updated on:2018-11-15 06:58 PM
കലക്ടറേറ്റ് ജീവനക്കാരുടെ പച്ചക്കറികൃഷി വിളവെടുത്തു

www.utharadesam.com 2018-11-15 06:58 PM,
കാസര്‍കോട്: വിഷമയ പച്ചക്കറികളില്‍ നിന്നും മുക്തി നേടാന്‍ കലക്ടറേറ്റ് ജീവനക്കാര്‍ ആരംഭിച്ച ജൈവ പച്ചക്കറികൃഷിയുടെ വിളവെടുപ്പ് ജില്ലാ കലക്ടര്‍ ഡോ. ഡി. സജിത്ത് ബാബു നിര്‍വഹിച്ചു. സിവില്‍സ്റ്റേഷനില്‍ 20 സെന്റ് സഥലത്ത് കലക്ടറേറ്റ് സ്റ്റാഫ്കൗണ്‍സിലിന്റെ നേതൃത്വത്തില്‍ രണ്ടുമാസം മുമ്പ് തുടങ്ങിയ ജൈവ പച്ചക്കറികൃഷിയുടെ വിളവെടുപ്പില്‍ നിരവധിപേരാണ് പങ്കെടുത്തത്.
വെണ്ട, പയര്‍, പടവലം, കയ്പ്പ, വെള്ളരി, വാഴ, പപ്പായ, കുമ്പളം, ചീര, മുളക്, തക്കാളി തുടങ്ങിയ വിളകളാണ് കൃഷിചെയ്തത്. ചാണകം, മണ്ണിര കമ്പോസ്റ്റ്, കടലപിണ്ണാക്ക്, ജീവാണു വളമായ ജീവാമൃതം തുടങ്ങിയ ജൈവവളമാണ് കൃഷിക്ക് ഉപയോഗിച്ചത്. കായ്ഫലങ്ങള്‍ക്കുള്ള കീടനാശിനിയായി ഉപയോഗിച്ചത് വേപ്പെണ്ണ, ബാര്‍സോപ്പ് മിശ്രിതം, ഗോമൂത്ര മിശ്രിതം എന്നിവയായിരുന്നു. കൃഷിയുടെ മേല്‍നോട്ടത്തിനായി ഒരു കമ്മിറ്റി രൂപവല്‍ക്കരിച്ചതിന് പുറമെ കൃഷിയെ പരിപാലിക്കാന്‍ ജീവനക്കാര്‍ ദിവസേന രാവിലെയും വൈകിട്ടും ഒഴിവ് ദിനങ്ങളില്‍ പോലും സമയം കണ്ടെത്തി.
വിളകള്‍ കലക്ടറേറ്റിലെ ജീവനക്കാര്‍ക്ക് വിറ്റഴിക്കാനാണ് തീരുമാനം.
അഗ്രികള്‍ച്ചര്‍ ഡെപ്യൂട്ടി ഡയറക്ടര്‍ ജെ. സജിനിമോള്‍, ചെങ്കള കൃഷി ഓഫീസര്‍ ബിന്ധുജോര്‍ജ്, ചെങ്കള കൃഷി അസിസ്റ്റന്റ് കെ.സി. വിജയകുമാരി, സ്റ്റാഫ് കൗണ്‍സില്‍ സെക്രട്ടറി പി. പ്രഭാകരന്‍ തുടങ്ങി നിരവധി ഉദ്യോഗസ്ഥര്‍ പങ്കെടുത്തു.



Recent News
  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു