updated on:2019-06-11 09:00 PM
എഞ്ചിനീയറിംഗ് പ്രവേശന പരീക്ഷയില്‍ ഇരട്ട സഹോദരങ്ങള്‍ക്ക് റാങ്കിന്‍ തിളക്കം

www.utharadesam.com 2019-06-11 09:00 PM,
കാഞ്ഞങ്ങാട്: എഞ്ചിനീയറിംഗ് പ്രവേശന പരീക്ഷാ ഫലം വന്നപ്പോള്‍ കാട്ടുകുളങ്ങര സൗപര്‍ണികയില്‍ റാങ്കില്‍ ഇരട്ടത്തിളക്കം. ബിസിനസുകാരന്‍ സുകുമാരന്റെയും സിവില്‍ പൊലീസ് ഓഫീസര്‍ സുജാതയുടെയും ഇരട്ട മക്കളായ സഞ്ജയ് സുകുമാരന്‍, സൗരവ് സുകുമാരന്‍ എന്നിവരാണ് എല്ലാ കാര്യത്തിലും സാമ്യതയെന്ന പോലെ റാങ്കിലും അത് നിലനിര്‍ത്തിയത്. സഞ്ജയിന് നാലാം റാങ്കും സൗരവിന് എട്ടാം റാങ്കുമാണ് ലഭിച്ചത്. വടക്കന്‍ മേഖലയില്‍ സഞ്ജയ് ആണ് മുന്നിട്ട് നില്‍ക്കുന്നത് എന്ന പ്രത്യേകതയുമുണ്ട്. ഇരട്ടകളെന്ന നിലയില്‍ എല്ലാ കാര്യത്തിലും സാമ്യത കാട്ടിയ ഇവര്‍ വിജയത്തിലും അത് നിലനിര്‍ത്തിയതില്‍ അഭിമാനിക്കുകയാണ് വീട്ടുകാരും നാട്ടുകാരും. പഠന കാര്യത്തില്‍ ഇവര്‍ക്ക് ഒരേ മനസാണെങ്കില്‍ ഇഷ്ട വിനോദങ്ങളായ സിനിമയിലും ക്രിക്കറ്റിലും വ്യത്യസ്ത അഭിപ്രായങ്ങളെന്നത് പ്രത്യേകതയാണ്. ഇരുവര്‍ക്കും നവോദയ വിദ്യാലയത്തില്‍ പ്രവേശനം ലഭിച്ചിരുന്നു. എന്നാല്‍ പഠനം രണ്ട് സ്‌കൂളുകളിലായിരുന്നു. സഞ്ജയ് കണ്ണൂരിലും സൗരവ് പെരിയയിലുമാണ് പഠിച്ചത്. പിന്നീട് പ്ലസ്ടുവിനും ഇരുവരും വീണ്ടും ഒരുമിച്ചു. കാഞ്ഞിരപ്പള്ളി സെന്റ് ആന്റണീസ് പബ്ലിക് സ്‌കൂളിലാണ് പഠിച്ചത്. ഒരു മാര്‍ക്കിന്റെ വ്യത്യാസമാണ് പ്ലസ്ടുവിലുണ്ടായിരുന്നത്. സഞ്ജയ് 486 മാര്‍ക്ക് നേടിയപ്പോള്‍ സൗരവ് 485 മാര്‍ക്ക് വാങ്ങി.
ഐ.ഐ.ടിയില്‍ ചേരാനാണ് ഇരുവര്‍ക്കും ആഗ്രഹം. ഇലക്ട്രിക്കല്‍ എഞ്ചിനീയറിംഗ് പഠിക്കാനാണ് രണ്ട് പേരുടെയും ആഗ്രഹം. ഐ.ഐ.ടി. പ്രവേശന പരീക്ഷാ ഫലം കാത്തിരക്കുകയാണിവര്‍. ഈ പരീക്ഷയില്‍ നല്ല വിജയം ലഭിക്കുമെന്ന പ്രതീക്ഷയിലാണ് ഇരുവരും.
ഏക സഹോദരി സ്‌നേഹ തമിഴ്‌നാട് കേന്ദ്ര സര്‍വ്വകലാശാലയില്‍ ബിരുദാനന്തര ബിരുദവിദ്യാര്‍ത്ഥിനിയാണ്.



Recent News
  ഒടയംചാല്‍ ബസ്സ്റ്റാന്റ് യാഥാര്‍ത്ഥ്യമാകുന്നു

  കരുണയുള്ളവര്‍ കാണണം; ദുരിതമഴ നനയുന്ന ഈ കുടുംബത്തെ

  കൊറഗരുടെ ഉന്നമനത്തിന് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതത്തില്‍ തന്നെ

  'ഇമ്മിണി ബല്യ പുത്തക'വുമായി പുത്തിഗെ എ.ജെ.ബി.എസ്.

  ഇവിടെ കാല്‍നടയാത്രപോലും ദുസ്സഹം; വിദ്യാര്‍ത്ഥികളടക്കമുള്ളവര്‍ പോകുന്നത് മതിലിലൂടെ

  പ്രസ്‌ക്ലബ്ബ് ജംഗ്ഷനിലെ ട്രാഫിക് സിഗ്നല്‍ തകരാറിലായിട്ട് രണ്ടാഴ്ച

  കടമുറ്റത്ത് മുന്തിരി കുലച്ചു; നാട്ടുകാര്‍ക്ക് കൗതുകം

  കവുങ്ങില്‍ കയറാന്‍ ഗണപതി ഭട്ടിന്റെ 'ബൈക്ക്'

  കയ്യാര്‍ കിഞ്ഞണ്ണ റൈ സ്മാരക ഗ്രന്ഥാലയം കാടുമൂടി കിടക്കുന്നു

  ട്രോളിംഗ് നിരോധനം; കാസര്‍കോട്ട് വില്‍പ്പനക്കെത്തുന്ന മത്തിക്ക് തീപിടിച്ച വില

  കൃഷിയെ ജീവന് തുല്യം സ്‌നേഹിച്ച് കാഞ്ഞങ്ങാട് സബ് കലക്ടര്‍

  രുചിക്കൂട്ടുകളുമായി ചക്ക മഹോത്സവം

  കാഴ്ചവസ്തുവായി പകല്‍വീട്

  വെള്ളക്കെട്ടുകള്‍ സര്‍വത്ര; കലക്ടറേറ്റ് - പൊലീസ് സ്റ്റേഷന്‍ പരിസരങ്ങള്‍ കൊതുകുവളര്‍ത്ത് കേന്ദ്രങ്ങളാകുന്നു

  രക്തത്തില്‍ പ്ലേറ്റ്‌ലെറ്റ് കുറയല്‍; ചിറ്റമൃത് ഉത്തമ ഔഷധം, ഗവേഷണ പ്രബന്ധവുമായി കാഞ്ഞങ്ങാട്ടെ ഡോക്ടര്‍ ലണ്ടനിലേക്ക്