updated on:2018-08-27 06:04 PM
സ്ഥിരമായൊരു നടപ്പാലം വേണം; മിന്‍ചിനടുക്ക കാത്തിരിക്കുന്നു

www.utharadesam.com 2018-08-27 06:04 PM,
ബദിയടുക്ക: നാടും നഗരവും വികസിക്കുമ്പോള്‍ സ്ഥിരമായൊരു നടപ്പാലമെങ്കിലും വേണമെന്ന നാട്ടുകാരുടെ മുറവിളിക്ക് വര്‍ഷങ്ങളുടെ പഴക്കമുണ്ട്. ഇവിടത്തെ ജനങ്ങള്‍ക്ക് കാലവര്‍ഷം തുടങ്ങിയാല്‍ ഏക ആശ്രയം കര്‍ഷകരുടെ കൂട്ടായ്മയില്‍ കമുക് തടികൊണ്ട് ഉണ്ടാക്കുന്ന നൂല്‍പാലമാണ്. എന്നാല്‍ കഴിഞ്ഞ ദിവസം പെയ്ത കനത്ത മഴയിലും കാറ്റിലും കമുക് പാലത്തിന് സമീപത്തെ കൂറ്റന്‍ മരം കടപുഴകി വീഴുകയും നൂല്‍പാലം സ്ഥിതിചെയ്യുന്ന സ്ഥലത്തിന് അരികിലെ മണ്ണ് ഒലിച്ച് പോയതിനാലും അപകടം മുന്നില്‍ കണ്ട് ഭീതിയോടെയാണ് തദ്ദേശവാസികള്‍ അക്കരെ ഇക്കരെ നടന്ന് നീങ്ങുന്നത്. ബദിയടുക്ക പഞ്ചായത്തിലെ നാലും പതിമൂന്നും വാര്‍ഡുകളെ ബന്ധിപ്പിക്കുന്നതും പെരഡാല വരദായിനി പുഴക്ക് കുറുകെ മിന്‍ച്ചിനടുക്കയില്‍ കമുകിന്‍ തടികൊണ്ട് തീര്‍ത്ത പാലമാണ് ഇപ്പോള്‍ അപകടാവസ്ഥയിലുള്ളത്. നാലാം വാര്‍ഡില്‍പെടുന്ന ബാഞ്ചത്തടുക്ക, കൊല്ലമ്പറ, കൈലങ്കജ, മിന്‍ചിനടുക്ക തുടങ്ങിയ സ്ഥലങ്ങളിലെ കര്‍ഷകരും സ്‌കൂള്‍ വിദ്യാര്‍ത്ഥികള്‍ക്കുമടക്കം നീര്‍ച്ചാല്‍, കുമ്പള തുടങ്ങിയ സ്ഥലങ്ങളിലേക്ക് ഏറ്റവും എളുപ്പത്തില്‍ എത്തിപ്പെടാന്‍ കഴിയുന്നത് ഈ ഊടുവഴിയിലെ പാലത്തിലൂടെയാണ്. അല്ലാത്തപക്ഷം കിലോ മീറ്ററുകള്‍ ചുറ്റിസഞ്ചരിച്ച് ബദിയടുക്ക വഴി യാത്രതിരിക്കണം. വര്‍ഷങ്ങള്‍ക്ക് മുമ്പ് ഇതേ പാലത്തിന് മുകളില്‍ നിന്ന് കാല്‍വഴുതിവീണ് സ്‌കൂള്‍ വിദ്യാര്‍ത്ഥി ഒഴുക്കില്‍ പെട്ട് മരിച്ചിരുന്നു. അന്ന് മുതല്‍ സ്ഥിരമായൊരു കോണ്‍ക്രീറ്റ് പാലം വേണമെന്ന നാട്ടുകാരുടെ ആവശ്യത്തിന് നാളിതുവരെ ഫലം കണ്ടില്ല.
പാലം അപകടാവസ്ഥയിലായത് ശ്രദ്ധയില്‍ പെട്ടിട്ടുണ്ടെന്നും എന്നാല്‍ പാലം പണിയുവാനുള്ള ഫണ്ട് പഞ്ചായത്തിലില്ലെന്നും ചെറുകിട ജലസേചന പദ്ധതിയില്‍ പെടുത്തി പാലത്തിന്റെ നിര്‍മ്മാണ പ്രവര്‍ത്തനം നടത്തുമെന്ന് ബദിയടുക്ക ഗ്രാമ പഞ്ചായത്ത് പ്രസിഡണ്ട് കെ.എന്‍. കൃഷ്ണ ഭട്ട് പറഞ്ഞു.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം