updated on:2017-01-10 08:08 PM
തോംസണ്‍ ജോസിനെ കാസര്‍കോട്ട് തന്നെ പോലീസ് മേധാവിയായി നിയമിക്കണം-പ്രതിഷേധ കൂട്ടായ്മ

www.utharadesam.com 2017-01-10 08:08 PM,
കാസര്‍കോട്: ജില്ലാ പൊലീസ് മേധാവിയായിരുന്ന തോംസണ്‍ ജോസിനെ സ്ഥലം മാറ്റിയതില്‍ പ്രതിഷേധിച്ച് സേവ് കാസര്‍കോട് കൂട്ടായ്മയുടെ നേതൃത്വത്തില്‍ കാസര്‍കോട് പുതിയ ബസ്റ്റാന്റ് ഒപ്പുമരച്ചോട്ടില്‍ ജനകീയ പ്രതിഷേധ കൂട്ടായ്മ സംഘടിപ്പിച്ചു. കക്ഷി രാഷ്ട്രീയ ഭേദമന്യേ നിരവധി സംഘടനാ നേതാക്കള്‍ കൂട്ടായ്മയില്‍ പങ്കെടുത്തു. ഒപ്പുകള്‍ ശേഖരിച്ചുകൊണ്ടായിരുന്നു പ്രതിഷേധ പരിപാടിയുടെ തുടക്കം. ജില്ലയിലെ അക്രമ സംഭവങ്ങള്‍ ശ്രദ്ധാപൂര്‍വ്വം അടിച്ചമര്‍ത്താനും മുഖം നോക്കാതെ കുറ്റക്കാര്‍ക്കെതിരെ നടപടി എടുക്കാനും എല്ലായ്‌പ്പോഴും ശ്രമിച്ചിരുന്ന പോലീസ് മേധാവിയെ അപ്രതീക്ഷിതമായി സ്ഥലം മാറ്റിയത് കാസര്‍കോടിന്റെ ക്രമസമാധാനത്തെ ബാധിക്കുമെന്ന് യോഗം വിലയിരുത്തി. സ്ഥലം മാറ്റം പുന:പരിശോധിച്ച് അദ്ദേഹത്തെ കാസര്‍കോട്ട് തന്നെ നിയമിക്കാന്‍ നടപടി സ്വീകരിക്കണമെന്നും യോഗം ആവശ്യപ്പെട്ടു. നഗരസഭാ മുന്‍ സ്റ്റാന്റിംഗ് കമ്മറ്റി ചെയര്‍മാന്‍ അബ്ബാസ് ബീഗം ഉദ്ഘാടനം ചെയ്തു. മജീദ് കൊല്ലമ്പാടി അധ്യക്ഷത വഹിച്ചു. മഹമൂദ് വട്ടേക്കാവ് സ്വാഗതം പറഞ്ഞു. സി.എല്‍. ഹമീദ് , കൃഷ്ണന്‍ നമ്പൂതിരി മാസ്റ്റര്‍, ഗണേശ് പാറക്കട്ട, ഹാഷിം അരിയില്‍, ഖാദര്‍ പാലോത്ത്, കേശവ, കെ.ഖാലിദ്, ഗിരീഷ്, രാജീവന്‍ നമ്പ്യാര്‍, മുസ്തഫ ഉദുമ, അബ്ദുല്‍ ഖാദര്‍ ചട്ടഞ്ചാല്‍, സി.കെ. മൊയ്തീന്‍ കുഞ്ഞി, പി.എസ്.മുഹമ്മദ് കുഞ്ഞി, ഉബൈദുല്ല കടവത്ത്, എം.സി.ഹനീഫ്, എം.എ. കളത്തൂര്‍, ഷാഫി എ.നെല്ലിക്കുന്ന്, മുനീര്‍ അടുക്കത്ത് ബയല്‍, ഹാരിസ് മസ്താന്‍, ഷൗക്കത്തലി ചൂരി, റഷീദ് ചായത്തോട്ടം, എ.കെ. ഹനീഫ്, സുബൈര്‍ ചൂരി, അബ്ദുല്ല, ബുര്‍ഹാന്‍, ഹമീദ് ചേരങ്കൈ, അഫീസ് ചൂരി, മിഷാല്‍ റഹ്മാന്‍ നേതൃത്വം നല്‍കി.



Recent News
  പീഡനത്തില്‍ പ്രതിഷേധിച്ച് പ്രതിരോധ സംഗമം

  നുള്ളിപ്പാടി ക്രിക്കറ്റ് പ്രീമിയര്‍ ലീഗ് മെയ് 12ന്

  ബഹ്‌റൈന്‍ കെ.എം.സി.സിയുടെ തണലില്‍ സൈനുദ്ദീന്റെ വീടെന്ന സ്വപ്നം പൂവണിഞ്ഞു

  റമദാന്‍ 25-ാം രാവില്‍ സഅദിയ്യയില്‍ പ്രാര്‍ത്ഥനാ സമ്മേളനം; സ്വാഗത സംഘം രൂപീകരിച്ചു

  രാജ്യത്ത് സ്ത്രീകള്‍ക്കും കുട്ടികള്‍ക്കുമെതിരെ നടക്കുന്ന കാര്യങ്ങള്‍ ഭീതിയുണര്‍ത്തുന്നവ-ശാന്തമ്മ ഫിലിപ്പ്

  ജനപ്രതിനിധികളുടെ താല്‍പര്യക്കുറവ് മാപ്പിള കലാകേന്ദ്രം മൊഗ്രാലിന് നഷ്ടപ്പെടാന്‍ കാരണമായി -സി.പി.എം

  പരാതികള്‍ അന്വേഷിക്കുന്ന പൊലീസ് പിന്നീട് തിരിഞ്ഞുനോക്കുന്നില്ല; പരിഹാരമില്ലാതെ വയോജനങ്ങളുടെ പ്രശ്‌നങ്ങള്‍

  സി.പി.ഐ പാര്‍ട്ടി കോണ്‍ഗ്രസ്; പതാക ജാഥക്ക് കയ്യൂരില്‍ തുടക്കം

  ഡോ. സജേഷ് പി. തോമസിന് മേരിക്യൂറി അവാര്‍ഡ്

  പഴയകാല സഹപാഠികള്‍ 15 ലക്ഷം രൂപയുടെ പ്രൊജക്ട് ബെദിര പി.ടി.എം സ്‌കൂളിന് സമര്‍പ്പിച്ചു

  അണ്ടര്‍-19 ജില്ലാ ടീമിനെ അഭിജിത് നയിക്കും

  ജില്ലാ ഫുട്‌ബോള്‍ ചാമ്പ്യന്‍ഷിപ്പിന് തുടക്കമായി

  ഇശല്‍ ഗ്രാമത്തിന്റെ യശസ്സുയര്‍ത്തിയ പ്രതിഭകള്‍ക്ക് ആദരം

  സമാധാന സന്ദേശവുമായി ജെ.സി.ഐ കാസര്‍കോടിന്റെ സൈക്കിള്‍ റാലി 19ന്

  ദശവാര്‍ഷികാഘോഷവും അവാര്‍ഡ് ദാനവും നാളെ