updated on:2018-11-15 02:31 PM
കൃഷിയിടത്തില്‍ വീണ്ടും കാട്ടുപോത്തിറങ്ങി

www.utharadesam.com 2018-11-15 02:31 PM,
മുള്ളേരിയ: കാട്ടുപോത്ത് വീണ്ടും കൃഷിയിടത്തിലിറങ്ങി. ബെള്ളൂര്‍ പഞ്ചായത്തിലെ മിന്‍ചിപ്പദവിലാണ് കാട്ടുപോത്തുകള്‍ ഇറങ്ങിയത്. കര്‍ണാടക അതിര്‍ത്തിയോട് ചേര്‍ന്നുള്ള ഗ്രാമങ്ങളില്‍ കാട്ടുപോത്തുകള്‍ വ്യാപകമാണ്. വനത്തില്‍ കാട്ടുപോത്തുകളുടെ എണ്ണം ക്രമാതീതമായി കൂടിയതോടെ കൂട്ടത്തോടെ കൃഷിയിടത്തിലേക്കും ജനവാസമേഖലയിലേക്കും ഇറങ്ങുന്നത് പതിവായിട്ടുണ്ട്. എന്‍മകജെ, കാറഡുക്ക, ദേലമ്പാടി, ബെള്ളൂര്‍ പഞ്ചായത്തുകളിലെ വനമേഖലയോട് ചേര്‍ന്നുകിടക്കുന്ന പ്രദേശങ്ങളിലാണ് കാട്ടുപോത്തുകളെ കാണുന്നത്. കാര്‍ണ്ണാടക അതിര്‍ത്തിയിലെ പാണാജെയില്‍ പ്രധാന റോഡില്‍ പോലും കാട്ടുപോത്തുകളെ കൂട്ടമായി കാണാറുണ്ട്. ദിവസങ്ങള്‍ക്ക് മുമ്പ് ബെള്ളൂര്‍ പഞ്ചായത്തിലെ നെട്ടണിഗെ ഗിളിയാലുവിലെ മഹബലേശ്വര ഭട്ടിന്റെ കൃഷിയിടത്തിലറങ്ങി വ്യാപകമായി കൃഷി നശിപ്പിച്ചിരുന്നു. ഇന്നലെ രാവിലെ ഏഴ് മണിയോടെയാണ് അതിര്‍ത്തി പ്രദേശമായ മിന്‍ചിപദവില്‍ കാലിന് പരിക്കേറ്റ നിലയില്‍ കാട്ടുപോത്തിനെ കണ്ടത്. കൃഷിയിടത്തില്‍ ഇറങ്ങി കാര്‍ഷിക വിളകള്‍ വ്യാപകമായി നശിപ്പിക്കുന്നത് പതിവായതോടെ പലരും പടക്കം പോലുള്ള സാധനങ്ങള്‍ മാലിന്യം നിറഞ്ഞ സ്ഥലത്ത് വെക്കാന്‍ തുടങ്ങി. കടിക്കുന്നതിനിടയില്‍ പടക്കം പൊട്ടി തെറിക്കുമ്പോള്‍ ചിലത് വിരണ്ട് ഓടും മറ്റു ചിലത് ചത്തു വീഴും. വനം വകുപ്പ് അധികൃതര്‍ക്ക് സംഭവം അറിഞ്ഞാല്‍ കേസാകുമെന്ന ഭയത്താല്‍ പലരും സംഭവം വെളിപ്പെടുത്താറുമില്ല. ഇത്തരത്തിലാവാം കഴിഞ്ഞ ദിവസം ബോവിക്കാനം കാനത്തൂര്‍ പുഴയില്‍ കാട്ടുപോത്തിന്റെ അഴുകിയ ജഡം കണ്ടെത്തിയതെന്നാണ് സംശയിക്കുന്നത്. കാട്ടുപോത്തിനോടൊപ്പം കാട്ടുപന്നി, കാട്ടാനക്കൂട്ടം, മയില്‍, കുരങ്ങ്, മുയല്‍ തുടങ്ങിയ പല ജീവികളും മലയോരമേഖലയില്‍ വ്യാപകമാണ്. കാര്‍ഷിക വിളകള്‍ വ്യാപകമായി നശിപ്പിക്കുന്നതോടെ കര്‍ഷകരില്‍ പലരും കൃഷിയില്‍ നിന്നും പിന്തിരിയാന്‍ തുടങ്ങിയിട്ടുണ്ട്.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം