updated on:2019-02-11 08:44 PM
ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

www.utharadesam.com 2019-02-11 08:44 PM,
പെരിയ: സമകാലിക സംഭവവികാസങ്ങളില്‍ ആക്ഷേപഹാസ്യത്തിന്റെ മേമ്പൊടികള്‍ ചേര്‍ത്ത് മാധ്യമപ്രവര്‍ത്തകന്‍ ടി.കെ പ്രഭാകരന്‍ വരച്ച കാര്‍ട്ടൂണുകളുടെ പ്രദര്‍ശനം ശ്രദ്ധേയമായി. പുല്ലൂര്‍-പെരിയ പഞ്ചായത്തിലെ ചാലിങ്കാല്‍ ഗവ. എല്‍. പി സ്‌കൂളില്‍ ഇന്നലെ വൈകിട്ടാണ് കാര്‍ട്ടൂണ്‍ പ്രദര്‍ശനം സംഘടിപ്പിച്ചത്. ദേശീയ-സംസ്ഥാന രാഷ്ട്രീയത്തിലെ നേതാക്കളുടെ നയങ്ങളെയും സമകാലിക സാഹചര്യങ്ങളെയും ഹാസ്യാത്മകമായി ചിത്രീകരിക്കുന്ന കാര്‍ട്ടൂണുകളാണ് പ്രദര്‍ശിപ്പിച്ചത്. ചിത്രകാരന്‍ രാജേന്ദ്രന്‍ പുല്ലൂര്‍ പ്രദര്‍ശനത്തിന്റെ ഉദ്ഘാടനം നിര്‍വ്വഹിച്ചു. മുഖ്യധാരയില്‍ അവഗണിക്കപ്പെട്ടുകൊണ്ടിരിക്കുന്ന കാര്‍ട്ടൂണ്‍ എന്ന കലയെ ഗ്രാമങ്ങളിലേക്ക് കൊണ്ടുവന്ന് ആസ്വാദനം സമൂഹത്തിന്റെ അടിത്തട്ടിലേക്ക് എത്തിക്കാന്‍ പ്രഭാകരന്‍ നടത്തുന്ന പരിശ്രമങ്ങള്‍ അഭിനന്ദനീയമാണെന്ന് രാജേന്ദ്രന്‍ പറഞ്ഞു. ചാലിങ്കാല്‍ സണ്‍ഡേ സ്‌കൂളിന്റെ വാര്‍ഷിക പരിപാടിയുടെ ഭാഗമായിട്ടായിരുന്നു കാര്‍ട്ടൂണ്‍ പ്രദര്‍ശനം. 2015ലാണ് പ്രഭാകരന്റെ കാര്‍ട്ടൂണുകള്‍ ആദ്യമായി പ്രദര്‍ശിപ്പിച്ചത്.
2015 ല്‍ കേരള ലളിത കലാ അക്കാദമിയുടെയും കാഞ്ഞങ്ങാട് പ്രസ്‌ഫോറത്തിന്റെയും ആഭിമുഖ്യത്തില്‍ പ്രഭാകരന്റെ കാര്‍ട്ടൂണുകള്‍ നാല് ദിവസം പ്രദര്‍ശിപ്പിച്ചിരുന്നു.
കാര്‍ട്ടൂണ്‍ പ്രദര്‍ശനത്തോടനുബന്ധിച്ച് ചിത്രകാരി അമ്മാളുവമ്മയുടെ ചിത്ര പ്രദര്‍ശനവും നടന്നു.



Recent News
  സൂക്ഷിക്കുക, ഇവിടെ അപകടം പതിയിരിക്കുന്നു

  പിക്കപ്പ് വാന്‍ പാര്‍ക്ക് ചെയ്യുന്നത് തടസ്സപ്പെടുത്തുന്നു; ജോലിചെയ്യാനാകാതെ മുന്‍ പ്രവാസി

  ഒടയംചാല്‍ ബസ്സ്റ്റാന്റ് യാഥാര്‍ത്ഥ്യമാകുന്നു

  കരുണയുള്ളവര്‍ കാണണം; ദുരിതമഴ നനയുന്ന ഈ കുടുംബത്തെ

  കൊറഗരുടെ ഉന്നമനത്തിന് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതത്തില്‍ തന്നെ

  'ഇമ്മിണി ബല്യ പുത്തക'വുമായി പുത്തിഗെ എ.ജെ.ബി.എസ്.

  ഇവിടെ കാല്‍നടയാത്രപോലും ദുസ്സഹം; വിദ്യാര്‍ത്ഥികളടക്കമുള്ളവര്‍ പോകുന്നത് മതിലിലൂടെ

  പ്രസ്‌ക്ലബ്ബ് ജംഗ്ഷനിലെ ട്രാഫിക് സിഗ്നല്‍ തകരാറിലായിട്ട് രണ്ടാഴ്ച

  കടമുറ്റത്ത് മുന്തിരി കുലച്ചു; നാട്ടുകാര്‍ക്ക് കൗതുകം

  കവുങ്ങില്‍ കയറാന്‍ ഗണപതി ഭട്ടിന്റെ 'ബൈക്ക്'

  കയ്യാര്‍ കിഞ്ഞണ്ണ റൈ സ്മാരക ഗ്രന്ഥാലയം കാടുമൂടി കിടക്കുന്നു

  ട്രോളിംഗ് നിരോധനം; കാസര്‍കോട്ട് വില്‍പ്പനക്കെത്തുന്ന മത്തിക്ക് തീപിടിച്ച വില

  കൃഷിയെ ജീവന് തുല്യം സ്‌നേഹിച്ച് കാഞ്ഞങ്ങാട് സബ് കലക്ടര്‍

  രുചിക്കൂട്ടുകളുമായി ചക്ക മഹോത്സവം

  കാഴ്ചവസ്തുവായി പകല്‍വീട്