updated on:2018-12-02 06:20 PM
ജലസ്രോതസുകള്‍ വറ്റുന്നു; തടയണ നിര്‍മ്മാണവുമായി കര്‍ഷകര്‍

www.utharadesam.com 2018-12-02 06:20 PM,
ബദിയടുക്ക: മഴയുടെ ലഭ്യത കുറഞ്ഞതോടെ പുഴകളും തോടുകളും മറ്റു ജലസ്രോതസുകളും വറ്റാന്‍ തുടങ്ങി. പരമ്പരാഗതമായി നിര്‍മ്മിച്ചിരുന്ന തടയണകളായിരുന്നു കാര്‍ഷിക വിളകള്‍ക്കുള്ള വെള്ളത്തിനായി കര്‍ഷകര്‍ ആശ്രയിച്ചിരുന്നത്. വര്‍ഷങ്ങള്‍ക്ക് മുമ്പ് വരെ തടയണ നിര്‍മ്മാണത്തിന് ധനസഹായം ലഭിച്ചിരുന്നു. തൊഴിലുറപ്പ് പദ്ധതി നടപ്പിലായതോടെ ജല സംരക്ഷണം ഉറപ്പുവരുത്തുന്നതിന് വേണ്ടിയുള്ള തടയണ നിര്‍മ്മാണ പ്രവര്‍ത്തനം തൊഴിലുറപ്പ് പദ്ധതിയില്‍ നടപ്പാക്കണമെന്ന ഉത്തരവ് സര്‍ക്കാര്‍ പുറപ്പെടുവിച്ചിരുന്നു. ഇത് ഒരു പരിധിവരെയെങ്കിലും കര്‍ഷകര്‍ക്ക് സഹായകമായിരുന്നു. എന്നാല്‍ തൊഴിലുറപ്പ് നിയമ പ്രകാരം തടയണ പ്രവൃത്തി നടപ്പാക്കേണ്ട എന്ന കേന്ദ്ര സര്‍ക്കാര്‍ നിര്‍ദ്ദേശമാണ് കര്‍ഷകര്‍ക്ക് വിനയായത്. ഇതോടെ തടയണ നിര്‍മ്മാണവും നിലച്ചു. മൂന്നുവര്‍ഷം മുമ്പ് വരെ തൊഴിലുറപ്പ് പദ്ധതിയില്‍പെടുത്തി നിര്‍മ്മാണ പ്രവൃത്തി നടത്തിയിരുന്നു. എന്നാല്‍ കോണ്‍ക്രീറ്റ് തടയണകള്‍ക്ക് മാത്രം സാമ്പത്തിക സഹായം നല്‍കിയാല്‍ മതിയെന്ന കേന്ദ്ര നിര്‍ദ്ദേശം വന്നതോടെയാണ് താല്‍ക്കാലിക തടയണ നിര്‍മ്മാണം നിലക്കാന്‍ കാരണമായത്. അരനൂറ്റാണ്ട് മുമ്പേ കര്‍ഷകര്‍ കണ്ടെത്തിയ മാര്‍ഗ്ഗമാണ് തടയണ വഴിയുള്ള ജല സംരക്ഷണം. ഉള്‍ഭാഗത്തെ ചെറു തോടുകള്‍ക്കും തടയണ പണിതിരുന്നു. കാലവര്‍ഷം തുടങ്ങുമ്പോള്‍ പൊളിച്ച് മാറ്റുന്നതാണ് ഇതിന്റെ രീതി. കല്ലും മണ്ണും ഉപയോഗിച്ച് പ്രകൃതിക്കിണങ്ങിയ രീതിയില്‍ നിര്‍മ്മിക്കുന്ന തടയണകളില്‍ ഏക്കറോളം വെള്ളംകെട്ടി നില്‍ക്കുന്നത് വേനല്‍ക്കാലത്തെ പതിവ് കാഴ്ചയായിരുന്നു. തൊഴിലുറപ്പ് പദ്ധതി നടപ്പില്‍ വരുന്നതിന് മുമ്പ് പ്രദേശത്തെ കര്‍ഷകര്‍ സംഘം ചേര്‍ന്ന് വിഹിതമെടുത്താണ് നിര്‍മ്മിച്ചിരുന്നത്. നാമമാത്രമായ സഹായമാണ് പഞ്ചായത്ത് ചെയ്തിരുന്നത്. മാത്രവുമല്ല തടയണകളുടെ കണക്കും സൂക്ഷിച്ചിരുന്നു. ഒരു തടയണക്ക് 50,000രൂപ വരേയാണ് ചിലവ്. സ്ഥിരം തടയണകളില്‍ നിന്നുമുണ്ടാകുന്ന ചോര്‍ച്ചയും ആയിരം അടിവരെ താഴ്ചയില്‍ കിടക്കുന്ന കുഴല്‍ കിണറുകളിലെ വെള്ളം വര്‍ഷങ്ങള്‍ക്കകം വറ്റുന്നതും താല്‍ക്കാലിക തടയണകളുടെ പ്രധാന്യം ഏറിയതായി പറയുമ്പോഴും പലരും തടയണ നിര്‍മ്മാണത്തില്‍ നിന്നും പിന്തിരിഞ്ഞു. അതേസമയം കാര്‍ഷിക ആവശ്യത്തിനുള്ള ജല ലഭ്യത കണക്കിലെടുത്ത് ഒരു കൂട്ടം കര്‍ഷകരുടെ കൂട്ടായ്മയില്‍ ഏത്തടുക്ക നേരപ്പാടി പുഴയില്‍ തടയണ നിര്‍മ്മാണത്തിന് കൈകോര്‍ത്ത് പ്രവര്‍ത്തനം പൂര്‍ത്തിയായിവരുന്നു.



Recent News
  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു