updated on:2018-10-28 07:02 PM
ജില്ലാ ആസ്പത്രിയിലെ ആംബുലന്‍സ് പഴകി; കരാര്‍ വ്യവസ്ഥയില്‍ ആംബുലന്‍സ് ഓടിക്കാന്‍ നീക്കം

www.utharadesam.com 2018-10-28 07:02 PM,
കാഞ്ഞങ്ങാട്: ജില്ലാ ആസ്പത്രിയിലെ ആംബുലന്‍സ് കാലപ്പഴക്കത്താല്‍ ഓടിക്കാന്‍ കഴിയാതായി. പുതിയ ആംബുലന്‍സ് കൊണ്ടുവരുന്നതിനുപകരം കരാര്‍ വ്യവസ്ഥയില്‍ ആംബുലന്‍സ് ഓടിക്കാന്‍ അധികൃതരുടെ നീക്കം. നിലവിലുള്ള ആംബുലന്‍സ് കാലപ്പഴക്കം ചെന്നതോടെ ഏറെക്കാലമായി ഷെഡ്ഡില്‍ സൂക്ഷിച്ചിരിക്കുകയാണ്. ഇതിന് പകരമായി പുതിയ വാഹനം ഇറക്കുന്നതിനുള്ള നൂലാമാലകള്‍ ഒഴിവാക്കാനാണ് അധികൃതര്‍ ആംബുലന്‍സ് ഓടിക്കാന്‍ കരാര്‍ ക്ഷണിച്ചത്. ആംബുലന്‍സ് ഇല്ലാത്തതിനാല്‍ അത്യാവശ്യത്തിനായി സ്വകാര്യ ആംബുലന്‍സുകളെയാണ് ജില്ലാ ആസ്പത്രിയിലെത്തുന്ന രോഗികള്‍ ഉപയോഗിക്കുന്നത്. ഇതിന് വന്‍ തുകയാണ് വാടകയായി നല്‍കേണ്ടിവരുന്നത്. അതേസമയം ജില്ലാ ആസ്ത്രിയില്‍ പട്ടികവര്‍ഗ്ഗ വിഭാഗത്തിനായുള്ള ആംബുലന്‍സ് ഉണ്ടെങ്കിലും പലപ്പോഴും പൊതുവിഭാഗത്തിന് ഇത് ലഭിക്കാറില്ല. ചുരുങ്ങിയ വാടകയാണ് ഈ ആംബുലന്‍സ് ഉപയോഗിച്ചാല്‍ ഈടാക്കുന്നത്. പരിയാരത്തേക്ക് ചുരുങ്ങിയത് 800 രൂപ മാത്രമാണ് വാടക വാങ്ങുന്നത്. എന്നാല്‍ സ്വകാര്യ ആംബുലന്‍സുകള്‍ 1700 മുതല്‍ 1800 രൂപ വരെ വാടക ഈടാക്കുന്നുണ്ട്.
പഴയ ആംബുലന്‍സും കുറഞ്ഞ നിരക്കിലായിരുന്നു ഓടിയിരുന്നത്. ഈ ആംബുലന്‍സിന് പകരം പുതിയത് ഇറക്കണമെങ്കില്‍ കണ്ണൂരിലുള്ള എഞ്ചിനീയറിംഗ് വിഭാഗത്തിന്റെ സര്‍ട്ടിഫിക്കറ്റ് ആവശ്യമാണ്.
പഴയ ആംബുലന്‍സ് ഉപയോഗയോഗ്യമല്ലെന്ന സര്‍ട്ടിഫിക്കറ്റ് ലഭിച്ച് ഇത് പൊളിച്ച് വിറ്റാല്‍ മാത്രമേ പുതിയത് വാങ്ങാന്‍ അനുമതി ലഭിക്കുകയുള്ളൂ.
ഇതിന്റെ നടപടിക്രമങ്ങള്‍ ജില്ലാ ആസ്ത്രിയുടെ ചുമതലയുള്ള ജില്ലാ പഞ്ചായത്ത് അധികൃതര്‍ ആരംഭിച്ചിട്ടുണ്ട്. ഇതിന് കാലതാമസം നേരിടുമെന്നതിനാല്‍ രോഗികളുടെ സൗകര്യത്തിനാണ് കരാര്‍ അടിസ്ഥാനത്തില്‍ ആംബുലന്‍സ് ഓടിക്കുന്നത്. ഇതിനുള്ള ക്വട്ടേഷനുകള്‍ ക്ഷണിച്ചിട്ടുണ്ട്. നവംബര്‍ ഒന്നിന് രാവിലെ 11 മണിവരെയാണ് ക്വട്ടേഷനുകള്‍ സ്വീകരിക്കുന്നത്.



Recent News
  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു