updated on:2017-11-30 08:38 PM
രണ്ടിനത്തില്‍ ഒന്നാം സ്ഥാനം; മൂന്നിനങ്ങളില്‍ രണ്ടാം സ്ഥാനം; താരമായി ആവണി

www.utharadesam.com 2017-11-30 08:38 PM,
ചെമനാട്: രണ്ടിനങ്ങളില്‍ ഒന്നാം സ്ഥാനവും മൂന്നിനങ്ങളില്‍ രണ്ടാം സ്ഥാനവും നേടി ആവണി മിന്നുംതാരമായി. മോണോആക്ട്, ചമ്പുപ്രഭാഷണം എന്നിവയില്‍ ഒന്നാംസ്ഥാനവും ഓട്ടംതുള്ളല്‍, അക്ഷരശ്ലോകം, കവിതാപാരായണം എന്നിവയില്‍ എ ഗ്രേഡോടെ രണ്ടാംസ്ഥാനവും നേടിയാണ് ജി.എച്ച്.എസ്.എസ് ബല്ലയിലെ ആവണി പവിത്രന്‍ മിന്നിയത്. സംസ്ഥാനശാസ്ത്രമേളയില്‍ ചലിക്കുന്ന പാവ നിര്‍മിച്ച് ഒന്നാംസ്ഥാനം നേടിയിരുന്നു. കുട്ടികളുടെ പാര്‍ലമെന്റില്‍ പങ്കെടുത്ത ആവണിയെ മുഖ്യമന്ത്രി പിണറായി വിജയന്‍ അഭിനന്ദിച്ചിരുന്നു. നാടകനടന്‍ പവിത്രന്‍ നീലേശ്വരം-ബീന ദമ്പതികളുടെ മകളാണ്.