updated on:2018-10-06 07:48 PM
പൈപ്പ് പൊട്ടി കുടിവെള്ളം പാഴാകുന്നു; അധികൃതര്‍ കണ്ടില്ലെന്ന് നടിക്കുന്നു

www.utharadesam.com 2018-10-06 07:48 PM,
ബദിയടുക്ക: പൈപ്പ് പൊട്ടി കുടിവെള്ളം പാഴാകുന്നു. ബദിയടുക്ക പഞ്ചായത്തിലെ നാലാം വാര്‍ഡ് തലമ്പാടി കുടിവെള്ള പദ്ധതിയില്‍ നിന്നും ശുദ്ധജലമെത്തിക്കുന്ന പൈപ്പാണ് പല സ്ഥലങ്ങളില്‍ പൊട്ടി ജലം പാഴാകുന്നത് വകുപ്പ് അധികൃതര്‍ ഗൗനിക്കുന്നില്ലെന്ന് പരാതി. ബദിയടുക്ക പഞ്ചായത്തിലെ ബദിയടുക്ക, നീര്‍ച്ചാല്‍ വില്ലേജ് പരിധിയിലെ കുടിവെള്ള ക്ഷാമം അനുഭവിക്കുന്ന പ്രദേശങ്ങളില്‍ ശുദ്ധജലമെത്തിക്കുന്നതിനായി 2004ല്‍ എല്‍.ഐ.സിയുടെ സഹായത്തോടെ നാലു കോടി രൂപ ചിലവില്‍ കേരള ജല വകുപ്പാണ് പദ്ധതി നടപ്പാക്കിയത്. പള്ളത്തടുക്ക പുഴയിലെ തലമ്പാടിയില്‍ നിന്നും വെള്ളം പമ്പ് ചെയ്ത് കുണ്ടാല്‍മൂലയില്‍ ശൂചീകരിച്ച് ബദിയടുക്ക, നീര്‍ച്ചാല്‍ വില്ലേജുകളിലെ ഏറ്റവും കുടിവെള്ള ക്ഷാമം അനുഭവിക്കുന്ന സ്ഥലങ്ങളായ ബദിയടുക്ക വില്ലേജിലെ കുണ്ടാല്‍മൂല, കാടമന, മൂക്കംപാറ, ബദിയടുക്ക ടൗണ്‍, ഗോളിയടി, മാടത്തടുക്ക നീര്‍ച്ചാല്‍ വില്ലേജിലെ പെരഡാല, ഗോളിയടുക്ക, തലപ്പനാജെ, നീര്‍ച്ചാല്‍ ടൗണ്‍, മെണസിനപ്പാറ, കിളിംഗാര്‍ തുടങ്ങിയ സ്ഥലങ്ങളിലേക്ക് ശുദ്ധജലം എത്തിക്കുക എന്നതായിരുന്നു പദ്ധതിയുടെ ലക്ഷ്യം. എന്നാല്‍ പദ്ധതി പ്രവര്‍ത്തനത്തിന്റെ തുടക്കത്തില്‍ തന്നെ കുടിവെള്ള വിതരണവുമായി ബന്ധപെട്ട പൈപ്പ് ഗുണനിലവാരമില്ലാത്തതാണെന്ന ആരോപണവുമായി നാട്ടുകാര്‍ രംഗത്ത് വന്നിരുന്നു.
അതിനിടെ പൈപ്പ് പൊട്ടി ജലം പാഴാവുകയും വിതരണത്തില്‍ ഉണ്ടായ നിരന്തരമായ പരാതിയെ തുടര്‍ന്ന് ബദിയടുക്ക പഞ്ചായത്ത് ഭരണ സമിതി മുന്‍കൈയ്യെടുത്ത് ജനകീയ സമിതിയുടെ കൂട്ടായ്മയിലൂടെ പഞ്ചായത്ത് പരിധിയിലെ പല സ്ഥലങ്ങളിലും ജനകീയ കുടിവെള്ള പദ്ധതി നടപ്പില്‍ വരുത്തി. ഇതേ തുടര്‍ന്ന് കേരള ജല വിതരണ വകുപ്പിന്റെ കീഴില്‍ പ്രവര്‍ത്തിക്കുന്ന തലമ്പാടി കുടിവെള്ള പദ്ധതി നാലാം വാര്‍ഡിലെ ചുരുക്കം ചില സ്ഥലങ്ങളിലേക്ക് മാത്രമായി വിതരണത്തിന് സംവിധാനം ചെയ്യുകയായിരുന്നു. എന്നിരുന്നാലും നേരത്തെ ബദിയടുക്ക ഭാഗത്തേക്ക് വിതരണം ചെയ്തിരുന്ന പൈപ്പ് ലൈന്‍ ഗെയിറ്റ് വാള്‍വ് ഘടിപ്പിച്ച് തടസ്സപെടുത്തുവാന്‍ അധികൃതര്‍ തയ്യാറായില്ല. ഇത് കാരണം ജലം പമ്പിംഗ് ചെയ്യുമ്പോള്‍ ഗുണ നിലവാരം കുറഞ്ഞ പൈപ്പ് പൊട്ടുകയും വെള്ളം പാഴാവുകയും ചെയ്യുന്നത് നിത്യ സംഭവമാണ്. മാത്രവുമല്ല ഗാര്‍ഹിക ആവശ്യത്തിന് മാസംതോറും നിശ്ചിത തുക അടച്ച് വെള്ളമെടുക്കുന്നവര്‍ക്കും ജലം ലഭിക്കാതെ വരുന്നതായും ആരോപണമുണ്ട്. അത് കൊണ്ട് തന്നെ ബന്ധപെട്ട അധികൃതര്‍ ഉണര്‍ന്ന് പ്രവര്‍ത്തിക്കണമെന്നാണ് പരിസര വാസികളുടെ ആവശ്യം.



Recent News
  ഗ്ലാസ് ജനല്‍ ഷട്ടറുകളുള്ള ബസുകളില്‍ യാത്രക്കാര്‍ വിയര്‍ത്തൊലിക്കുന്നു; പരിഹാരം വേണമെന്ന് ആവശ്യം

  കുമ്പള സര്‍ക്കാര്‍ ആസ്പത്രിയില്‍ ഡോക്ടര്‍മാരില്ല; രോഗികള്‍ ചികിത്സ കിട്ടാതെ മടങ്ങുന്നു

  റോഡ് പ്രവൃത്തിയിലെ അശാസ്ത്രീയത: കാലിച്ചാനടുക്കത്ത് അപകടം പെരുകുന്നു

  പിഞ്ചുകുഞ്ഞിന്റെ ജീവന്‍ കാക്കാനായി അമൃതയിലെ ഡോക്ടര്‍മാര്‍ തീവ്ര പരിശ്രമത്തില്‍

  ദാ വന്നൂ... ദേ പോയി...

  ഒടിഞ്ഞ വൈദ്യുതി തൂണ്‍ മാറ്റിയില്ല; അപകടം പതിയിരിക്കുന്നു

  വേനല്‍മഴ ആശ്വാസത്തിനൊപ്പം ആശങ്കയും വിതച്ചു; ശക്തമായ കാറ്റില്‍ പരക്കെ നഷ്ടം

  മൂന്ന് മുന്നണികളുടെയും ഓഫീസ് ഒരേ കെട്ടിടത്തില്‍; ബോവിക്കാനത്ത് വേറിട്ട കാഴ്ച

  പള്ളങ്ങള്‍ മൂടി കുഴല്‍ കിണറുകള്‍ കുഴിച്ചു; കാരാക്കാട് കുടിവെള്ളം കിട്ടാതായി

  കാസര്‍കോട് നഗരത്തില്‍ അപകട ഭീഷണിയുയര്‍ത്തി മരം

  പദ്ധതികള്‍ നോക്കുകുത്തി; കോയിപ്പാടി കടപ്പുറത്ത് കുടിവെള്ള ക്ഷാമം രൂക്ഷം

  ഫാത്തിമയ്ക്ക് ജീവിതം നീട്ടിക്കിട്ടാന്‍ സുമനസ്സുകള്‍ കനിയണം

  വാമഞ്ചൂരില്‍ പാലത്തിന്റെ തകര്‍ന്ന കൈവരി ആറുമാസമായിട്ടും നന്നാക്കിയില്ല;

  സ്ലാബുകള്‍ നന്നാക്കിയില്ല; അപകടം പതിയിരിക്കുന്നു

  ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്