updated on:2018-12-06 06:45 PM
37 വര്‍ഷം തപാല്‍ വകുപ്പിന് വേണ്ടി സേവനം ചെയ്‌തെങ്കിലും ആനുകൂല്യങ്ങള്‍ ഇനിയുമകലെ

www.utharadesam.com 2018-12-06 06:45 PM,
കാസര്‍കോട്: ദീര്‍ഘകാലം തപാല്‍ വകുപ്പിന് വേണ്ടി സേവനം ചെയ്ത വിജയകുമാരന്‍ യാതൊരു ആനുകൂല്യങ്ങളും കിട്ടാതെ വലയുന്നു. മാവുങ്കാല്‍ പുതിയകണ്ടം സ്വദേശിയായ പി.വിജയകുമാരന്‍ കോട്ടച്ചേരി പോസ്റ്റോഫീസില്‍ 37 വര്‍ഷം പാര്‍ട് ടൈം സ്വീപ്പറായി ജോലി ചെയ്തിരുന്നു. അമ്പത്തെട്ടുകാരനായ വിജയകുമാരന്‍ മൂന്നു വര്‍ഷം മുമ്പാണ് ജോലിയില്‍ നിന്നും വിരമിച്ചത്. പ്രതിമാസം 1500 രൂപ പ്രതിഫലം വാങ്ങിയായിരുന്നു വിജയകുമാരന്‍ സ്വീപ്പര്‍ ജോലി ചെയ്തിരുന്നത്. തപാല്‍ വകുപ്പിലെ സ്വീപ്പര്‍മാര്‍ അംഗങ്ങളായുള്ള സംഘടന മുഖാന്തിരമാണ് വിജയകുമാരന്‍ ജോലിയില്‍ പ്രവേശിച്ചത്. വിരമിച്ച ശേഷം ആനുകൂല്യങ്ങള്‍ ലഭിക്കുമെന്ന് സംഘടന വ്യക്തമാക്കിയിരുന്നതായി വിജയകുമാരന്‍ പറയുന്നു. എന്നാല്‍ ഇതിനു വേണ്ട യാതൊരു നടപടികളും ബന്ധപ്പെട്ടവരുടെ ഭാഗത്തു നിന്ന് ഇതുവരെ ഉണ്ടായിട്ടില്ല. ഔദ്യോഗിക നിയമനമല്ലാത്തതിനാല്‍ വിജയകുമാരന് ആനുകൂല്യങ്ങള്‍ ലഭ്യമാകുന്നതിന് സാങ്കേതിക തടസ്സങ്ങളുണ്ടെന്നാണ് തപാല്‍ വകുപ്പധികൃതര്‍ പറയുന്നത്. എങ്കിലും ഏറെക്കാലം സേവന മനുഷ്ഠിച്ചെങ്കില്‍ എന്തെങ്കിലും ആനുകൂല്യം കിട്ടുമോയെന്നതിനെക്കുറിച്ച് കൂടുതല്‍ അന്വേഷണം വേണ്ടിവരുമെന്നും അവര്‍ വ്യക്തമാക്കി. ഭാര്യയും രണ്ട് മക്കളുമടങ്ങുന്നതാണ് വിജയകുമാരന്റെ കുടുംബം. തപാല്‍ വകുപ്പിലെ ജോലി ഇല്ലാതായതോടെ കുടുംബം കടുത്ത ദുരിതത്തിലാണ്. മക്കള്‍ കൂലിവേല ചെയ്യുന്നുണ്ട്. മിക്കപ്പോഴും പണി കിട്ടാറുമില്ല. അതുകൊണ്ടുതന്നെ തുച്ഛമായ വരുമാനം കൊണ്ട് കഴിഞ്ഞു കൂടാന്‍ കുടുംബം ഏറെ പ്രയാസപ്പെടുകയാണ്. വിജയകുമാരനെ പലവിധ അസുഖങ്ങളും അലട്ടുന്നതിനാല്‍ മറ്റ് ജോലികളൊന്നും ചെയ്യാന്‍ കഴിയുന്നില്ല. മൂന്നുമാസക്കാലം ആസ്പത്രിയില്‍ ചികിത്സയില്‍ കഴിഞ്ഞ ഇദ്ദേഹത്തിന്റെ അസുഖം പൂര്‍ണ്ണമായും ഭേദമായിട്ടില്ല. അധികൃതര്‍ എത്രയും വേഗം തനിക്ക് ആനുകൂല്യങ്ങള്‍ ലഭ്യമാക്കിത്തരണമെന്ന അപേക്ഷമാത്രമാണ് വിജയകുമാരനുള്ളത്.



Recent News
  പിഞ്ചുകുഞ്ഞിന്റെ ജീവന്‍ കാക്കാനായി അമൃതയിലെ ഡോക്ടര്‍മാര്‍ തീവ്ര പരിശ്രമത്തില്‍

  ദാ വന്നൂ... ദേ പോയി...

  ഒടിഞ്ഞ വൈദ്യുതി തൂണ്‍ മാറ്റിയില്ല; അപകടം പതിയിരിക്കുന്നു

  വേനല്‍മഴ ആശ്വാസത്തിനൊപ്പം ആശങ്കയും വിതച്ചു; ശക്തമായ കാറ്റില്‍ പരക്കെ നഷ്ടം

  മൂന്ന് മുന്നണികളുടെയും ഓഫീസ് ഒരേ കെട്ടിടത്തില്‍; ബോവിക്കാനത്ത് വേറിട്ട കാഴ്ച

  പള്ളങ്ങള്‍ മൂടി കുഴല്‍ കിണറുകള്‍ കുഴിച്ചു; കാരാക്കാട് കുടിവെള്ളം കിട്ടാതായി

  കാസര്‍കോട് നഗരത്തില്‍ അപകട ഭീഷണിയുയര്‍ത്തി മരം

  പദ്ധതികള്‍ നോക്കുകുത്തി; കോയിപ്പാടി കടപ്പുറത്ത് കുടിവെള്ള ക്ഷാമം രൂക്ഷം

  ഫാത്തിമയ്ക്ക് ജീവിതം നീട്ടിക്കിട്ടാന്‍ സുമനസ്സുകള്‍ കനിയണം

  വാമഞ്ചൂരില്‍ പാലത്തിന്റെ തകര്‍ന്ന കൈവരി ആറുമാസമായിട്ടും നന്നാക്കിയില്ല;

  സ്ലാബുകള്‍ നന്നാക്കിയില്ല; അപകടം പതിയിരിക്കുന്നു

  ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്

  ടെണ്ടര്‍ പൂര്‍ത്തിയായിട്ടും റോഡ് പണി തുടങ്ങിയില്ല; നാട്ടുകാര്‍ക്ക് ദുരിതം

  അംബികാസുതന്‍ മാങ്ങാടിന്റെ 'എന്‍ഡോസള്‍ഫാന്‍ നിലവിളികള്‍ അവസാനിക്കുന്നില്ല' പുസ്തക പ്രകാശനം 16ന്

  സുമനസുകളുടെ കൂട്ടായ്മയില്‍ സവിതയുടെ വീടിന്റെ നിര്‍മ്മാണം തുടങ്ങി