updated on:2019-02-08 06:13 PM
അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

www.utharadesam.com 2019-02-08 06:13 PM,
ദേലംപാടി: നടന്നു പോകാന്‍ വഴി പോലുമില്ലാതെ ഒറ്റപ്പെട്ട രണ്ടു പ്രദേശങ്ങളിലേക്ക് വഴിതെളിക്കാന്‍ നാട്ടുകാര്‍ കൈകോര്‍ക്കുന്നു. ദേലംപാടി പഞ്ചായത്തിലെ 15-16 വാര്‍ഡുകളില്‍ പെട്ട നുയിംവീട്, കൊമ്പോട് എന്നി പ്രദേശങ്ങളിലുള്ളവരാണ് നടന്നു പോകാന്‍ പോലും വഴിയില്ലാതെ ദുരിതത്തിലായത്. ഈ രണ്ട് പ്രദേശങ്ങളേയും ബന്ധിപ്പിക്കുന്ന വീതി കുറഞ്ഞ നടപ്പാത ഉണ്ടെങ്കിലും ഇപ്പോള്‍ അത് പലയിടത്തും തകര്‍ന്ന് കുണ്ടുംകുഴിയുമായി കാല്‍നടയാത്ര ദുസ്സഹമായ അവസ്ഥയിലാണ്. അതിനു പുറമെ കുട്ടികളടക്കമുള്ളവര്‍ മദ്രസയിലേക്കും മറ്റും ഇതുവഴി നടന്നു പോകുമ്പോള്‍ എതിരെ നിന്നും നാല്‍കാലികളോ മറ്റോ വന്നാല്‍ മാറി നില്‍ക്കാന്‍ പോലും പറ്റാത്ത സ്ഥിതിയാണ്. തകര്‍ന്നു കിടക്കുന്ന നടപ്പാത വീതികൂട്ടി നന്നാക്കുകയോ റോഡ് നിര്‍മ്മിക്കാനുള്ള നടപടി സ്വീകരിക്കുകയോ ചെയ്യണമെന്ന് ആവശ്യപ്പെട്ട് പഞ്ചായത്ത് അധികൃതരെ സമീപിച്ചപ്പോള്‍ നടപ്പാത പഞ്ചായത്ത് രേഖയില്‍ ഉള്‍പ്പെട്ടിട്ടില്ലെന്നും അതുകൊണ്ട് നടപ്പാതയ്‌ക്കോ റോഡിനോ ഫണ്ട് അനുവദിക്കാന്‍ സാധിക്കില്ലെന്നുമുള്ള മറുപടിയാണ് ലഭിച്ചതെന്ന് നാട്ടുകാര്‍ പറയുന്നു. രണ്ട് വലിയ കുന്നുകളും മൂന്ന് തോടും കൃഷിയിടവും ഉള്‍പ്പെടുന്ന സ്ഥലത്തു കൂടി മൂന്നര ലക്ഷത്തിലധികം രൂപ ചെലവില്‍ ഒരു കിലോമീറ്റര്‍ നീളത്തിലുള്ള റോഡാണ് നാട്ടുകാര്‍ പണം മുടക്കി നിര്‍മ്മിക്കുന്നത്. റോഡിനായി നാല് സ്വകാര്യ വ്യക്തികളാണ് സ്ഥലം വിട്ട് നല്‍കിയത്. നാല്‍പതോളം കുടുംബങ്ങളാണ് രണ്ടു ഗ്രാമങ്ങളിലുമായി താമസിക്കുന്നത്. ഒരു റോഡെന്ന ആവശ്യവുമായി ഗ്രാമവാസികള്‍ മുട്ടാത്ത വാതിലുകളില്ല. വര്‍ഷങ്ങളോളം ജനപ്രതിനിധികളുടെയും ഉദ്യോഗസ്ഥരുടെയും പിന്നാലെ നടന്ന് മടുത്തതോടെയാണ് നാട്ടുകാര്‍ സ്വന്തം ചെലവില്‍ റോഡ് നിര്‍ മ്മിക്കാന്‍ രംഗത്തിറങ്ങിയത്.



Recent News
  പിഞ്ചുകുഞ്ഞിന്റെ ജീവന്‍ കാക്കാനായി അമൃതയിലെ ഡോക്ടര്‍മാര്‍ തീവ്ര പരിശ്രമത്തില്‍

  ദാ വന്നൂ... ദേ പോയി...

  ഒടിഞ്ഞ വൈദ്യുതി തൂണ്‍ മാറ്റിയില്ല; അപകടം പതിയിരിക്കുന്നു

  വേനല്‍മഴ ആശ്വാസത്തിനൊപ്പം ആശങ്കയും വിതച്ചു; ശക്തമായ കാറ്റില്‍ പരക്കെ നഷ്ടം

  മൂന്ന് മുന്നണികളുടെയും ഓഫീസ് ഒരേ കെട്ടിടത്തില്‍; ബോവിക്കാനത്ത് വേറിട്ട കാഴ്ച

  പള്ളങ്ങള്‍ മൂടി കുഴല്‍ കിണറുകള്‍ കുഴിച്ചു; കാരാക്കാട് കുടിവെള്ളം കിട്ടാതായി

  കാസര്‍കോട് നഗരത്തില്‍ അപകട ഭീഷണിയുയര്‍ത്തി മരം

  പദ്ധതികള്‍ നോക്കുകുത്തി; കോയിപ്പാടി കടപ്പുറത്ത് കുടിവെള്ള ക്ഷാമം രൂക്ഷം

  ഫാത്തിമയ്ക്ക് ജീവിതം നീട്ടിക്കിട്ടാന്‍ സുമനസ്സുകള്‍ കനിയണം

  വാമഞ്ചൂരില്‍ പാലത്തിന്റെ തകര്‍ന്ന കൈവരി ആറുമാസമായിട്ടും നന്നാക്കിയില്ല;

  സ്ലാബുകള്‍ നന്നാക്കിയില്ല; അപകടം പതിയിരിക്കുന്നു

  ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്

  ടെണ്ടര്‍ പൂര്‍ത്തിയായിട്ടും റോഡ് പണി തുടങ്ങിയില്ല; നാട്ടുകാര്‍ക്ക് ദുരിതം

  അംബികാസുതന്‍ മാങ്ങാടിന്റെ 'എന്‍ഡോസള്‍ഫാന്‍ നിലവിളികള്‍ അവസാനിക്കുന്നില്ല' പുസ്തക പ്രകാശനം 16ന്

  സുമനസുകളുടെ കൂട്ടായ്മയില്‍ സവിതയുടെ വീടിന്റെ നിര്‍മ്മാണം തുടങ്ങി