updated on:2019-01-20 05:27 PM
റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

www.utharadesam.com 2019-01-20 05:27 PM,
കാസര്‍കോട്: റെയില്‍വെ സ്റ്റേഷനിലെ പേ പാര്‍ക്കിങ്ങില്‍ വാഹനങ്ങള്‍ പാര്‍ക്ക് ചെയ്യാതെ യാത്രക്കാര്‍ റോഡിനിരുവശവും പാര്‍ക്ക് ചെയ്യുന്നതിനാല്‍ വാഹനങ്ങളെ കൊണ്ട് നിറയുന്നു. ഇരുചക്രവാഹനങ്ങളും കാറുകളുമാണ് റോഡിനിരുവശവും പാര്‍ക്ക് ചെയ്യുന്നത്. മാസങ്ങളായി ഇത് തുടരുകയാണ്. മഡോണ സ്‌കൂളിന് മുന്‍വശത്തെ റോഡ് മുതല്‍ തെരുവത്ത് വരെയുള്ള റോഡുകളുടെ ഇരുവശത്തുമാണ് തീവണ്ടിയില്‍ പോകുന്ന യാത്രക്കാരുടെ വാഹനങ്ങള്‍ പാര്‍ക്ക് ചെയ്യുന്നത്. സമീപത്തെ ഇടറോഡിലും വാഹനങ്ങള്‍ പാര്‍ക്ക് ചെയുന്നത് പതിവാണ്. റെയില്‍വെ സ്റ്റേഷന്‍ പരിസരത്ത് റെയില്‍വെ അധികൃതര്‍ വാഹനങ്ങള്‍ പാര്‍ക്ക് ചെയ്യാന്‍ സൗകര്യം ഒരുക്കിയിട്ടുണ്ട്. എന്നാല്‍ ഇത് പലരും പ്രയോജനപ്പെടുത്തുന്നില്ല. പേ പാര്‍ക്കിങ്ങിനായി അനുവദിച്ച സ്ഥലം മതിയാവാത്തതും പുറത്ത് വാഹനങ്ങള്‍ പാര്‍ക്ക് ചെയ്യാന്‍ വാഹന ഉടമകള്‍ നിര്‍ബന്ധിതരാവുന്നതിന് മറ്റൊരു കാരണമാണ്. പണം നല്‍കി പാര്‍ക്ക് ചെയ്താല്‍ അതിന്റെ ഉത്തരവാദിത്വം അവര്‍ക്കില്ലെങ്കില്‍ പിന്നെ പുറത്ത് പാര്‍ക്ക് ചെയ്യുകയല്ലാതെ പിന്നെന്ത് കാര്യമെന്നാണ് വാഹന ഉടമകള്‍ പറയുന്നത്. പാര്‍ക്കിങ്ങിനായി തുക ഈടാക്കുന്നതിന് നല്‍കുന്ന ടിക്കറ്റില്‍ ഓണര്‍ റിസ്‌ക്ക് എന്ന് എഴുതിയത് ഇതിന്റെ ഉദാഹരണമാണ്. പാര്‍ക്കിങ്ങ് സ്ഥലത്ത് തന്നെ ഇരുചക്രവാഹനങ്ങള്‍ മോഷ്ടിക്കുന്നതും വാഹനങ്ങളില്‍ നിന്ന് ഇന്ധനം മോഷ്ടിക്കുന്നതും പതിവാണ്. റെയില്‍വെ പൊലീസിന്റെ നിരീക്ഷണം ഉണ്ടെങ്കിലും അവരുടെ ശ്രദ്ധ മാറുമ്പോഴാണ് ഇത്തരം മോഷണം പതിവാണ്. ഇരുചക്രവാഹനങ്ങള്‍ക്ക് നാല് മണിക്കൂര്‍ പാര്‍ക്ക് ചെയ്യാന്‍ ആറ് രൂപയും 12 മണിക്കുര്‍ പാര്‍ക്ക് ചെയ്യാന്‍ 12 രൂപയും 24 മണിക്കൂര്‍ പാര്‍ക്ക് ചെയ്യാന്‍ 24 രൂപയും കാറുകള്‍ക്ക് ഇത് യഥാക്രമം 25, 45, 90 രൂപയുമാണ് ഈടാക്കുന്നത്. ഇത്ര തുക നല്‍കി വില കൂടിയ വാഹനങ്ങള്‍ പാര്‍ക്ക് ചെയ്യുമ്പോള്‍ ഉത്തരവാദിത്വത്തില്‍ നിന്ന് അധികൃതര്‍ ഒഴിഞ്ഞുമാറുന്ന സമീപനമാണ് കൈകൊള്ളുന്നതെന്നും ഇതുകാരണമാണ് വാഹനങ്ങള്‍ അനധികൃതമായി പാര്‍ക്ക് ചെയ്യേണ്ടി വരുന്നതെന്നും യാത്രക്കാര്‍ പറയുന്നു.



Recent News
  ഗ്ലാസ് ജനല്‍ ഷട്ടറുകളുള്ള ബസുകളില്‍ യാത്രക്കാര്‍ വിയര്‍ത്തൊലിക്കുന്നു; പരിഹാരം വേണമെന്ന് ആവശ്യം

  കുമ്പള സര്‍ക്കാര്‍ ആസ്പത്രിയില്‍ ഡോക്ടര്‍മാരില്ല; രോഗികള്‍ ചികിത്സ കിട്ടാതെ മടങ്ങുന്നു

  റോഡ് പ്രവൃത്തിയിലെ അശാസ്ത്രീയത: കാലിച്ചാനടുക്കത്ത് അപകടം പെരുകുന്നു

  പിഞ്ചുകുഞ്ഞിന്റെ ജീവന്‍ കാക്കാനായി അമൃതയിലെ ഡോക്ടര്‍മാര്‍ തീവ്ര പരിശ്രമത്തില്‍

  ദാ വന്നൂ... ദേ പോയി...

  ഒടിഞ്ഞ വൈദ്യുതി തൂണ്‍ മാറ്റിയില്ല; അപകടം പതിയിരിക്കുന്നു

  വേനല്‍മഴ ആശ്വാസത്തിനൊപ്പം ആശങ്കയും വിതച്ചു; ശക്തമായ കാറ്റില്‍ പരക്കെ നഷ്ടം

  മൂന്ന് മുന്നണികളുടെയും ഓഫീസ് ഒരേ കെട്ടിടത്തില്‍; ബോവിക്കാനത്ത് വേറിട്ട കാഴ്ച

  പള്ളങ്ങള്‍ മൂടി കുഴല്‍ കിണറുകള്‍ കുഴിച്ചു; കാരാക്കാട് കുടിവെള്ളം കിട്ടാതായി

  കാസര്‍കോട് നഗരത്തില്‍ അപകട ഭീഷണിയുയര്‍ത്തി മരം

  പദ്ധതികള്‍ നോക്കുകുത്തി; കോയിപ്പാടി കടപ്പുറത്ത് കുടിവെള്ള ക്ഷാമം രൂക്ഷം

  ഫാത്തിമയ്ക്ക് ജീവിതം നീട്ടിക്കിട്ടാന്‍ സുമനസ്സുകള്‍ കനിയണം

  വാമഞ്ചൂരില്‍ പാലത്തിന്റെ തകര്‍ന്ന കൈവരി ആറുമാസമായിട്ടും നന്നാക്കിയില്ല;

  സ്ലാബുകള്‍ നന്നാക്കിയില്ല; അപകടം പതിയിരിക്കുന്നു

  ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്