updated on:2019-01-16 06:52 PM
എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

www.utharadesam.com 2019-01-16 06:52 PM,
ബേക്കല്‍: എ.എസ്.ഐ.യെ വെട്ടിപ്പരിക്കേല്‍പ്പിച്ച കേസിലെ മുഴുവന്‍ പ്രതികളെയും അറസ്റ്റ് ചെയ്യാത്തത് പൊലീസ് സേനയില്‍ തന്നെ കടുത്ത പ്രതിഷേധത്തിനിടയാക്കി.
ബേക്കല്‍ പൊലീസ് സ്റ്റേഷനിലെ എ.എസ്.ഐ.യും കരിവെള്ളൂര്‍ സ്വദേശിയുമായ ജയരാജനെ(50)യാണ് വെട്ടിപ്പരിക്കേല്‍പ്പിച്ചത്. പുതുവത്സര ദിനത്തില്‍ പുലര്‍ച്ചെ മാങ്ങാട് ജംഗ്ഷനിലാണ് ജയരാജനെ വധിക്കാന്‍ ശ്രമിച്ചത്. എേട്ടുപേര്‍ക്കെതിരെയാണ് ബേക്കല്‍ പൊലീസ് വധശ്രമത്തിന് കേസെടുത്തത്. ചില പ്രതികളെ പിടിച്ചിട്ടുണ്ട്. മുഖ്യപ്രതി മാങ്ങാട് ബാരയിലെ ആഷിഖിനെ(27) ബേക്കല്‍ എസ്.ഐ. കെ.പി. വിനോദ് കുമാര്‍ അറസ്റ്റ് ചെയ്തിരുന്നു. അക്രമത്തില്‍ പൊലീസ് ഡ്രൈവര്‍ ഇര്‍ഷാദി(28)നും പരിക്കേറ്റു.
ഗുരുതരമായി പരിക്കേറ്റ എ.എസ്.ഐ. ജയരാജന്‍ ഇപ്പോഴും മംഗളൂരു ആസ്പത്രിയില്‍ ചികിത്സയിലാണ്. സംഭവം നടന്ന് രണ്ടാഴ്ച പിന്നിട്ടിട്ടും മുഴുവന്‍ പ്രതികളെയും അറസ്റ്റ് ചെയ്യാനാകാത്തത് പൊലീസില്‍ തന്നെ ചര്‍ച്ചാവിഷയമായിട്ടുണ്ട്. രാഷ്ട്രീയ സമ്മര്‍ദ്ദത്തെ തുടര്‍ന്നാണ് അറസ്റ്റ് വൈകുന്നതെന്ന ആക്ഷേപവും പൊലീസുകാര്‍ക്കിടയിലുണ്ട്. രാഷ്ട്രീയ സംഘട്ടനങ്ങളുമായി ബന്ധപ്പെട്ട കേസിലെ പ്രതികളെ സംരക്ഷിക്കുന്നതുപോലെ പൊലീസ് ഉദ്യോഗസ്ഥനെ വധിക്കാന്‍ ശ്രമിച്ച കേസിലെ പ്രതികളെയും ചിലര്‍ സംരക്ഷിക്കുകയാണെന്നാണ് ആക്ഷേപം. അറസ്റ്റ് വൈകിക്കുകയാണെന്ന ആക്ഷേപം പരിക്കേറ്റ ഉദ്യോഗസ്ഥന്റെ അടുത്ത ബന്ധുക്കള്‍ക്കിടയിലുണ്ട്.
ഇത് സംബന്ധിച്ച് ഉന്നത ഉദ്യോഗസ്ഥരെ കണ്ട് പരാതി നല്‍കാനൊരുങ്ങുകയാണവര്‍.



Recent News
  സൂക്ഷിക്കുക, ഇവിടെ അപകടം പതിയിരിക്കുന്നു

  പിക്കപ്പ് വാന്‍ പാര്‍ക്ക് ചെയ്യുന്നത് തടസ്സപ്പെടുത്തുന്നു; ജോലിചെയ്യാനാകാതെ മുന്‍ പ്രവാസി

  ഒടയംചാല്‍ ബസ്സ്റ്റാന്റ് യാഥാര്‍ത്ഥ്യമാകുന്നു

  കരുണയുള്ളവര്‍ കാണണം; ദുരിതമഴ നനയുന്ന ഈ കുടുംബത്തെ

  കൊറഗരുടെ ഉന്നമനത്തിന് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതത്തില്‍ തന്നെ

  'ഇമ്മിണി ബല്യ പുത്തക'വുമായി പുത്തിഗെ എ.ജെ.ബി.എസ്.

  ഇവിടെ കാല്‍നടയാത്രപോലും ദുസ്സഹം; വിദ്യാര്‍ത്ഥികളടക്കമുള്ളവര്‍ പോകുന്നത് മതിലിലൂടെ

  പ്രസ്‌ക്ലബ്ബ് ജംഗ്ഷനിലെ ട്രാഫിക് സിഗ്നല്‍ തകരാറിലായിട്ട് രണ്ടാഴ്ച

  കടമുറ്റത്ത് മുന്തിരി കുലച്ചു; നാട്ടുകാര്‍ക്ക് കൗതുകം

  കവുങ്ങില്‍ കയറാന്‍ ഗണപതി ഭട്ടിന്റെ 'ബൈക്ക്'

  കയ്യാര്‍ കിഞ്ഞണ്ണ റൈ സ്മാരക ഗ്രന്ഥാലയം കാടുമൂടി കിടക്കുന്നു

  ട്രോളിംഗ് നിരോധനം; കാസര്‍കോട്ട് വില്‍പ്പനക്കെത്തുന്ന മത്തിക്ക് തീപിടിച്ച വില

  കൃഷിയെ ജീവന് തുല്യം സ്‌നേഹിച്ച് കാഞ്ഞങ്ങാട് സബ് കലക്ടര്‍

  രുചിക്കൂട്ടുകളുമായി ചക്ക മഹോത്സവം

  കാഴ്ചവസ്തുവായി പകല്‍വീട്