updated on:2018-11-19 06:40 PM
കശുമാവുകള്‍ നേരത്തെ പൂത്തു; പ്രതീക്ഷയോടെ കര്‍ഷകര്‍

www.utharadesam.com 2018-11-19 06:40 PM,
ബദിയടുക്ക: കശുമാവുകള്‍ നേരത്തെ പൂത്തു തുടങ്ങിയത് കര്‍ഷകരില്‍ പ്രതീക്ഷയുയര്‍ത്തുന്നു. കഴിഞ്ഞ വര്‍ഷം ഡിസംബര്‍ പകുതിയായപ്പോഴേക്കുമാണ് പൂക്കള്‍ വിരിഞ്ഞിരുന്നത്. ഇത്തവണ പല തോട്ടങ്ങളും നവംബര്‍ പകുതിയോടെ തന്നെ പൂത്തു തുടങ്ങിയിരിക്കുകയാണ്. അതു കൊണ്ട് തന്നെ വരും ദിവസങ്ങളില്‍ കലാവസ്ഥ അനുകൂലമായാല്‍ ബാക്കിയുള്ള കശുമാവുകള്‍ കൂടി പൂത്തു തുടങ്ങുമെന്നാണ് കര്‍ഷകര്‍ കണക്കുകൂട്ടുന്നത്. ഇപ്പോള്‍ തന്നെ രാത്രിയില്‍ ചെറിയ തോതിലുള്ള തണുപ്പും പകല്‍ സമയത്ത് ലഭിക്കുന്ന നല്ല വെയിലും കാരണം പൂക്കള്‍ കരിഞ്ഞു പോകാനുള്ള സാധ്യത നന്നെ കുറവാണ്. കഴിഞ്ഞ വര്‍ഷം150 രൂപയാണ് തുടക്കത്തില്‍ ഒരു കിലോ കശുവണ്ടിക്ക് ലഭിച്ചത്.എന്നാല്‍ ഇടവിട്ട് മഴപെയ്തതോടെ കശുവണ്ടി വില 120 രൂപയായി കുറയുകയായിരുന്നു. 110 രൂപയ്ക്കടുത്താണ് ഇപ്പോഴത്തെവില. വിളവെടുപ്പ് സീസണ്‍ ആരംഭിക്കുന്നതോടെ വില വര്‍ധിക്കാനാണ് സാധ്യതയെന്നാണ് വ്യാപാരികള്‍ പറയുന്നത്. കശുവണ്ടിക്ക് മോഹ വില ലഭിക്കുമ്പോഴും ജില്ലയില്‍ ഇരുനൂര്‍ ഹെക്ടറോളം മാത്രമാണ് സ്വാകാര്യ വ്യക്തികളുടെ കശുമാവുകൃഷിയുള്ളത്. വേനല്‍കാലത്ത് ലഭിക്കുന്ന കശുവണ്ടി വിളവും കൊണ്ടാണ് ഇവരുടെ ഒരു വര്‍ഷത്തെ ജീവിതം തന്നെ മുന്നോട്ട് പോകുന്നത്. ചില കര്‍ഷകര്‍ നേരത്തെ തന്നെ കശുമാവു വെട്ടിമാറ്റി റബറിലേക്ക് വഴി മാറിയിരുന്നു. മുമ്പ് ലഭിച്ചിരുന്ന റബറിന്റെ ഉയര്‍ന്ന വിലയാണ് ഈ മാറ്റത്തിന് കാരണം. ഇപ്പോഴത്തെ റബറിന്റെ വിലയിടിവ് പലരേയും മാറ്റി ചിന്തിപ്പിക്കുന്നുണ്ട്. റബര്‍ കൃഷിയെ അപേക്ഷിച്ച് കശുവണ്ടി കൃഷിക്ക് ഉല്‍പാദന ചിലവ് വളരെ കുറവായതുകൊണ്ടാണ് കര്‍ഷകരെ വീണ്ടും കശുവണ്ടി കൃഷിയിലേക്ക് ആകര്‍ഷിക്കുന്നത്.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം