updated on:2019-06-12 06:09 PM
തീവണ്ടിപ്പാട്ടുകൂട്ട് 15ന് അരങ്ങിലുമെത്തുന്നു

www.utharadesam.com 2019-06-12 06:09 PM,
കാസര്‍കോട്: തീവണ്ടിയിലെ വിരസമായ യാത്രകളെ സംഗീതത്തിന്റെ മധുര ശീലുകള്‍ കൊണ്ട് ആനന്ദകരമാക്കുന്ന 'തീവണ്ടിപ്പാട്ടുകൂട്ട്' കാസര്‍കോട്ട് അരങ്ങിലെത്തുന്നു. കാസര്‍കോട് തിയേറ്ററിക്‌സ് സൊസൈറ്റിയുടെ പ്രതിമാസ പരിപാടിയില്‍ ഈ മാസം 15ന് തീവണ്ടിപ്പാട്ടുകൂട്ട് അരങ്ങേറും. വൈകിട്ട് ആറ് മണി മുതല്‍ കാസര്‍കോട് മുനിസിപ്പല്‍ കോണ്‍ഫറന്‍സ് ഹാളിലാണ് പരിപാടി. ദിനേനയുള്ള തീവണ്ടിയാത്രയിലെ മനം മടുപ്പിനെ സംഗീതത്തിന്റെ മാസ്മരികത കൊണ്ട് തുരത്തിയോടിക്കുകയാണ് കാസര്‍കോട്ടെ പാട്ടുകൂട്ട്.
സര്‍ക്കാര്‍ ഓഫീസ് ഉദ്യോഗസ്ഥരും പൊലീസുകാരും അധ്യാപകരും തൊഴിലാളികളും അടങ്ങുന്ന തീവണ്ടിയാത്രക്കാരുടെ ഒരു കൂട്ടമാണ് യാത്രാവേളയില്‍ പാട്ടുകൂട്ടൊരുക്കി പിരിമുറുക്കമുള്ള ജീവിതത്തിന് അയവ് വരുത്തുന്നത്.
ആരാണ്, എന്നാണ് തീവണ്ടിപ്പാട്ടിന് തുടക്കം കുറിച്ചതെന്ന് അറിയില്ലെങ്കിലും മനസിനെ തണുപ്പിക്കുന്ന ഔഷധമാവുകയാണ് കണ്ണൂര്‍-കാസര്‍കോട് പാതയില്‍ ഞായറാഴ്ച ഒഴികെയുള്ള ദിവസങ്ങളില്‍ രാവിലെയും വൈകിട്ടും ഉയര്‍ന്നു കേള്‍ക്കുന്ന പാട്ടുകള്‍. കാസര്‍കോട് കലക്‌ട്രേറ്റിലെ ജീവനക്കാരടക്കമുള്ളവരാണ് ഈ പാട്ടുകൂട്ടത്തിലുള്ളത്. പലരും മികച്ച ഗായകരാണ്.
മൈക്കും സ്പീക്കറുമായി ട്രെയിനിലെത്തുന്ന സംഘം പാട്ടിന്റെ പാലാഴി തീര്‍ത്ത് എല്ലാവരെയും ആഹ്ലാദിപ്പിക്കുന്നു. സംഗീതത്തിന്റെ മഴ വര്‍ഷിച്ച് പാട്ടുകൂട്ടം നിറഞ്ഞു നില്‍ക്കുമ്പോള്‍ കേള്‍ക്കാന്‍ ചുറ്റും യാത്രക്കാര്‍ നിറയുന്നു. പാട്ടറിയുന്നവര്‍ മനോഹരമായി പാടുമ്പോള്‍ പാടാനറിയാത്തവര്‍ കൈകൊട്ടിയും താളം പിടിച്ചും സംഗീത യാത്രക്ക് കൊഴുപ്പേകുന്നു. സഞ്ചരിക്കുന്ന ഈ സംഗീത കൂടാരം ചൂളം വിളിച്ച് പായുമ്പോള്‍ ഹൃദയം അനുഭവിക്കുന്ന ആഹ്ലാദത്തിന് അതിരുകളില്ലെന്നും വീടെത്തുന്നത് അറിയുന്നതേ ഇല്ലെന്നും യാത്രക്കാര്‍ പറയുന്നു.
തീവണ്ടിപ്പാട്ടുകൂട്ടത്തിന് നിറഞ്ഞ സദസിന് മുന്നില്‍ വേദിയില്‍ പാടാനുള്ള അവസരമൊരുക്കുകയാണ് കാസര്‍കോട് തിയേറ്ററിക്‌സ് സൊസൈറ്റി. 16 അംഗങ്ങളുള്ള ഗായക സംഘമാണ് അരങ്ങിലെത്തുക.



Recent News
  ഒടയംചാല്‍ ബസ്സ്റ്റാന്റ് യാഥാര്‍ത്ഥ്യമാകുന്നു

  കരുണയുള്ളവര്‍ കാണണം; ദുരിതമഴ നനയുന്ന ഈ കുടുംബത്തെ

  കൊറഗരുടെ ഉന്നമനത്തിന് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതത്തില്‍ തന്നെ

  'ഇമ്മിണി ബല്യ പുത്തക'വുമായി പുത്തിഗെ എ.ജെ.ബി.എസ്.

  ഇവിടെ കാല്‍നടയാത്രപോലും ദുസ്സഹം; വിദ്യാര്‍ത്ഥികളടക്കമുള്ളവര്‍ പോകുന്നത് മതിലിലൂടെ

  പ്രസ്‌ക്ലബ്ബ് ജംഗ്ഷനിലെ ട്രാഫിക് സിഗ്നല്‍ തകരാറിലായിട്ട് രണ്ടാഴ്ച

  കടമുറ്റത്ത് മുന്തിരി കുലച്ചു; നാട്ടുകാര്‍ക്ക് കൗതുകം

  കവുങ്ങില്‍ കയറാന്‍ ഗണപതി ഭട്ടിന്റെ 'ബൈക്ക്'

  കയ്യാര്‍ കിഞ്ഞണ്ണ റൈ സ്മാരക ഗ്രന്ഥാലയം കാടുമൂടി കിടക്കുന്നു

  ട്രോളിംഗ് നിരോധനം; കാസര്‍കോട്ട് വില്‍പ്പനക്കെത്തുന്ന മത്തിക്ക് തീപിടിച്ച വില

  കൃഷിയെ ജീവന് തുല്യം സ്‌നേഹിച്ച് കാഞ്ഞങ്ങാട് സബ് കലക്ടര്‍

  രുചിക്കൂട്ടുകളുമായി ചക്ക മഹോത്സവം

  കാഴ്ചവസ്തുവായി പകല്‍വീട്

  വെള്ളക്കെട്ടുകള്‍ സര്‍വത്ര; കലക്ടറേറ്റ് - പൊലീസ് സ്റ്റേഷന്‍ പരിസരങ്ങള്‍ കൊതുകുവളര്‍ത്ത് കേന്ദ്രങ്ങളാകുന്നു

  രക്തത്തില്‍ പ്ലേറ്റ്‌ലെറ്റ് കുറയല്‍; ചിറ്റമൃത് ഉത്തമ ഔഷധം, ഗവേഷണ പ്രബന്ധവുമായി കാഞ്ഞങ്ങാട്ടെ ഡോക്ടര്‍ ലണ്ടനിലേക്ക്