updated on:2018-10-05 06:20 PM
കലക്ടര്‍ സന്ദര്‍ശിച്ചു; ചരിത്ര സ്മാരകമാകാനൊരുങ്ങി ഇരിയ ബംഗ്ലാവ്

www.utharadesam.com 2018-10-05 06:20 PM,
കാഞ്ഞങ്ങാട്: നൂറ്റാണ്ടിലെത്തി നില്‍ക്കുന്ന ഇരിയയിലെ ബ്രിട്ടീഷ് ബംഗ്ലാവിന് നല്ല കാലം തെളിയാന്‍ പോകുന്നു. ചരിത്രശേഷിപ്പിന്റെ ഓര്‍മ്മകള്‍ വിളിച്ചോതുന്ന ബംഗ്ലാവ് സ്മാരകമാക്കണമെന്ന ആവശ്യത്തിന് ജീവന്‍ വെച്ചതോടെ ജില്ലാ ഭരണകൂടം അനുകൂല നിലപാടെടുക്കാനൊരുങ്ങുന്നു. ജില്ലാ കലക്ടര്‍ കഴിഞ്ഞ ദിവസം സ്ഥലം സന്ദര്‍ശിച്ചിരുന്നു. ബംഗ്ലാവ് 1926ലാണ് പണി കഴിപ്പിച്ചത്. നാട്ടു ജന്മികളില്‍ നിന്നും ചുങ്കം പിരിക്കാനെത്തിയ ബ്രിട്ടീഷുകാര്‍ക്ക് ദിവസങ്ങളോളം താമസിക്കാനുള്ള സൗകര്യത്തിനും ഇതുവഴി കര്‍ണ്ണാടകത്തിലേക്കും മറ്റും പോകുന്ന സായ്പന്‍മാര്‍ക്ക് വിശ്രമിക്കുന്നതിനുമാണ് ബംഗ്ലാവ് പണി കഴിപ്പിച്ചതെന്നാണ് ചരിത്രം പറയുന്നത്. ഇവര്‍ അന്ന് യാത്ര ചെയ്യാനുപയോഗിച്ച കുതിരകളെ പാര്‍പ്പിക്കാനുള്ള കുതിരചാവടിയും (കുതിരലായം) ഇവിടെ ചരിത്രസ്മാരകമായി നിലനില്‍ക്കുന്നു. കാലപ്പഴക്കത്താല്‍ തകര്‍ന്ന് വീഴാറായ ബംഗ്ലാവും കുതിരാലയവും ചരിത്രസ്മാരകമാക്കണമെന്ന ആവശ്യത്തിന് ജില്ലാ ഭരണകൂടം പച്ചകൊടി കാട്ടിയതോടെ ബംഗ്ലാവിന്റെ ചരിത്രശേഷിപ്പുകള്‍ വീണ്ടെടുക്കാനുള്ള ഒരുക്കത്തിലാണ് റവന്യുവകുപ്പ്. ഇരിയ ടൗണില്‍ നിന്നും ഒരു കിലോമീറ്റര്‍ അകലെ കാഞ്ഞങ്ങാട്-പാണത്തൂര്‍ സംസ്ഥാന പാതയ്ക്കരികിലായി 91 സെന്റ് സ്ഥലത്താണ് ബംഗ്ലാവുള്ളത്. ചെത്തുകല്ല് ഉപയോഗിച്ച് ഒറ്റ മുറിയില്‍ പണി കഴിപ്പിച്ച ഈ ബംഗ്ലാവിനോട് ചേര്‍ന്ന് ശൗചാലയവും തൊട്ടടുത്തായി കിണറും നിര്‍മ്മിച്ചിട്ടുണ്ട്. ഇതിനടുത്ത് രണ്ട് മുറികള്‍ ഉണ്ട്.
ഒന്ന് കുതിരകളെ പാര്‍പ്പിക്കാനും മറ്റൊന്ന് ഭക്ഷണം ഉണ്ടാക്കി കഴിക്കുന്നതിനുമായാണ് നിര്‍മ്മിച്ചതെന്ന് പഴമക്കാര്‍ പറയുന്നു. ഇതോടൊപ്പം ചുമട് താങ്ങിയും കാണാം.
കാലപ്പഴക്കം മുലം ബംഗ്ലാവിന്റെയും കുതിരാലയത്തിന്റെയും മേല്‍ക്കുര പൂര്‍ണ്ണമായും തകര്‍ന്നിട്ടുണ്ട്. സ്ഥലം കഴിഞ്ഞ ദിവസം റവന്യു ഉദ്യോഗസ്ഥര്‍ അളന്നു തിട്ടപ്പെടുത്തിയതിനു ശേഷം ജില്ലാ കലക്ടര്‍ക്ക് റിപ്പോര്‍ട്ട് നല്‍കി. കയ്യേറ്റം നടന്നിട്ടില്ലെന്ന് അളവില്‍ വ്യക്തമായി.



Recent News
  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു