updated on:2018-08-13 07:57 PM
മനം നിറക്കാന്‍ ബെള്ളച്ചാല്‍ വെള്ളച്ചാട്ടം

www.utharadesam.com 2018-08-13 07:57 PM,
ബദിയടുക്ക: ചെണ്ടെത്തടുക്ക മലനിരകള്‍ തഴുകി വരുന്ന വെള്ളച്ചാട്ടം മഴയാത്രികരുടെ മനം കവരുന്നു. സ്വര്‍ഗ്ഗ-വാണിനഗര്‍-കിന്നിംഗാര്‍ കുന്നിന്‍ ചെരിവുകളില്‍ നിന്നായി വരുന്ന മഴ വെള്ളമാണ് വെള്ളച്ചാട്ടമായി മാറുന്നത്. വീശിയടിക്കുന്ന തണുത്ത കാറ്റിനൊപ്പം താഴ്‌വരയിലേക്ക് പെയ്തിറങ്ങുന്ന മഴ കാണുമ്പോള്‍ സഞ്ചാരികളുടെ മനം കുളിര്‍ക്കും. തിരിച്ച് വരുമ്പോള്‍ ബെള്ളച്ചാല്‍ വെള്ളച്ചാട്ടവും കാണാം. കേരള-കര്‍ണാടക അതിര്‍ത്തി പ്രദേശത്ത് 12 വര്‍ഷത്തില്‍ ഒരിക്കല്‍ കഴിച്ചു വരാറുള്ള സ്വയം ഭു ഗുഹ പ്രവേശനം നടത്തുന്ന ജാംബ്രി ഗുഹ സ്ഥിതി ചെയ്യുന്ന ചെണ്ടത്തടുക്കയില്‍ നിന്നാണ് വെള്ള ചാട്ടത്തിന്റെ ഉത്ഭവം. അമ്പത് മീറ്റര്‍ ഉയരത്തില്‍ നിന്ന് കരിങ്കല്‍ പാറകളില്‍ തട്ടി പാല്‍ പദകളായി പതിക്കുന്ന കാഴ്ച കാണാം. മഴയുടെ നാളുകളില്‍ കേരള-കര്‍ണാടക അതിര്‍ത്തി പ്രദേശങ്ങളില്‍ നിന്നുള്ളവരാണ് കൂടുതല്‍ കാഴ്ചക്കാരായി ഇവിടെ എത്തുന്നത്. സ്‌കൂള്‍ കുട്ടികളുടെ പ്രകൃതി യാത്രക്കും പ്രസിദ്ധമാണ് ഈ പ്രദേശം. കുന്നിന്‍ മുകളിലുള്ള പ്ലാന്റേഷന്‍ കോര്‍പ്പറേഷന്റെ കല്‍ക്ക പ്രദേശത്തുള്ള കശുമാവിന്‍ തോട്ടത്തിലുള്ള തോടില്‍ നിന്നാണ് ജലം അമ്പത് മീറ്ററോളം താഴേക്ക് പതിക്കുന്നത്. മുകളില്‍ വള്ളികള്‍ നിറഞ്ഞ കാട് ആയതിനാല്‍ ചെടികളില്‍ നിന്നും വെള്ളം താഴേക്ക് പതിക്കുന്നതായും തോന്നും. കവുങ്ങ്, തെങ്ങ് തോപ്പിന് നടുവില്‍ നിന്നുള്ള വെള്ളച്ചാട്ട കാഴ്ചകളും അതി മനോഹരമാണ്. മുള്ളേരിയ വഴി ബെള്ളൂര്‍ പഞ്ചായത്തിലെ നെട്ടണിഗെ വഴിയും എന്‍മകജെ പഞ്ചായത്തിലെ സ്വര്‍ഗ്ഗ-വാണിനഗര്‍ വഴിയും ബെള്ളച്ചാല്‍ വെള്ളച്ചാട്ടത്തിലെത്താം. അതിര്‍ത്തി വനനിരകള്‍ തൊട്ട് മുള്ളേരിയ, എന്‍മകജെ, കുംബഡാജെ വരെയുള്ള വശ്യതയാര്‍ന്ന ദൃശ്യങ്ങള്‍ ഇവിടെ നിന്നും കാണാം. മഴയും കാറ്റും ആസ്വദിക്കാന്‍ വഴി യാത്രക്കാരെ മാടി വിളിക്കുകയാണ് ഇക്കോ ടുറിസത്തിന് സാധ്യതകളുമായി ബെള്ളച്ചാല്‍ വെള്ളച്ചാട്ടം. എല്ലായിടത്തേക്കും നല്ല റോഡ് സൗകര്യം ഉണ്ടെങ്കിലും വാഹന സൗകര്യം കുറവാണ്. മഴയുടെ സൗന്ദര്യഭാവം ആസ്വദിക്കാന്‍ പറ്റിയ ഇവിടേക്ക് വഴി യാത്രക്കാരും നാട്ടുകാരുമാണ് കൂടുതല്‍ എത്തുന്നത്. പുറംലോകത്ത് അത്ര പ്രസക്തി അല്ലാത്ത മൂന്നിടത്തും ടൂറിസത്തിന്റെ സാധ്യതകള്‍ ഉപയോഗിക്കാതെ കിടക്കുന്നു. പ്രകൃതിയെ നോവിക്കാതെ ചെറിയ സൗകര്യങ്ങള്‍ ഒരുക്കിയാല്‍ തന്നെ സഞ്ചാരികള്‍ക്ക് പ്രിയ ഇടമായി തീരും.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം