updated on:2018-12-18 06:10 PM
ദിവസ വേതനക്കാരെ പിരിച്ചുവിടല്‍: ജില്ലയില്‍ 50 കെ.എസ്.ആര്‍.ടി.സി സര്‍വ്വീസുകള്‍ മുടങ്ങി

www.utharadesam.com 2018-12-18 06:10 PM,
കാഞ്ഞങ്ങാട്: ദിവസ വേതനക്കാരെ പിരിച്ചുവിടാനുള്ള ഉത്തരവ് വന്നതോടെ ജില്ലയില്‍ കെ.എസ്.ആര്‍.ടി.സി സര്‍വ്വീസ് പ്രതിസന്ധിയിലായി. ഇതോടെ കാസര്‍കോട്, കാഞ്ഞങ്ങാട് ഡിപ്പോകളുടെ കീഴില്‍ 50 സര്‍വ്വീസ് ഇന്നലെ മുടങ്ങി. ഇന്നലെ ഉച്ചയോടെയാണ് താല്‍ക്കാലിക ജീവനക്കാരെ പിരിച്ചുവിടാനുള്ള ഹൈക്കോടതി ഉത്തരവ് ഡിപ്പോകളിലെത്തിയത്. കാസര്‍കോട് ഡിപ്പോയില്‍ 77 താല്‍ക്കാലിക ജീവനക്കാരെയാണ് കൂട്ടത്തോടെ ഒഴിവാക്കിയത്. ഇതേ തുടര്‍ന്ന് 30 സര്‍വ്വീസുകള്‍ ഇന്നലെത്തന്നെ മുടങ്ങിയതായി ഡിപ്പോ അധികൃതര്‍ പറഞ്ഞു. 90 ഷെഡ്യൂളുകളാണ് ജില്ലാ ആസ്ഥാനത്തുള്ളത്. ഇവയിലാണ് 30 സര്‍വ്വീസുകള്‍ മുടങ്ങിയത്. മുടങ്ങിയവയില്‍ ഏറെയും മലയോരത്തേക്കുള്ള സര്‍വ്വീസുകളാണ്. ഇവയില്‍ ഭൂരിഭാഗവും മലയോരത്ത് ഹാള്‍ട്ട് ചെയ്യുന്ന ബസ്സുകളാണ്.
കാഞ്ഞങ്ങാട് ഡിപ്പോയില്‍ 38 ജീവനക്കാരെയാണ് പിരിച്ചുവിട്ടത്. താല്‍ക്കാലിക ജീവനക്കാര്‍ ഒഴിവായതോടെ 20 സര്‍വ്വീസുകള്‍ മുടങ്ങിയിട്ടുണ്ട്. ഇവിടെയും മലയോരത്തേക്കുള്ള സര്‍വ്വീസുകളെയാണ് ബാധിച്ചത്. 37 സര്‍വ്വീസുകളാണ് മലയോരത്തേക്കുള്ളത്. ഇവയിലും മലയോരത്ത് ഹാള്‍ട്ട് ചെയ്യുന്ന ബസ്സുകളാണ് ഏറെയും.
ഉത്തരവ് വരുന്നതിന് മുമ്പ് ഡ്യൂട്ടിയില്‍ കയറിയ നിരവധി താല്‍ക്കാലിക ജീവനക്കാരുമുണ്ട്. ഡ്യൂട്ടി കഴിഞ്ഞ് തിരിച്ചെത്തുമ്പോള്‍ അവരും ജോലി അവസാനിപ്പിച്ച് പോകുന്നതോടെ കൂടുതല്‍ സര്‍വ്വീസുകളും മുടങ്ങാന്‍ സാധ്യതയുണ്ട്. താല്‍ക്കാലിക ജീവനക്കാര്‍ ഉണ്ടായിരുന്നപ്പോഴും രണ്ടുഡിപ്പോകളിലും ജീവനക്കാരുടെ എണ്ണം കുറവാണെന്ന കാരണത്താല്‍ ബസ് സര്‍വ്വീസുകള്‍ മുടങ്ങുന്നത് പതിവായിരുന്നു. ഈ സാഹചര്യത്തില്‍ ഇനിയും കൂടുതല്‍ സര്‍വ്വീസുകള്‍ മുടങ്ങുമെന്നാണ് മലയോര വാസികള്‍ ചൂണ്ടിക്കാട്ടുന്നത്. കാഞ്ഞങ്ങാട് നിന്നും മലയോരം വഴി കണ്ണൂര്‍ വിമാനത്താവളത്തിലേക്ക് ബസ് സര്‍വ്വീസ് അനുവദിച്ചിരുന്നെങ്കിലും ബസും മതിയായ ജീവനക്കാരും ഇല്ലാത്തതിനാല്‍ ഓടാന്‍ തുടങ്ങിയിട്ടില്ല. ജീവനക്കാരെ കൂട്ടത്തോടെ പിരിച്ചുവിട്ടതോടെ ഈ സര്‍വ്വീസ് അടുത്ത കാലത്തൊന്നും പ്രതീക്ഷിക്കേണ്ടതില്ല.
പിരിച്ചു വിട്ട ജീവനക്കാര്‍ക്ക് പകരം പി.എസ്. സി വഴി ജീവനക്കാരെ നിയമിച്ചാല്‍ തന്നെ പരിശീലനം കഴിഞ്ഞ് ഡ്യൂട്ടിയില്‍ പ്രവേശിക്കാന്‍ ആഴ്ചകള്‍ വേണ്ടിവരുമെന്നതിനാല്‍ സര്‍വ്വീസ് നടത്തിക്കൊണ്ടുപോകുന്നത് ഡിപ്പോകള്‍ക്ക് ഏറെ ബുദ്ധിമുട്ടുണ്ടാക്കും.



Recent News
  കൊറഗ വിഭാഗത്തിലെ ആദ്യ എം.ഫില്‍കാരി ബീഡി തെറുക്കുകയാണ്

  കാസര്‍കോടിന്റെ പൊരിവെയിലത്ത് കുറേ നാള്‍ എം.ജെ രാധാകൃഷ്ണന്‍ ഉണ്ടായിരുന്നു

  ചേരിപ്പാടി സ്‌കൂളിലേക്ക് സ്‌നേഹ സമ്മാനവുമായി ജര്‍മ്മന്‍ ദമ്പതികളെത്തി

  കുക്കു എന്ന് വിളിക്കുമ്പോള്‍ പറന്നുവന്ന് ബഷീറിന്റെ കൈകളിലിരിക്കും ഈ കറുത്ത കുയില്‍

  ദേശീയപാതയോരങ്ങളില്‍ വ്യാപകമായി മാലിന്യം തള്ളുന്നു; അധികാരികള്‍ മൗനത്തില്‍

  ഒടുവില്‍ നഗരസഭ കനിഞ്ഞു; കെ.പി.ആര്‍.റാവു റോഡിന് ശാപമോക്ഷമാവുന്നു

  രണ്ടുപതിറ്റാണ്ടോളമായി കാത്തിരിപ്പ്; മൊഗ്രാല്‍ കാടിയംകുളം കുടിവെള്ള പദ്ധതി യാഥാര്‍ത്ഥ്യമായില്ല

  ബേക്കല്‍ ജംഗ്ഷനില്‍ വെള്ളം കെട്ടികിടക്കുന്നത് ദുരിതമാകുന്നു

  ബഷീര്‍ നിറഞ്ഞ് ഇമ്മിണി ബല്യ രണ്ട് ക്ലാസ് മുറികള്‍

  മഴപ്പൊലിമ നാടിന്റെ ഉത്സവമായി

  സന്ധ്യമയങ്ങിയാല്‍ കെ.എസ്.ആര്‍.ടി.സി. ബസുകള്‍ കുമ്പള സ്റ്റാന്റില്‍ കയറുന്നില്ല; യാത്രക്കാര്‍ വലയുന്നു

  മാലിന്യപ്രശ്‌നം: ചെര്‍ക്കള ടൗണ്‍ കന്നുകാലികളും തെരുവ് നായ്ക്കളും കയ്യടക്കി

  മഴ കുറയുന്നു; പുതച്ചുറങ്ങാന്‍ ആര്‍ക്കും കമ്പിളി വേണ്ട

  അന്ധനായ നാരായണന് പെന്‍ഷന്‍ നിഷേധിച്ച് അധികാരികളുടെ ക്രൂര വിനോദം; എന്‍ഡോസള്‍ഫാന്‍ ഇരയായിട്ടും ആനുകൂല്യങ്ങളില്ല

  മുന്നാട് എ.യു.പി സ്‌കൂളില്‍ ജൈവ പച്ചക്കറി കൃഷിയുമായി പി.ടി.എ