തിന് പൊലീസിനെ നിര്‍ത്തിയിരുന്നു. ബദിയടുക്കയേക്കാള്‍ തിരക്ക് കുറഞ്ഞ നഗരത്തില്‍പോലും തിരക്കുള്ള സമയങ്ങളില്‍ പൊലീസിന് ഡ്യൂട്ടി നല്‍കാറുണ്ട്. എന്നാല്‍ പ്രത്യേക രീതിയിലുള്ള ബദിയടുക്ക ടൗണില്‍ വാഹനങ്ങള്‍ അമിത വേഗതയിലാണ് എത്താറുള്ളത്.
നഗരത്തില്‍ നിന്നും ഒരു വിളിപാട് അകലെയുള്ള സ്ഥലത്താണ് പൊലീസ് സ്റ്റേഷനെങ്കിലും ഗതാഗത ക്രമീകരണത്തിന് ഒരു പൊലീസുപോലും എത്താറില്ല. രണ്ട് വര്‍ഷം മുമ്പ് അന്ന് സ്റ്റേഷനില്‍ ചാര്‍ജ്ജ് വഹിച്ചിരുന്ന എസ്.ഐ പ്രത്യേക താല്‍പര്യം പ്രകടിപ്പിച്ച് ഹോംഗാര്‍ഡിനെയും ഒരു പൊലീസിനേയും നിയമിച്ചിരുന്നു. എന്നാല്‍ അന്നത്തെ എസ്.ഐ. സ്ഥലം മാറി പോയതോടെ ഹോം ഗാര്‍ഡിന്റെ സേവനം നിര്‍ത്തിവെക്കുകയായിരുന്നു. ടൗണ്‍ ബസ്സ്റ്റാന്റും പഴയ ബീവറേജ് വില്‍പ്പനശാലയുടെ കെട്ടിടത്തിന് സമീപവും ബസ് സ്റ്റാന്റിന് മുന്‍വശമുള്ള ഒരു ജ്വല്ലറി കെട്ടിടത്തിന്റെ പിന്‍വശത്തെ ഒരു സ്വകാര്യ വ്യക്തിയുടെ സ്ഥലത്ത് രാവിലെ മുതല്‍ രാത്രിവരെ മദ്യപന്മാരും വില്‍പ്പനക്കാരും വിലസുമ്പോള്‍ പൊലീസ് സ്റ്റേഷന് മൂക്കിന് താഴെയുള്ള സംഭവങ്ങള്‍ ശ്രദ്ധിക്കുന്നില്ല. മറ്റൊരു വശത്ത് മഡ്ക്ക കളിക്കാര്‍ കൂട്ടമായി തമ്പടിക്കുന്നതും അതിലുപരി പൂവാല ശല്യം മൂലവും ടൗണിലെത്തുന്ന യാത്രക്കാര്‍ക്കും സ്‌കൂള്‍ കുട്ടികള്‍ക്കും ഏറെ പ്രയാസമാണ്. ഇതിനാല്‍ ബസ് സ്റ്റാന്റ് പരിസരത്തും മുകളിലെ ബസാറിലും പൊലീസിന്റെ സേവനം ആവശ്യമാണ്.



Recent News
  പാലത്തിന് കൈവരിയില്ല; അപകടം പതിയിരിക്കുന്നു

  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം