updated on:2019-02-22 08:36 PM
അര്‍ബുദരോഗത്തോട് മല്ലിട്ട് നന്ദകുമാറിന്റെ ജീവിതം; കുടുംബം കനിവ് തേടുന്നു

www.utharadesam.com 2019-02-22 08:36 PM,
കാസര്‍കോട്: അര്‍ബുദരോഗത്തോട് മല്ലിട്ട് ദുരിതജീവിതം തള്ളിനീക്കുന്ന ഗൃഹനാഥന്‍ ഉദാരമതികളുടെ കനിവ് തേടുന്നു. ചെങ്കള പാമ്പാച്ചിക്കടവ് അയ്യപ്പഭജനമന്ദിരത്തിന് സമീപത്ത് ഓടുമേഞ്ഞ ചെറിയ വീട്ടില്‍ കുടുംബസമേതം താമസിക്കുന്ന ബി നന്ദകുമാറാണ് തനിക്ക് നേരിട്ട ദുര്‍വിധിയെ പഴിച്ച് കഴിയുന്നത്. വയോധികയായ അമ്മയുടെയും കുടുംബത്തിന് വേണ്ടി കഷ്ടപ്പെടുന്ന ഭാര്യയുടെയും അഞ്ചും മൂന്നും വയസുള്ള മക്കളുടെയും കാര്യമോര്‍ക്കുമ്പോള്‍ നന്ദകുമാറിന്റെ ഉള്ളുപിടയുന്നു. അര്‍ബുദരോഗത്തെ തുടര്‍ന്ന് ശസ്ത്രക്രിയക്ക് വിധേയനായി കടുത്ത വേദനയില്‍ കഴിയുമ്പോഴും കുടുംബത്തിന്റെ ഭാവിയേക്കുറിച്ചോര്‍ത്ത് നന്ദകുമാര്‍ അസ്വസ്ഥനാകുകയാണ്. ഷാര്‍ജയില്‍ ജോലിചെയ്തുവരുന്നതിനിടെ പത്തുമാസം മുമ്പാണ് നന്ദന്റെ വലതുകാലില്‍ മുട്ടിന് മുകളിലായി മുഴ കണ്ടെത്തിയത്. കടുത്ത വേദനയുണ്ടായതോടെ ആസ്പത്രിയിലെത്തി മുഴ നീക്കിയെങ്കിലും വേദനക്ക് ശമനമുണ്ടായില്ല. കമ്പനി കയ്യൊഴിഞ്ഞതോടെ നാട്ടിലെത്തുകയായിരുന്നു. വര്‍ക്ക് ഷോപ്പ് ജീവനക്കാരനായിരുന്ന നന്ദകുമാര്‍ കടം വാങ്ങിയാണ് ഷാര്‍ജയില്‍ പോകുന്നതിനുള്ള പണം കണ്ടെത്തിയിരുന്നത്. ആറുമാസം മാത്രമാണ് ഷാര്‍ജയില്‍ ജോലി ചെയ്യാന്‍ സാധിച്ചത്. കടം വീട്ടാന്‍ പോലും ഈ കാലയളവില്‍ സാധിച്ചില്ല.
നന്ദകുമാര്‍ കാന്‍സര്‍ സെന്ററിലെത്തിയപ്പോഴാണ് അര്‍ബുദമാണെന്ന് തിരിച്ചറിഞ്ഞത്. അര്‍ബുദം ബാധിച്ച വലതുകാലിലെ മാംസം പൂര്‍ണമായും മാറ്റുകയും ഇടതുകാലില്‍ നിന്ന് മാംസം വെച്ചുപിടിപ്പിക്കുകയും ചെയ്തു. വേദന അസഹ്യമായതുകാരണം കാല്‍ നിലത്തുകുത്താന്‍ പോലുമാകുന്നില്ലെന്ന് നന്ദകുമാര്‍ പറയുന്നു. വസ്ത്രക്കടയില്‍ ജോലി ചെയ്യുന്ന ഭാര്യ വിദ്യശ്രീയുടെ ചെറിയ വരുമാനം കൊണ്ടാണ് കുടുംബം കഴിഞ്ഞുകൂടുന്നത്. ചികിത്സാചിലവുകള്‍ക്ക് നാട്ടുകാരുടെ സഹായം ലഭിക്കുന്നുണ്ട്. അഞ്ചുവയസുകാരനായ സഞ്ജിത്തും മൂന്നുവയസുകാരനായ സ്വജിത്തുമാണ് മക്കള്‍. സുമനസുകളുടെ സഹായമുണ്ടെങ്കില്‍ മാത്രമേ നന്ദകുമാറിന് ഇനി ചികിത്സ തുടരാനാകുകയുള്ളൂ. കാനറാബാങ്കിന്റെ കാസര്‍കോട് ശാഖയില്‍ നന്ദകുമാറിന് 0726101119873 നമ്പറില്‍ അക്കൗണ്ടുണ്ട്. (ഐ.എഫ്.എസ്. കോഡ്; സി.എന്‍.ആര്‍.ബി 0000726)



Recent News
  ഗ്ലാസ് ജനല്‍ ഷട്ടറുകളുള്ള ബസുകളില്‍ യാത്രക്കാര്‍ വിയര്‍ത്തൊലിക്കുന്നു; പരിഹാരം വേണമെന്ന് ആവശ്യം

  കുമ്പള സര്‍ക്കാര്‍ ആസ്പത്രിയില്‍ ഡോക്ടര്‍മാരില്ല; രോഗികള്‍ ചികിത്സ കിട്ടാതെ മടങ്ങുന്നു

  റോഡ് പ്രവൃത്തിയിലെ അശാസ്ത്രീയത: കാലിച്ചാനടുക്കത്ത് അപകടം പെരുകുന്നു

  പിഞ്ചുകുഞ്ഞിന്റെ ജീവന്‍ കാക്കാനായി അമൃതയിലെ ഡോക്ടര്‍മാര്‍ തീവ്ര പരിശ്രമത്തില്‍

  ദാ വന്നൂ... ദേ പോയി...

  ഒടിഞ്ഞ വൈദ്യുതി തൂണ്‍ മാറ്റിയില്ല; അപകടം പതിയിരിക്കുന്നു

  വേനല്‍മഴ ആശ്വാസത്തിനൊപ്പം ആശങ്കയും വിതച്ചു; ശക്തമായ കാറ്റില്‍ പരക്കെ നഷ്ടം

  മൂന്ന് മുന്നണികളുടെയും ഓഫീസ് ഒരേ കെട്ടിടത്തില്‍; ബോവിക്കാനത്ത് വേറിട്ട കാഴ്ച

  പള്ളങ്ങള്‍ മൂടി കുഴല്‍ കിണറുകള്‍ കുഴിച്ചു; കാരാക്കാട് കുടിവെള്ളം കിട്ടാതായി

  കാസര്‍കോട് നഗരത്തില്‍ അപകട ഭീഷണിയുയര്‍ത്തി മരം

  പദ്ധതികള്‍ നോക്കുകുത്തി; കോയിപ്പാടി കടപ്പുറത്ത് കുടിവെള്ള ക്ഷാമം രൂക്ഷം

  ഫാത്തിമയ്ക്ക് ജീവിതം നീട്ടിക്കിട്ടാന്‍ സുമനസ്സുകള്‍ കനിയണം

  വാമഞ്ചൂരില്‍ പാലത്തിന്റെ തകര്‍ന്ന കൈവരി ആറുമാസമായിട്ടും നന്നാക്കിയില്ല;

  സ്ലാബുകള്‍ നന്നാക്കിയില്ല; അപകടം പതിയിരിക്കുന്നു

  ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്